کراچی، یونیورسٹی روڈ پر فائرنگ سے ایک شخص قتل، ایک زخمی
اشاعت کی تاریخ: 9th, October 2025 GMT
ترجمان اہلسنت و الجماعت کے مطابق مقتول قاری محمد انس بلدیہ ٹاؤن یوسی 12 کا اہلسنت و الجماعت کا سیکرٹری اطلاعات تھا۔ اسلام ٹائمز۔ شہر قائد میں یونیورسٹی روڈ سمامہ پل کے قریب نامعلوم مسلح ملزمان کی فائرنگ سے ایک شخص قتل اور ایک زخمی ہوگیا۔ تفصیلات کے مطابق یونیورسٹی روڈ این ای ڈی یونیورسٹی کے مرکزی گیٹ کے سامنے دن دیہاڑے گھات لگائے نامعلوم مسلح ملزمان نے اندھا دھند فائرنگ کرکے ایک شخص کو قتل اور ایک شخص کو شدید زخمی کر دیا۔ پولیس کے مطابق مقتول اور زخمی موٹر سائیکل خریدنے کیلئے مذکورہ مقام پر پہنچے تھے، جہاں انہیں گھات لگائے نامعلوم مسلح ملزمان نے فائرنگ کرکے قتل کر دیا۔ پولیس کے مطابق واقعہ بظاہر ذاتی دشمنی کی بناء پر کی جانے والی ٹارگٹ کلنگ کا معلوم ہوتا ہے، پولیس نے واقعے کی سی سی ٹی وی فوٹیج اور جائے وقوع سے نائن ایم ایم پستول کے 5 خول سمیت دیگر شواہد اکٹھا کرکے واقعے کی تفتیش شروع کر دی۔
عینی شاہدین نے پولیس کو بتایا کہ مقتول موٹرسائیکل پر اپنے ساتھی کے ہمراہ سوار ہو کر آیا تھا اور مقتول جسے ہی مذکورہ مقام پر آکر رکا اور اس نے کسی کو فون کال کرکے بتایا کہ میں پہنچ گیا ہوں، مقتول موبائل فون پر بات ہی کر رہا تھا کہ اسی دوران عقب سے ایک مسلح ملزم پیدل چلتے ہوئے آیا اور اس نے اندھادھند فائرنگ کر دی، مقتول کے سر پر گولی لگنے سے موقع پر جان سے گیا جبکہ اس کا ساتھی شدید زخمی ہوگیا۔ پولیس کو جائے وقوع سے نائن ایم ایم پستول کے 5 خول، مقتول کا موبائل فون، نقدی اور موٹرسائیکل ملی ہے، جسے پولیس نے اپنے قبضے میں لے لیا۔ ایس ایچ او نے مزید بتایا کہ مقتول محمد انس اور زخمی شاہد بلدیہ ٹاؤن میں رہائش پزیر تھے اور بلدیہ ٹاؤں میں کسی مدرسے میں بچوں کو دینی تعلیم دیتے تھے، مقتول اور زخمی کی موٹرسائیکل خریدنے کی کسی سے ڈیل چل رہی تھی اور وہ موٹر سائیکل کی خریداری کیلئے ہی مذکورہ مقام پر پہنچے تھے، جہاں انہیں فائرنگ کے قتل اور زخمی کر دیا گیا۔
ایس ایچ او نے بتایا کہ پولیس نے واقعے کی سی سی ٹی وی فوٹیج بھی حاصل کرلی ہے، ابتدائی تفتیش کے مطابق واقعہ بظاہر ذاتی دشمنی کی بناء پر کی جانے والی ٹارگٹ کلنگ کا معلوم ہوتا ہے۔ پولیس واقعے کی مختلف پہلوؤں پر تفتیش کر رہی ہے، ادھر فائرنگ کے واقعے کی سی سی ٹی وی فوٹیج بھی سامنے آگئی، جس میں پینٹ شرٹ میں ملبوس کیپ لگائے ملزم کو پیدل آکر شہری کو نشانہ بناتے ہوئے دیکھا جا سکتا ہے۔ فائرنگ کے واقعے کے بعد ملزم بھاگ کر کچھ فاصلے پر کھڑے اپنے ساتھی کے پاس پہنچتا ہے اور موقع سے فرار ہو جاتے ہیں۔ ترجمان اہلسنت و الجماعت کے مطابق مقتول قاری محمد انس بلدیہ ٹاؤن یوسی 12 کا اہلسنت و الجماعت کا سیکرٹری اطلاعات تھا۔
ذریعہ
ذریعہ: Islam Times
کلیدی لفظ: اہلسنت و الجماعت کے مطابق اور زخمی واقعے کی بتایا کہ ایک شخص
پڑھیں:
کراچی، 7 سالہ بچی کے اغوا اور قتل میں ملوث ملزم مبینہ پولیس مقابلے میں ہلاک
کراچی کے علاقے کیماڑی سے 7 سالہ بچی کو اغوا اور زیادتی کے بعد قتل کرنے والا ملزم مبینہ پولیس مقابلے میں ہلاک ہوگیا۔
ایس ایس پی کیماڑی سنگھار ملک نے بتایا کہ جیکسن پولیس دعا کے اغوا، زیادتی کے بعد قتل کیس کی تفتیش میں مصروف تھی کہ تھانے کی حدود میں آنے والے ایک علاقے میں پولیس مقابلہ ہوا جس میں ملزم ہلاک ہوگیا۔
انہوں نے بتایا کہ سی سی ٹی وی فوٹیجز اور شواہد کی بنیاد پر مشتبہ شخص کی موجودگی کی اطلاع ملی تھی، پولیس ملزم کی گرفتاری کیلیے اسٹریٹ مبارک مسجد کے قریب پہنچی تو ملزم نے اہلکاروں پر فائرنگ کردی۔
مزید پڑھیںکیماڑی میں جھاڑیوں سے کمسن بچی کی لاش برآمد، مشکوک شخص کی ویڈیو سامنے آگئی
2 سالہ بچے آذان کے اغوا میں ملوث 3 ملزمان گرفتار، مرکزی ملزم والد کا دوست نکلا
ایس ایس پی کیماڑی کے مطابق جوابی فائرنگ میں ملزم مارا گیا جبکہ جائے وقوعہ سے شواہد تحویل میں لے کر قانونی و فرانزک کارروائی شروع کردی گئی ہے۔
سنگھار ملک کے مطابق ہلاک شخص کے کوائف اور بچی کے اغواء و قتل کیس سے ممکنہ تعلق کی جانچ جاری ہے جبکہ پولیس سرجن نے معصوم بچی دعا کے ساتھ زیادتی کی تصدیق کردی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار