ونڈوز 10 سپورٹ 14 اکتوبر کو ختم ہو رہی ہے، مگر اسے ایک سال تک مفت حاصل کرنیکا طریقہ جانیں
اشاعت کی تاریخ: 13th, October 2025 GMT
ڈیسک ٹاپ کمپیوٹرز اور لیپ ٹاپس میں دوسرا سب سے زیادہ استعمال کیا جانے والا آپریٹنگ سسٹم مائیکرو سافٹ کا ونڈوز 10 ہے۔
مگر مائیکرو سافٹ کی جانب سے اکتوبر 2025 میں ونڈوز 10 کے لیے سپورٹ ختم کر دی جائے گی۔
خیال رہے کہ ونڈوز 10 کو جولائی 2015 میں متعارف کرایا گیا تھا اور ایک دہائی بعد کمپنی کی جانب سے اس کی زندگی ختم کی جا رہی ہے۔
14 اکتوبر 2025 کو مائیکرو سافٹ کی جانب سے ونڈوز 10 کے لیے سپورٹ ختم کر دی جائے گی مگر آپ کمپیوٹرز اور لیپ ٹاپس پر اسے استعمال کر سکیں گے۔
البتہ کمپنی کی جانب سے ونڈوز 10 کے لیے سافٹ وئیر اور سکیورٹی اپ ڈیٹس جاری نہیں کی جائیں گی اور صارفین کو ونڈوز 11 پر سوئچ کرنے کا مشورہ دیا جائے گا۔
اس وقت لگ بھگ 43 فیصد کمپیوٹرز میں ونڈوز 10 کو استعمال کیا جا رہا ہے اور متعدد صارفین اسے ونڈوز 11 سے اپ گریڈ کرنے کے خواہشمند نہیں یا ان کا کمپیوٹراس کا اہل نہیں۔
اب صارفین کے پاس بنیادی طور پر 3 آپشنز ہیں۔
ایک تو یہی ہے کہ وہ اپنے کمپیوٹر پر ونڈوز 11 کو مفت اپ گریڈ کرلیں، اگر ان کی ڈیوائس اس کی اہل ہے۔
دوسرا یہ کہ ایسا نیا کمپیوٹر خریدیں جس میں ونڈوز 11 پہلے سے انسٹال ہو یا کسی متبادل آپریٹنگ سسٹم جیسے میک یا کروم بک پر سوئچ کر جائیں۔
تیسرا آپشن یہ ہے کہ ونڈوز 11 کو ابھی بھول جائیں اور ایکسٹینڈ سکیورٹی اپ ڈیٹس (ای ایس یو) پر سائن اپ کریں، تاکہ ایک سال تک ونڈوز 10 پر اپ ڈیٹس موصول ہوتی رہیں۔
چونکہ تیسرا آپشن آسان ہے اور اسے مفت بھی حاصل کیا جاسکتا ہے، تو اس پر عملدرآمد کا طریقہ جان لیں۔
ایکسٹینڈ سکیورٹی اپ ڈیٹس پر سائن اپ کیسے کریں؟
اگر کمپیوٹر کو سکیورٹی اپ ڈیٹس موصول نہ ہوں تو وقت گزرنے کے ساتھ میل وئیر سے متاثر ہونے کا خطرہ بڑھے گا، مگر ای ایس یو سے ایک سال تک ونڈوز 10 کی سکیورٹی مستحکم رہے گی۔
ایک موقع پر مائیکرو سافٹ کی جانب سے 12 ماہ کی ایکسٹینشن کے لیے 30 ڈالرز فیس کا مطالبہ کیا جا رہا تھا، مگر اب ونڈوز 10 کے صارفین کے لیے ایک مفت راستہ دیا گیا ہے۔
