بلوچستان کے 7 میں سے 6 ڈویژنز میں لیویز فورس کو پولیس میں ضم کردیا گیا
اشاعت کی تاریخ: 17th, October 2025 GMT
بلوچستان حکومت نے صوبائی کابینہ کی منظوری کے بعد صوبے کی 7 میں سے 6 انتظامی ڈویژنز میں صوبائی اور وفاقی لیویز فورس کو پولیس میں ضم کر دیا ہے، جس کے بعد ان ڈویژنز کو ’اے ایریاز‘ قرار دے دیا گیا ہے۔
نجی اخبار میں شائع رپورٹ کے مطابق اس فیصلے کا باضابطہ نوٹی فکیشن جمعرات کو جاری کیا گیا ہے۔
ان 6 ڈویژنز میں کوئٹہ، قلات، مکران، ژوب، رخشان اور نصیر آباد شامل ہیں، تاہم سبی ڈویژن، جس میں ڈیرہ بگٹی، سبی، کوہلو، ہرنائی اور زیارت کے اضلاع شامل ہیں، کی لیویز فورس کو بلوچستان پولیس میں ضم نہیں کیا گیا۔
بلوچستان کے محکمہ داخلہ کے نوٹی فکیشن کے مطابق کوئٹہ، ژوب، مکران، رخشان، نصیر آباد اور قلات ڈویژنز کی تمام ریونیو حدود کو فوری طور پر بلوچستان پولیس کے دائرہ اختیار میں ’اے ایریاز‘ قرار دیا گیا ہے۔
نوٹی فکیشن میں مزید کہا گیا کہ مذکورہ علاقوں میں خدمات انجام دینے والے تمام لیویز اہلکار (صوبائی اور سابق وفاقی لیویز دونوں) اور سی پیک ونگ کے اراکین کو بلوچستان پولیس میں ضم کر دیا گیا ہے۔
.ذریعہ: Daily Mumtaz
کلیدی لفظ: پولیس میں ضم دیا گیا گیا ہے
پڑھیں:
سہیل آفریدی وزیراعلیٰ مقرر نوٹیفکیشن جاری، نئی کابینہ کا اعلان بھی کردیا
data-id="863a0a8" data-element_type="widget" data-widget_type="theme-post-content.default">
پشاور:۔ محمد سہیل آفریدی وزیراعلیٰ مقرر ہو گئے، خیبرپختونخوا حکومت نے باضابطہ نوٹیفکیشن جاری کر دیا۔ حکومتِ خیبرپختونخوا کی جانب سے جاری نوٹیفکیشن کے مطابق محمد سہیل آفریدی نے وزیراعلیٰ خیبرپختونخوا کے عہدے کا حلف اٹھا لیا ہے۔نوٹیفکیشن کے مطابق یہ اقدام آئینِ پاکستان کے آرٹیکل 130(5) کے تحت کیا گیا، جس کے بعد محمد سہیل آفریدی نے 15 اکتوبر 2025ءکو گورنر خیبرپختونخوا کے سامنے حلف اٹھایا اور باضابطہ طور پر اپنی ذمہ داریاں سنبھال لیں۔انتظامی امور کے تحت نوٹیفکیشن کی کاپیاں صدرِ پاکستان، وزیراعظم، تمام صوبائی حکومتوں اور متعلقہ اداروں کو ارسال کر دی گئی ہیں۔
علاوہ ازیں وزیراعلیٰ خیبر پختونخوا سہیل آفریدی نے صوبائی کابینہ کا اعلان کردیا۔ صوبائی کابینہ میں عاقب اللہ خان وزیر بلدیات، شکیل خان وزیر سیاحت، مینا خان آفریدی صوبائی وزیر برائے اعلیٰ تعلیم، آفتاب عالم آفریدی وزیر قانون، ارشد ایوب خان وزیر مواصلات، فضل حکیم خان وزیر زراعت، محمد سجاد وزیر پبلک ہیلتھ، خلیق الرحمان وزیر آبپاشی، فیصل تراک وزیر تعلیم، فضل شکور خان صوبائی وزیر خوراک، محمد عدنان قادری وزیر مذہبی امور اور فخر جہاں کو صوبائی وزیر ٹرانسپورٹ کا قلمدان سونپا گیا ہے۔
جبکہ وزیراعلیٰ خیبرپختونخوا کے مشیر وں میںشوکت یوسفزئی مشیر اطلاعات، تیمور سلیم جگڑا مشیر برائے صحت، مزمل اسلم مشیر برائے خزانہ، کامران بنگش مشیر برائے ٹیکنیکل ایجوکیشن، عرفان سلیم مشیر برائے کھیل اور عائشہ بانوکو مشیر برائے عشرو زکوٰة سوشل ویلفیئر مقرر کیا گیا ہے۔
وزیراعلیٰ پختونخوا کے معاون خصوصی میں احتشام خان معاون خصوصی برائے جنگلات، عبدالکریم خان معاون خصوصی برائے صنعت، ظاہر شاہ طورمعاون خصوصی برائے جیل خانہ جات اور قاسم علی شاہ کو وزیراعلیٰ کے معاون خصوصی برائے دیہی آبادی ومحنت مقرر کیا گیا ہے۔
رانا ثنا کی سیاسی جماعتوں کو میثاق استحکام، سر جوڑ کر بیٹھنے کی دعوت