طالبان جارحیت پر پاک فوج کے بھرپور جواب کی ویڈیوز وائرل، عوام کا زبردست خراج تحسین
اشاعت کی تاریخ: 12th, October 2025 GMT
پاک افغان سرحد پر حالیہ جھڑپوں کے دوران طالبان فورسز کی جانب سے پاکستانی چوکیوں پر بلااشتعال فائرنگ اور حملوں کے بعد پاک فوج نے بھرپور اور مؤثر جوابی کارروائی کی ہے، جس میں افغان طالبان کی متعدد چوکیوں کو نشانہ بنایا گیا۔
یہ بھی پڑھیں:پاکستان کی جانب سے افغان طالبان کی جارحیت کا منہ توڑ جواب، 19 افغان چوکیوں پر پاک فوج کا قبضہ
سیکیورٹی ذرائع کے مطابق، پاک فوج کی جانب سے بھاری ہتھیاروں کے استعمال کی ویڈیوز منظرِ عام پر آئی ہیں جن میں آرٹلری گنز کو طالبان کے ٹھکانوں پر فائر کرتے دیکھا جا سکتا ہے۔ ذرائع کے مطابق، افغان فورسز کو جوابی کارروائی کے نتیجے میں پسپائی اختیار کرنا پڑی۔
عوام کا پاک فوج پر اظہارِ فخرسوات، باجوڑ اور دیگر سرحدی علاقوں کے عوام نے پاک فوج کی بہادری اور بروقت ردِعمل کو سراہتے ہوئے کہا ہے کہ ہمیں اپنی افواج پر فخر ہے جنہوں نے افغانستان کو پیچھے ہٹنے پر مجبور کر دیا۔
فیلڈ مارشل سید عاصم منیر پاک افغان بارڈر پر پہنچ گئے! pic.
— WE News (@WENewsPk) October 12, 2025
عوام کا کہنا ہے کہ پاک فوج اس دھرتی کی محافظ ہے اور قوم اس کے شانہ بشانہ کھڑی ہے۔
پاک افغان تعلقات میں کشیدگییہ جھڑپیں ایک ایسے وقت میں ہوئیں جب طالبان حکومت کے اہلکار پاکستان کی سرحدی چوکیوں پر بارہا فائرنگ کر رہے تھے۔ سیکیورٹی حکام کے مطابق ان حملوں کی نوعیت معمول کے واقعات سے کہیں زیادہ شدید تھی۔
پاکستان فوج کی طرف سے طالبان فورسز کے خلاف منہ توڑ جواب بھرپور طریقے سے جاری!
پاکستان فوج کی جوابی کاروائی میں باجوڑ کے سامنے افغان طالبان کی کرزئی پوسٹ مکمل تباہ! pic.twitter.com/980UvpY30i
— WE News (@WENewsPk) October 12, 2025
پاکستان نے واضح کیا ہے کہ اس کی کارروائیاں صرف ان ٹھکانوں کے خلاف ہیں جہاں سے ’فتنۂ خوارج‘ اور ’فتنۂ ہندوستان‘ سے وابستہ دہشتگرد عناصر سرگرم ہیں۔
انسانیت اور بھائی چارے کی یاد دہانیعوامی ردِعمل میں یہ بات بھی سامنے آئی ہے کہ پاکستان نے ہمیشہ افغان عوام کو پناہ، روزگار اور سہولیات فراہم کی ہیں۔
عوام کا کہنا ہے کہ ہم نے افغان بھائیوں کو اپنے گھروں میں جگہ دی، انہیں کھانا، لباس اور روزگار دیا، یہ سب انسانیت اور اسلامی بھائی چارے کے جذبے کے تحت تھا، مگر اس کے جواب میں افغان عبوری حکومت کی احسان ناشناسی قابل مذمت ہے۔
پاکستان فوج کی جوابی کاروائی میں افغان طالبان کے منوجبا کیمپ 3 کو بھی مکمل تباہ کر دیا گیا!
ویڈیو میں افغان طالبان کے منوجبا کیمپ 3 کی انگیجمنٹ اور اسٹرائیک کے بعد مکمل تباہی دیکھی جا سکتی ہے! pic.twitter.com/ogXJkp0rOF
— WE News (@WENewsPk) October 12, 2025
پاکستانی حکام نے واضح کیا ہے کہ ملک کی خودمختاری پر کوئی سمجھوتہ نہیں کیا جائے گا اور ہر جارحیت کا بھرپور اور مؤثر جواب دیا جائے گا۔ سرحدوں کی حفاظت پاک فوج کے مضبوط ہاتھوں میں ہے، اور پوری قوم اپنی بہادر افواج کے ساتھ سیسہ پلائی دیوار بن کر کھڑی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
کلیدی لفظ: افغان طالبان میں افغان پاک فوج عوام کا فوج کی
پڑھیں:
جنرل ساحر شمشاد مرزا کی الوداعی تقریب، 40 سالہ عسکری خدمات پر خراجِ تحسین
جوائنٹ اسٹاف ہیڈکوارٹرز میں چیئرمین جوائنٹ چیفس آف اسٹاف کمیٹی جنرل ساحر شمشاد مرزا (NI، NI (M)) کے اعزاز میں الوداعی تقریب منعقد کی گئی، جس میں ان کی 40 سالہ شاندار عسکری خدمات کو خراجِ تحسین پیش کیا گیا۔
تقریب میں سابق چیئرمین جوائنٹ چیفس آف اسٹاف کمیٹی سمیت تینوں مسلح افواج کے سینئر افسران نے شرکت کی۔ آمد پر ایک چاق و چوبند تینوں سروسز کے دستے نے جنرل ساحر شمشاد مرزا کو گارڈ آف آنر پیش کیا۔
اپنے خطاب میں سبکدوش ہونے والے چیئرمین جوائنٹ چیفس آف اسٹاف کمیٹی نے اپنے فرائض دیانت داری، پیشہ ورانہ مہارت اور خلوصِ نیت سے انجام دینے کی توفیق پر اللہ تعالیٰ کا شکر ادا کیا۔ انہوں نے مادرِ وطن کے دفاع کے لیے مسلح افواج کی عظیم قربانیوں کو خراجِ عقیدت پیش کیا اور شہدا و ان کے اہلِ خانہ کو سلامِ عقیدت پیش کیا۔
جنرل ساحر شمشاد مرزا نے کہا کہ موجودہ جیو اسٹریٹیجک ماحول میں مضبوط قومی دفاع قومی سلامتی کا بنیادی ستون ہے۔ انہوں نے اس عزم کا اعادہ کیا کہ پاکستان کا دفاع ناقابلِ تسخیر ہے اور ہمارے بہادر افسر اور جوان اسے مزید مضبوط بنانے کے لیے ہمیشہ تیار رہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسنوکر ٹیم ورلڈ کپ: پاکستان نے فائنل کیلئے کوالیفائی کرلیا