سب سے پہلے کمپیوٹر کو اپ ٹو ڈیٹ کریں
آپ سیٹنگز، سسٹم اور اباؤٹ میں جاکر دیکھ سکتے ہیں کہ کمپیوٹر اپ ٹو ڈیٹ ہے یا نہیں۔
ایڈمنسٹریٹر اکاؤنٹ کا استعمال یقینی بنائیں
اگر آپ کمپیوٹر کو گھر میں دیگر افراد سے شیئر کرتے ہیں تو اس بات کو یقینی بنائیں کہ ایڈمنسٹریٹر اکاؤنٹ سے سائن ان ہوں۔
عام طور پر کسی کمپیوٹر میں سب سے پہلے بنایا جانے والا اکاؤنٹ ایڈمنسٹریٹر ہوتا ہے، مگر آپ اسے سیٹنگز اور یور انفو میں جاکر بھی دیکھ سکتے ہیں۔
یہ دیکھیں کہ آپ کا کمپیوٹر ونڈوز 11 اپ گریڈ کا اہل ہے یا نہیں
اگر آپ کو ونڈوز 11 اپ گریڈ کا آپشن نظر آئے تو ایسا کرلیں کیونکہ یہ مفت ہے۔
ایکسٹینڈ سکیورٹی اپ ڈیٹس پر سائن اپ کریں
اس کے لیے سیٹنگز مینیو میں اپ ڈیٹس اینڈ سکیورٹی کو سلیکٹ کرکے وہاں Enroll now سائن اپ لنک پر کلک کریں۔
اگر Enroll now لنک نظر نہیں آرہا تو پھر ممکنہ طور پر کمپیوٹر میں تازہ ترین ونڈوز 10 اپ ڈیٹس انسٹال کرنے کی ضرورت ہوگی۔
اپ گریڈ کا طریقہ کار منتخب کریں
Enroll now پر کلک کرنے پر آپ کے سامنے چند آپشنز نظر آئیں گے، جن میں سب سے آسان بیک اپ یور پی سی سیٹنگز ہے۔
یہ مفت ہے مگر اس میں کچھ وقت لگ سکتا ہے کیونکہ اس کے لیے آپ کو ڈیٹا بیک اپ کی ضرورت ہوگی۔
مگر اس مفت آپشنز کے ساتھ 2 شرائط منسلک ہیں، ایک تو یہ کہ آپ کو اپنی ونڈوز لاگ ان کو مائیکرو سافٹ کی کلاؤڈ آن لائن سروس سے منسلک کرنا ہوگا۔
دوسرا مسئلہ یہ ہے کہ آپ کو مفت بیک اپ کے لیے صرف 5 جی بی اسٹوریج دستیاب ہوگی، جس کے بعد مائیکرو سافٹ ون ڈرائیو سروسز کو ادائیگی کرنے کی ضرورت ہوگی۔
مگر آپ ان فائلز کو روک سکتے ہیں جن کا بیک اپ نہیں چاہتے، اس مقصد کے لیے سیٹنگز اور پھر ون ڈرائیو پر کلک کرکے مختلف آپشنز جیسے ڈاکومنٹس، پکچرز اور ویڈیوز کو ٹرن آف کرسکتے ہیں۔
ایک بار جب آپ سائن ان ہو جائیں گے تو ایک پوپ اپ ونڈو سامنے آئے گی جس پر لکھا ہوگا کہ ایڈ دس ڈیوائس ٹو ریسیو ایکسٹینڈ سکیورٹی اپ ڈیٹس، وہاں ایڈ ڈیوائس ٹو Enroll پر کلک کریں۔
ایسا کرنے کے بعد آپ کے کمپیوٹر کو 12 ماہ تک اپ ڈیٹس کے لیے فکرمند ہونے کی ضرورت نہیں ہوگی۔
.
