بھارتی کرکٹ بورڈ گوتھم گمبھیر سے ناخوش کیوں؟
اشاعت کی تاریخ: 28th, November 2025 GMT
بھارتی کرکٹ ٹیم کے ہیڈ کوچ گوتم گمبھیر کا عہدہ جنوبی افریقہ کے ہاتھوں شرمناک 0-2 ہوم ٹیسٹ وائٹ واش کے بعد شدید دباؤ کا شکار ہے۔
میڈیا رپورٹس کے مطابق بی سی سی آئی گوتم گمبھیر کی حالیہ پریس کانفرنس میں دیے گئے بیانات سے ناخوش ہے، جس کے بعد ان کی کوچنگ پالیسیوں پر پہلے سے موجود تنقید مزید بڑھ گئی ہے۔
یہ بھی پڑھیں: گھر کے شیر گھر میں ڈھیر: جنوبی افریقہ کا بھارت کو وائٹ واش، ٹیسٹ سیریز 0-2 سے جیت لی
کولکتہ ٹیسٹ میں شکست کے بعد گمبھیر نے پریس کانفرنس میں مجموعی ذمہ داری قبول کی، تاہم ان کا جارحانہ لہجہ اور بعض بیانات میں تضاد بی سی سی آئی کے اعلیٰ حکام کو ناگوار گزرا۔ ایک رپورٹ کے مطابق گمبھیر کی پچ کنڈیشنز سے متعلق گفتگو کو غیر ضروری تنازع سمجھا جا رہا ہے۔
ٹیم کی ناقص کارکردگی کے بعد عوامی ناراضی میں اضافہ ہورہا ہے، رپورٹ کے مطابق گوتم گمبھیر کے پاس زیادہ وقت نہیں رہا کہ وہ بی سی سی آئی کا موجودہ اعتماد برقرار رکھ سکیں۔
یہ بھی پڑھیں: بھارتی ٹیم کی ٹیسٹ کرکٹ میں ناقص کارکردگی کے باوجود گوتم گمبھیر کا مستعفی ہونے سے انکار
گوتم گمبھیر کی قیادت میں بھارت کی ہوم ٹیسٹ کارکردگی خاص طور پر تشویشناک رہی ہے۔ متعدد ہوم سیریز ہارنا بھارتی کرکٹ کے لیے غیر معمولی سمجھا جارہا ہے، کیونکہ ان سے قبل راہول ڈریوڈ اور روی شاستری کے ادوار میں یہ سلسلہ دیکھنے میں نہیں آیا تھا۔
ماہرین اور سابق کھلاڑیوں کا سب سے بڑا اعتراض گوتم گمبھیر کی ٹیم کمبی نیشن سے متعلق حکمت عملی ہے، جس میں وہ اسپیشلسٹ بیٹرز اور بولرز کے بجائے آل راؤنڈرز اور پارٹ ٹائمرز پر انحصار کرتے نظر آتے ہیں۔ اس حکمت عملی کو 5 روزہ کرکٹ میں عدم استحکام کی بڑی وجہ قرار دیا جارہا ہے۔
T20 ورلڈ کپ 2026، گمبھیر کے مستقبل کا فیصلہ کن مرحلہبھارتی کرکٹ ٹیم آئندہ ہوم ٹیسٹ سیریز اگست 2026 سے قبل نہیں کھیلے گی، اسی لیے بی سی سی آئی فی الحال ٹیسٹ کوچنگ میں فوری تبدیلی کے موڈ میں نہیں۔ تاہم سفید گیند کی کرکٹ میں گمبھیر کی کامیابی ان کے لیے کچھ سہارا ضرور ہے، مگر T20 ورلڈ کپ 2026 ان کے مستقبل کا فیصلہ کرے گا۔
یہ بھی پڑھیں: انڈیا بمقابلہ پاکستان: پچ رپورٹ نے انڈیا کے ہیڈ کوچ گوتم گمبھیر کی مشکل کیسے آسان کر دی؟
رپورٹ کے مطابق اگر بھارت کی کارکردگی ہوم ورلڈ کپ میں متاثر ہوئی تو بی سی سی آئی کی گوتم گمبھیر کے لیے موجودہ حمایت ختم ہوسکتی ہے، جس کے بعد ہیڈ کوچ کی تبدیلی ناگزیر ہوجائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بھارت بی سی سی آئی جنوبی افریقہ گوتم گمبھیر ہیڈ کوچ وائٹ واش.
ذریعہ
ذریعہ: WE News
کلیدی لفظ: بھارت جنوبی افریقہ گوتم گمبھیر ہیڈ کوچ وائٹ واش بھارتی کرکٹ گوتم گمبھیر ہیڈ کوچ
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار