پاکستان سے تنازع پر افغان تاجر پریشان، ٹرکوں پر لدے سبزیاں اور پھل خراب ہونے لگے
اشاعت کی تاریخ: 17th, October 2025 GMT
data-id="863a0a8" data-element_type="widget" data-widget_type="theme-post-content.default">
افغان طالبان اور پاکستان کے درمیان جاری کشیدگی نے دونوں ممالک کے درمیان تجارت کو بری طرح متاثر کیا ہے، جس کا سب سے بڑا نقصان اس وقت افغان تاجروں کو ہو رہا ہے۔ سرحد پر پاکستان میں داخلے کے منتظر افغان ٹرکوں پر لدے تازہ پھل اور سبزیاں شدید خراب ہو رہی ہیں، جس کے باعث افغان تاجروں کو نہ صرف مالی نقصان برداشت کرنا پڑ رہا ہے بلکہ انہیں اپنا قیمتی مال مقامی مارکیٹوں میں اونے پونے داموں فروخت کرنے پر بھی مجبور ہونا پڑ رہا ہے۔
ذرائع کے مطابق، خاص طور پر ٹنوں کے حساب سے انگور خراب ہونے کی اطلاعات ہیں، جو افغانستان کے لیے ایک اہم برآمدی جنس سمجھی جاتی ہے۔ تاجروں کا کہنا ہے کہ وقت پر سرحد نہ کھلنے اور پاکستان میں داخلے کی اجازت نہ ملنے کی وجہ سے وہ زبردست مالی نقصان کا سامنا کر رہے ہیں، جو ان کے لیے ناقابل برداشت ہے۔
اس صورتحال نے افغانستان کے تجارتی حلقوں میں شدید تشویش پیدا کر دی ہے، جہاں پاکستان سے تعلقات کی بہتری اور تجارتی راستوں کی فوری بحالی کے مطالبات زور پکڑ رہے ہیں۔ تاجر برادری کا کہنا ہے کہ تجارت کو سیاست کی نذر کرنا دونوں ممالک کے عوام کے لیے نقصان دہ ہے اور اس سے نہ صرف روزگار کے مواقع کم ہو رہے ہیں بلکہ خطے میں عدم استحکام بھی بڑھ رہا ہے۔
واضح رہے کہ گزشتہ روز فیڈرل بورڈ آف ریونیو (ایف بی آر) کی جانب سے افغان ٹرانزٹ ٹریڈ کی ٹرانسپورٹیشن کو کراچی پورٹس سے روکنے کے احکامات جاری کیے گئے تھے۔ ان احکامات کے بعد سرحدی علاقوں میں سینکڑوں کنٹینرز پھنس کر رہ گئے ہیں۔ کوئٹہ اور پشاور کے راستوں پر بھی بڑی تعداد میں گاڑیاں کھڑی ہیں جبکہ ڈرائیور بارڈر کھلنے کا انتظار کر رہے ہیں۔
موجودہ صورتحال میں دونوں ممالک کے درمیان فوری مذاکرات اور تجارتی روابط کی بحالی وقت کی اہم ضرورت بن چکی ہے تاکہ تاجروں کا نقصان روکا جا سکے اور خطے میں اقتصادی استحکام بحال ہو۔
ذریعہ
ذریعہ: Jasarat News
پڑھیں:
خیبر پختونخوا میں بلدیاتی انتخابات مرحلہ وار ہونے کا امکان
الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ اسلام ٹائمز۔ الیکشن کمیشن نے کے پی کے میں مرحلہ وار بلدیاتی انتخابات کروانے پر کام شروع کر دیا، صوبے میں بلدیاتی انتخابات 2 مراحل میں ہونے کا امکان ہے۔ الیکشن کمیشن نے 23 اضلاع میں حلقہ بندیاں مکمل کرلیں جبکہ مزید اضلاع میں حلقہ بندیوں کا سلسلہ جاری ہے۔ الیکشن کمیشن جلد خیبر پختونخوا حکومت سے انتخابات کی حتمی تاریخ مانگے گا۔ ذرائع کے مطابق الیکشن کمیشن رواں ماہ کے آخر میں مرحلہ وار بلدیاتی انتخابات کرانے کا حتمی فیصلہ کرے گا، بلدیاتی اداروں کی مدت مارچ اور جون 2026 میں مکمل ہو چکی ہے۔
الیکشن کمیشن نے 23 اضلاع میں الیکشنز کروانے کے لیے تیار ہے، اناضلاع میں بلدیاتی الیکشنز کی تاریخ سے متعلق سمری تاحال خیبر پختونخوا کابینہ میں زیر التوا ہے۔ کے پی کابینہ کے کل کے اجلاس میں سمری سے متعقل فیصلہ متوقع ہے، چیف سیکرٹری کے پی کے 28 جولائی تک الیکشن کمیشن کو آگاہ کریں گے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار