دہلی فسادات کے ملزم شرجیل امام نے بہار انتخابات لڑنے کیلئے عبوری ضمانت کی درخواست واپس لی
اشاعت کی تاریخ: 14th, October 2025 GMT
شرجیل امام نے اپنی عرضی میں کشن گنج ضلع کی بہادر گنج سیٹ سے آزاد امیدوار کے طور پر الیکشن لڑنے کیلئے 15 اکتوبر سے 29 اکتوبر تک عبوری ضمانت مانگی ہے۔ اسلام ٹائمز۔ دہلی فسادات 2020ء کی سازش کیس میں سخت غیر قانونی سرگرمیاں (روک تھام) ایکٹ "یو اے پی اے" کے تحت ملزم طالب علم کارکن شرجیل امام نے منگل کو دہلی کی ایک عدالت میں داخل کی گئی اپنی درخواست واپس لے لی جس میں آئندہ بہار اسمبلی انتخابات میں حصہ لینے کے لیے عبوری ضمانت کی درخواست کی گئی تھی۔ شرجیل امام کی نمائندگی کرنے والے وکیل نے کہا کہ ان کی باقاعدہ ضمانت کی درخواست سپریم کورٹ میں زیر التوا ہے اس لئے وہ سپریم کورٹ میں عبوری ضمانت کی درخواست دائر کریں گے۔ ایڈیشنل سیشن جج سمیر باجپائی نے پھر کہا کہ براہ کرم اپنی درخواست دائر کریں اور ہم آپ کی درخواست منظور کر لیں گے۔
شرجیل امام نے اپنی عرضی میں کشن گنج ضلع کی بہادر گنج سیٹ سے آزاد امیدوار کے طور پر الیکشن لڑنے کے لئے 15 اکتوبر سے 29 اکتوبر تک عبوری ضمانت مانگی ہے۔ سپریم کورٹ نے پہلے ہی شرجیل امام، عمر خالد، میران حیدر اور گلفشہ فاطمہ کی ضمانت کی درخواستوں پر غور کیا ہے اور دہلی پولیس سے جواب طلب کیا ہے۔ اپنی چارج شیٹ میں دہلی پولیس نے امام پر الزام لگایا ہے کہ وہ شہریت ترمیمی قانون (سی اے اے) 2019ء کے خلاف احتجاج کو ملک گیر تحریک میں تبدیل کرنے کی کوشش کر رہے تھے۔ اس میں کہا گیا ہے کہ ایک سازش کے تحت شرجیل امام نے نفرت انگیز تقاریر کیں اور مودی حکومت کے خلاف تشدد کو ہوا دی، جس کی وجہ سے دہلی میں تشدد برپا ہوا۔
طلباء کے کارکن پچھلے پانچ سالوں سے جیلوں میں بند ہیں۔ اس سے پہلے دہلی ہائی کورٹ نے دہلی فسادات کے پیچھے مبینہ بڑی سازش کے سلسلے میں کئی رہنماؤں کی ضمانت سے انکار کر دیا تھا۔ 2 ستمبر کو جاری کردہ اپنے حکم میں جسٹس شیلندر کور اور نوین چاولہ کی بنچ نے کہا کہ اپیل کنندگان کی طرف سے کی گئی مبینہ اشتعال انگیز تقاریر پر جب مجموعی طور پر غور کیا جائے تو پہلی نظر میں مبینہ سازش میں ان کے کردار کی نشاندہی ہوتی ہے۔ واضح رہے کہ الیکشن کمیشن نے 2025ء کے بہار اسمبلی انتخابات کی تاریخوں کا اعلان کر دیا ہے۔ چیف الیکشن کمشنر گیانیش کمار نے پیر کو تاریخوں کا اعلان کیا۔ گیانیش کمار نے کہا کہ بہار کی تمام 243 سیٹوں کے لئے دو مرحلوں میں انتخابات ہوں گے۔ پہلے مرحلے کی ووٹنگ 6 نومبر اور دوسرے مرحلے کے لئے 11 نومبر کو ہوگی۔ انتخابی نتائج 14 نومبر کو جاری کئچے جائیں گے۔
ان کا مزید کہنا تھا کہ کمیشن نے انتخابات کے لئے تمام تیاریاں مکمل کر لی ہیں۔ انہوں نے مزید کہا کہ انتخابات میں تشدد برداشت نہیں کیا جائے گا اور جعلی خبروں پر بھی کڑی نظر رکھی جائے گی۔ سی ای سی گیانیش کمار نے بتایا کہ بہار میں ووٹروں کی کل تعداد تقریباً 74.
ذریعہ: Islam Times
کلیدی لفظ: ضمانت کی درخواست شرجیل امام نے کے لئے کہا کہ
پڑھیں:
سہیل آفریدی کی حلف برداری کیلئے پشاور ہائیکورٹ میں درخواست جمع
پشاور ہائی کورٹ میں نو منتخب وزیراعلیٰ سہیل آفریدی کی حلف برداری کےلیے درخواست جمع کرادی گئی۔
خیبر پختونخوا اسمبلی کے اسپیکر اور ممبران نے نئے وزیراعلیٰ سے حلف لینے کے معاملے میں عدالت عالیہ پشاور کے رجسٹرار کے پاس درخواست جمع کرائی ہے۔
پاکستان تحریک انصاف (پی ٹی آئی) کے سیکریٹری جنرل سلمان اکرم راجا نے کہا ہے کہ وزیراعلیٰ سے حلف لینا ضروری ہے، جس میں تاخیر نہیں کی جاسکتی ہے۔
درخواست میں موقف اختیار کیا گیا کہ وزیراعلیٰ علی امین گنڈاپور کے استعفے کے بعد سہیل آفریدی نئے وزیر اعلی خیبر پختونخوا منتخب ہوگئے ہیں۔
درخواست میں مزید کہا گیا کہ سہیل آفریدی 90 ووٹ حاصل کرکے وزیراعلیٰ منتخب ہوگئے ہیں، نو منتخب وزیراعلیٰ سے حلف لینے کےلیے گورنر صوبے میں موجود نہیں ہیں۔
درخواست میں موقف اختیار کیا گیا کہ آئین کے آرٹیکل 255 کے تحت حلف کے لیے چیف جسٹس کسی کو بھی نامزد کرسکتے ہیں۔
درخواست میں یہ بھی کہا گیا کہ چیف جسٹس پشاور ہائی کورٹ اسپیکر خیبر پختونخوا اسمبلی یا کسی بھی شخص کو حلف کے لیے نامزد کریں۔
بغیر ٹکٹ سفر کرنے والی سرکاری خاتون اُستاد کی TTE سے دلچسپ جھڑپ، ویڈیو وائرل