ذریعہ
ذریعہ: Daily Mumtaz
کلیدی لفظ: مائیکرو سافٹ کی کمپیوٹر کو کی جانب سے ونڈوز 10 کے کی ضرورت سائن اپ اپ گریڈ ونڈوز 11 پر کلک بیک اپ کے لیے
پڑھیں:
افغان سرزمین سے دہشت گردی پاکستان کیلئے بڑا سکیورٹی چیلنج ہے: اسحاق ڈار
بشکیک(ڈیلی پاکستان آن لائن) نائب وزیراعظم و وزیر خارجہ اسحاق ڈار نے کہا ہے کہ افغان سرزمین سے دہشت گردی پاکستان کے لیے بڑا سکیورٹی چیلنج ہے، کالعدم ٹی ٹی پی اور بی ایل اے افغان سرزمین سے سرگرم ہیں۔
نجی ٹی وی چینل دنیا نیوز کے مطابق کرغزستان میں شنگھائی تعاون تنظیم کے وزرائے خارجہ اجلاس میں نائب وزیراعظم و وزیر خارجہ اسحاق ڈار نے کہا کہ شنگھائی تعاون تنظیم کی سلور جوبلی پوری تنظیم کیلئے باعث فخر ہے، کرغزستان نےاجلاس کی بہترین میزبانی کی۔
وزیر خارجہ اسحاق ڈار نے کہا کہ ایس سی او اب معیشت، ثقافت اور امن کا جامع فورم بن چکی ہے، ایس سی او خطے میں امن، سلامتی اور استحکام کو فروغ دے رہی ہے، شنگھائی اسپرٹ باہمی اعتماد، مشترکہ ترقی و تعمیری سفارتکاری کی بنیاد ہے۔
پشاور ؛ پسند کی شادی کرنے والی لڑکی لڑکے کا قتل، مقدمہ درج
اسحاق ڈار نے کہا کہ پاکستان پرامن، مستحکم اور خوشحال افغانستان کا خواہاں ہے، افغان سرزمین سے دہشت گردی پاکستان کے لیے بڑا سکیورٹی چیلنج ہے، کالعدم ٹی ٹی پی اور بی ایل اے افغان سرزمین سے سرگرم ہیں۔
انہوں نے کہا کہ دہشت گردی کے واقعات میں افغانستان کے شہریوں کے ملوث ہونے پر تشویش ہے، افغان سرزمین سے حملوں کا سلسلہ جاری ہے، رواں سال 2 ہزار سے زائد دہشت گرد حملے، 560 پاکستانی شہید ہوئے، افغان طالبان دہشت گردوں کو سازگار ماحول فراہم کر رہے ہیں۔
وزیر خارجہ اسحاق ڈار نے کہا کہ شنگھائی تعاون تنظیم خطے میں امن و سلامتی اور استحکام کو فروغ دے رہی ہے، شنگھائی تعاون تنظیم افغان طالبان پر انسداد دہشت گردی کے وعدے پورے کرنے پر زور دے۔
’بچے بہت پسند ہیں لیکن ماں نہیں بن سکتی‘، انایا بنگر نے جنس کی تبدیلی کے بعد اہم حقیقت بتا دی
اسحاق ڈار نے عالمی برادری پر زور دیا کہ وہ امریکا اور ایران کے درمیان جاری مذاکرات سے پیدا ہونے والے موقع سے فائدہ اٹھاتے ہوئے تنازع کے مستقل حل کے لیے کردار ادا کرے، مذاکرات، سفارت کاری اور باہمی احترام ہی تنازعات کے حل اور دیرپا امن و سلامتی کے قیام کا واحد پائیدار راستہ ہیں۔
انہوں نے اپریل میں اسلام آباد میں ہونے والے مذاکرات اور اس کے بعد اسلام آباد مفاہمتی یادداشت پر دستخط کا حوالہ دیتے ہوئے کہا کہ یہ تاریخی پیش رفت پاکستان کی دونوں فریقوں کے ساتھ قریبی روابط اور خطے و عالمی شراکت داروں کے ساتھ ہماری بھرپور سفارتی کوششوں کے باعث ممکن ہوئی۔
مزید مون سون بارشوں اور بعض شہری علاقوں میں اربن فلڈنگ کے خدشے کے پیش نظر پنجاب بھر میں احتیاطی اقدامات مزید مؤثر بنانے کی ہدایات
انہوں نے مزید کہا کہ عالمی برادری کو چاہئے کہ اسلام آباد ایم او یو اور دونوں فریقوں کے درمیان جاری تکنیکی مذاکرات سے پیدا ہونے والے موقع سے فائدہ اٹھاتے ہوئے اس تنازع کے مستقل، پُرامن اور دیرپا حل کے لیے بھرپور کوشش کرے۔
نائب وزیراعظم اور وزیر خارجہ اسحاق ڈار نے ان عناصر کے خلاف ہوشیار رہنے پر زور دیا جو علاقائی استحکام کو نقصان پہنچانے کی کوشش کرتے ہیں، انہوں نے کہا کہ ایسے عناصر امن عمل کو سبوتاژ کرنے اور اب تک ہونے والی پیش رفت کو الٹنے کے لیے ہر موقع سے فائدہ اٹھانے کی کوشش کریں گے۔
غیر ضروری وزارتیں ختم کرکے سالانہ 5 ہزار ارب روپے کی بچت ممکن ہے، سینیٹ کمیٹی
اسحاق ڈار نے اس بات پر زور دیا کہ امن، استحکام اور خوشحالی کے حصول کے لیے عالمی برادری کو مل کر کام کرنا ہوگا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم