الخد مت بنو قابل پروگرام کراچی کے نوجوانوں کی زندگیاں بدل رہا ہے: منعم ظفر خان
اشاعت کی تاریخ: 17th, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی:۔ امیرجماعت اسلامی کراچی منعم ظفر خان نے کہا ہے الخد مت کابنو قابل پروگرام کراچی کے نوجوانوں کی زندگیاں بدل رہا ہے، سیکڑوں نوجوانوں نے عملی زندگی میں قدم رکھ دیا ہے، وہ آن لائن اور ملازمتیں کرکے اپنے خاندان کے لیے خوشحالی اور اطمینان کا باعث بن گئے ہیں۔ یہ الخدمت بنو قابل پروگرام اور الخدمت کی بڑی کامیابی ہے۔
انہوں نے یہ بات گزشتہ روز الخدمت کی جانب سے ادارہ نورحق میں بنو قابل کے فال سیشن کے لیے منعقد کیے گئے انٹرویو سیشن کے دورے اور طلبہ سے ملاقات کے بعد گفتگو میں کہی۔ امیر جماعت اسلامی کراچی منعم ظفر خان نے کہا کہ بنو قابل 4.
منعم ظفر خان نے کہا کہ ہم کراچی کے نوجوانوں کو مایوس ہو نے نہیں دیں گے۔ انہوں نے کہا کہ الخدمت بنو قابل پروگرام کے تحت 28آئی ٹی کورسز بالکل مفت کروا رہی ہے، شہر میں 55آئی ٹی ٹریننگ سینٹرزمیں یہ کورسز کروائے جارہے ہیں۔ انہوں نے کہا کہ یہ بڑی خوشی کی بات ہے کہ اس پروگرام سے اب تک 75ہزار طلبہ پاس آﺅٹ کر چکے ہیں۔
اس موقع پر ایگزیکٹو ڈائریکٹر الخدمت کراچی راشد قریشی نے کہا کہ الخدمت کا بنو قابل پروگرام ملک بھر میں پھیل چکا ہے، یہ پروگرام نوجوانوں کی امید کا مرکز بن چکا ہے، حافظ نعیم الرحمن کے وژن کے مطابق یہ پروگرام نوجوانوں کو مستقبل کی نئی راہ دکھا رہا ہے، سیکڑوں نوجوان اپنے والدین کا سہار ا بن چکے ہیں۔انہوں نے کہا آنے والا دور تقاضا کررہا ہے کہ ہم آئی ٹی کی دنیا میں ترقی کے نئے دروازے کھولیں۔ اس لیے نوجوان اپنے روشن مستقبل کیلئے اس پروگرام سے فائدہ اٹھائیں۔
ذریعہ
ذریعہ: Jasarat News
کلیدی لفظ: کراچی کے نوجوانوں بنو قابل پروگرام نے کہا کہ انہوں نے
پڑھیں:
کراچی: سرجانی ٹاؤن میں فائرنگ سے باپ، بیٹا جاں بحق، دوسرا بیٹا زخمی
کراچی کے علاقے سرجانی ٹاؤن میں فائرنگ سے باپ اور بیٹا جاں بحق ہوگئے جبکہ دوسرا بیٹا زخمی ہوگیا، واقعہ ذاتی لڑائی جھگڑے کے باعث پیش آیا۔ فائرنگ کے بعد ملزم فرار ہوگیا۔
ایس ایس پی ویسٹ طارق مستوئی کے مطابق سرجانی ٹاؤن کے علاقے روزی گوٹھ میں دو برادریوں کے درمیان جھگڑا ہوا تھا جو ذاتی نوعیت کا تھا۔
اس دوران فائرنگ کا واقعہ پیش آیا جس سے باپ اور اس کا ایک بیٹا دم توڑ گئے جبکہ دوسرا بیٹا زخمی ہے جس کی حالت تشویشناک ہے اور عباسی شہید اسپتال میں زیر علاج ہے۔
ایس ایس پی غربی نے مزید بتایا کہ ابتدائی طور پر حاصل کردہ معلومات کے مطابق فائرنگ عظیم نامی شخص نے کی جو فرار ہوگیا اس کی تلاش میں پولیس مختلف مقامات پر چھاپے مار رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