سونے سے تیار کردہ فعال ٹوائلٹ 1.2 کروڑ ڈالر میں فروخت
اشاعت کی تاریخ: 22nd, November 2025 GMT
data-id="863a0a8" data-element_type="widget" data-widget_type="theme-post-content.default">
امریکا کے شہر نیویارک میں ہونے والی ایک منفرد بولی میں 18 قیراط سونے سے تیار کردہ کموڈ ایک کروڑ 20 لاکھ ڈالر سے زائد میں فروخت ہو گیا۔
بین الاقوامی میڈیا کے مطابق اٹلی کے مشہور آرٹسٹ موریزیو کیٹیلن کے تیار کردہ 18 قیراط سونے سے بنا فعال ٹوائلٹ اسکلپچر ’امریکا‘ نے منگل کی شام سوتھ بیز کی نیلامی میں 1 کروڑ 20 لاکھ ڈالر کی تاریخی قیمت حاصل کر کے دنیا کے سب سے مہنگے آرٹ ٹوائلٹس میں اپنی جگہ بنا لی۔
سوتھ بیز کے یوٹیوب چینل کے مطابق یہ 101 کلو گرام وزنی سنہری ٹوائلٹ پہلی بار 2016 میں تخلیق کیا گیا اور حال ہی میں برور بلڈنگ میں نیلامی سے قبل نمائش کے لیے پیش کیا گیا، جہاں شرکاء نے اسے قریب سے دیکھنے کا موقع حاصل کیا۔
غیر ملکی خبر ایجنسی کے مطابق یہ ٹوائلٹ کیٹیلن کی تخلیق کردہ تین اسکلپچرز میں سے ایک ہے اور اپنی نوعیت میں منفرد ہے۔ اس کی تاریخی اہمیت اس وقت اور بڑھ گئی جب یہ گوگنہائیم میوزیم میں پہلی بار عوامی نمائش کے لیے پیش کیا گیا، جہاں ایک لاکھ سے زائد افراد نے اس شاہکار کو دیکھنے کے لیے لائنیں لگائیں۔
تاہم، 2019 میں اس کا ایک ورژن بلیہیم پیلس سے چوری ہو گیا تھا اور موجودہ ’امریکا‘ ٹوائلٹ اس اسکلپچر کا واحد باقی رہ جانے والا اصل ورژن ہے۔
نیلامی میں دلچسپی لینے والے خریدار ریپلیز بلیو اٹ اور نٹ! نے اس منفرد ٹوائلٹ کو اپنے نام کر لیا، جس کے بعد یہ فن اور لگژری کی دنیا میں اپنی تاریخ رقم کر گیا۔
ذریعہ
ذریعہ: Jasarat News
پڑھیں:
پاکستان مشرق وسطیٰ میں امن و استحکام کیلئے فعال سفارتی کردار جاری رکھے ہوئے ہے، اسحاق ڈار
نائب وزیر اعظم اور وزیرخارجہ اسحاق ڈار نے کہا ہے کہ پاکستان آسیان ریجنل فورم کے ذریعے علاقائی امن، استحکام اور تعاون کے لیے پرعزم ہے اور مشرق وسطیٰ میں امن کے لیے فعال سفارتی کردار جاری رکھا ہوا ہے۔
فلپائن کے دارالحکومت منیلا میں آسیان ریجنل فورم کے وزارتی اجلاس سے خطاب میں نائب وزیراعظم اسحاق ڈار نے کہا کہ پاکستان نے مشرق وسطیٰ میں امن و استحکام کے لیے فعال سفارتی کردار جاری رکھے ہو ئے ہے۔
انہوں نے زور دیا کہ تمام فریق تحمل کا مظاہرہ کریں اور سفارت کاری کے ذریعے مسائل حل کریں۔
نائب وزیراعظم اسحاق ڈار نے کہا کہ جموں و کشمیرکے تنازع کا حل ہی جنوبی ایشیا میں پائیدار امن کی بنیاد ہے، بھارت کا سندھ طاس معاہدہ معطل کرنا تشویش ناک اور اشتعال انگیز اقدام ہے۔
اسحاق ڈار نے فلسطینی عوام کے حق خودارادیت کے لیے غیرمتزلزل حمایت کا اعادہ کیا اور کہا کہ افغان سرزمین سے دہشت گردی پاکستان کے لیے سنگین خطرہ ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار