سعودی عرب کے سالم الدوسری دوبارہ ایشین فٹبالر آف دی ایئر قرار
اشاعت کی تاریخ: 17th, October 2025 GMT
ریاض میں جمعرات کو منعقد ہونے والی ایک شاندار تقریب میں سعودی عرب کے فٹبال اسٹار سالم الدوسری کو دوسری بار ایشین پلیئر آف دی ایئر کے اعزاز سے نوازا گیا، جب کہ جاپان کی ہانا تاکاہاشی نے خواتین کی کیٹیگری میں یہ اعزاز حاصل کیا۔
سالم الدوسری، جنہوں نے حال ہی میں اپنی قومی ٹیم کو مسلسل تیسری مرتبہ ورلڈ کپ کے لیے کوالیفائی کرانے میں اہم کردار ادا کیا، نے یہ ایوارڈ قطر کے اکرام عفیف اور ملائیشیا کے عارف ایمان کو پیچھے چھوڑ کر جیتا۔
الہلال کلب کے مڈفیلڈر الدوسری نے ایوارڈ وصول کرتے ہوئے کہا کہ میں اس اعزاز کے لیے شکر گزار ہوں۔ دوسری بار یہ جیتنا میرے لیے خاص ہے کیونکہ یہ ہماری ٹیم کی سخت محنت کا نتیجہ ہے۔
انہوں نے مزید کہا کہ ٹیم کے ساتھ جیتے گئے ٹائٹلز انفرادی اعزازات سے زیادہ اہم ہیں، لیکن یہ ایوارڈ ان کی اجتماعی کامیابیوں کا تسلسل ہے۔
یہ بھی پڑھیں:سعودی عرب کے سالم الدوسری پھر ایشیا کے بہترین فٹبالر بن گئے
یہ سعودی عرب کے کسی کھلاڑی کو ساتویں مرتبہ دیا جانے والا ایوارڈ ہے۔ اس سے قبل 1994 میں سعید الاویئرن نے پہلی بار یہ ٹرافی جیتی تھی۔
دوسری جانب، جاپان کی مدافع ہانا تاکاہاشی نے خواتین کا ایوارڈ آسٹریلیا کی ہولی مک نامارا اور چین کی وانگ شوانگ کو شکست دے کر حاصل کیا۔ وہ جاپان کی چھٹی کھلاڑی بن گئیں جنہوں نے یہ اعزاز اپنے نام کیا۔
تاکاہاشی نے ویڈیو پیغام میں کہا کہ میں اس اعزاز کے لیے بے حد شکر گزار ہوں۔ آئندہ سال ویمنز ایشین کپ کے پیشِ نظر میری توجہ قومی ٹیم میں جگہ بنانے اور بہترین کارکردگی دکھانے پر ہے۔
انہوں نے مزید کہا کہ وہ جاپان اور ایشیا میں خواتین کے فٹبال کو مزید مضبوط بنانے کے لیے کوشاں رہیں گی۔
یہ بھی پڑھیں:سعودی عرب: کھیلوں کی سیاحت میں فروغ، 2030 تک 100 ارب ریال آمدن متوقع
اسی تقریب میں شمالی کوریا کے ری سونگ ہو کو انڈر 20 ویمنز ورلڈ کپ جیتنے پر کوچ آف دی ایئر قرار دیا گیا، جبکہ پیرس سینٹ جرمین کے جنوبی کوریائی کھلاڑی لی کانگ ان کو انٹرنیشنل پلیئر آف دی ایئر کا اعزاز ملا۔
خواتین کی بین الاقوامی کیٹیگری میں چیلسی اور جاپان کی مائیکا ہامانو کو فاتح قرار دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسٹار سالم الدوسری ایشین پلیئر آف دی ایئر سعودی عرب ہانا تاکاہاشی.ذریعہ: WE News
کلیدی لفظ: اسٹار سالم الدوسری ایشین پلیئر آف دی ایئر پلیئر آف دی ایئر سالم الدوسری سعودی عرب کے جاپان کی کے لیے کہا کہ
پڑھیں:
جاپان میں انسانی ’واشنگ مشین‘ کی ایجاد، آرام دہ غسل فراہم کرے گی
جاپان کی ٹیک کمپنی سائنس نے ایک مستقبل نما ’انسانی واشنگ مشین‘ متعارف کرائی ہے جو جسم کو سپا جیسی نرمی سے صاف کرتی ہے۔ یہ کیپسول نما مشین ورلڈ ایکسپو اوساکا میں پیش کی گئی تھی اور 6 مہینے میں لاکھوں صارفین نے اسے دیکھا۔ اب یہ مشین جاپان میں فروخت کے لیے دستیاب ہے۔
صارف مشین میں لیٹ کر ڈھکن بند کرتا ہے اور مشین نہ صرف جسم کو صاف کرتی ہے بلکہ دل و دماغ کو بھی آرام پہنچاتی ہے، کیونکہ مشین میں سینسر نصب ہیں جو دل کی دھڑکن اور دیگر حیاتیاتی علامات کا تجزیہ کرتے ہیں۔
مزید پڑھیں: مصنوعی ذہانت کا ایک اور کمال، تصاویر اور مناظر کو شاعری میں بدلنے والا ’شاعر کیمرہ ‘ایجاد
یہ مشین مصنوعی ذہانت AI کی مدد سے ہر صارف کے لیے مخصوص غسل تیار کرتی ہے۔ مشین جلد کی قسم اور جسمانی معلومات کے مطابق پانی کا درجہ حرارت، دباؤ اور صفائی کا طریقہ خود ایڈجسٹ کرتی ہے۔
پانی میں موجود مائیکرو ببلز دھول اور میل کچیل کو آرام سے دور کرتی ہیں، جبکہ اندر نرم موسیقی اور بصری ماحول صارف کو سکون پہنچاتا ہے۔
مزید پڑھیں: چینی سائنسدانوں نے 9000 گھنٹے چلنے والی لیتھیئم بیٹری ایجاد کرلی
اس منفرد مشین کی قیمت قریباً 60 ملین ین (ایک کروڑ آٹھ لاکھ روپے) ہے اور کمپنی صرف 50 یونٹس بنانے کا ارادہ رکھتی ہے۔ پہلے یونٹ کو اوساکا کے ایک ہوٹل نے خرید لیا ہے تاکہ مہمان اس تجربے سے لطف اندوز ہو سکیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’انسانی واشنگ مشین‘ spa جاپان جاپان کی ٹیک کمپنی غسل
ملکی سالمیت اور شہری تحفظ پر کوئی سمجھوتہ نہیں ہوسکتا: فیلڈ مارشل