سرفراز بگٹی اور قمر زمان کائرہ کی ملاقات، بلوچستان کی صورتحال پر گفتگو
اشاعت کی تاریخ: 17th, October 2025 GMT
ملاقات میں پیپلز پارٹی کے رہنماؤں نے صوبے کی مجموعی صورتحال، نوجوانوں کے مسائل، ترقیاتی منصوبوں اور باہمی دلچسپی کے دیگر امور پر تفصیلی تبادلہ خیال کیا۔ اسلام ٹائمز۔ پاکستان پیپلز پارٹی کے مرکزی رہنماء و سابق وفاقی وزیر قمر زمان کائرہ اور وزیراعلیٰ بلوچستان سرفراز بگٹی کی ملاقات کوئٹہ میں ہوئی۔ جس میں صوبے کی مجموعی صورتحال، نوجوانوں کے مسائل، ترقیاتی منصوبوں اور باہمی دلچسپی کے دیگر امور پر تفصیلی تبادلہ خیال کیا گیا۔ وزیراعلیٰ ہاؤس سے جاری بیان کے مطابق سرفراز بگٹی نے کہا کہ صوبائی حکومت میرٹ کے فروغ اور گڈ گورننس کی تشکیل کے لیے سنجیدہ اقدامات کر رہی ہے۔ انہوں نے کہا کہ بلوچستان کے نوجوانوں اور ریاست کے درمیان فاصلے کم کرنے کے لیے عملی اقدامات کیے جا رہے ہیں۔ انہوں نے بتایا کہ بے نظیر بھٹو اسکالرشپ پروگرام صوبے کی تاریخ کا سب سے بڑا تعلیمی منصوبہ ہے، جس کے تحت پرائمری سے اعلیٰ تعلیم تک طلبہ کو اسکالرشپ فراہم کیے جائیں گے۔
وزیراعلیٰ نے مزید کہا کہ بلوچستان کے طلبہ کے لیے دنیا کی 200 معیاری جامعات کے دروازے کھول دئیے گئے ہیں، جبکہ سویلین، شہدا، اقلیتوں اور ٹرانس جینڈرز کے لیے بھی خصوصی اسکالرشپ پروگرام شروع کیا گیا ہے۔ سرفراز بگٹی نے کہا کہ نوجوانوں کے مسائل کے حل کے لیے ڈائیلاگ کے عمل کو فروغ دیا جا رہا ہے، جبکہ بلا سود قرضہ پروگرام اور چیف منسٹر یوتھ اسکلز ڈویلپمنٹ باعزت روزگار پروگرام نوجوانوں کے روشن مستقبل کی ضمانت ہیں۔ سابق وزیر قمر زمان کائرہ نے گفتگو کرتے ہوئے کہا کہ پیپلز پارٹی اپنی اتحادی جماعتوں کے ساتھ فلاح عامہ کے کاموں میں سرگرم عمل ہے۔ انہوں نے کہا کہ پیپلز پارٹی وفاق کی علامت ہے اور قومی ہم آہنگی کے ساتھ عوامی خدمت پر یقین رکھتی ہے۔ انہوں نے وزیراعلیٰ سرفراز بگٹی کے ترقیاتی وژن کی مکمل حمایت کرتے ہوئے یقین دلایا کہ پیپلز پارٹی بلوچستان کی ترقی میں اپنا بھرپور کردار ادا کرتی رہے گی۔
ذریعہ: Islam Times
کلیدی لفظ: سرفراز بگٹی پیپلز پارٹی نوجوانوں کے نے کہا کہ انہوں نے کے لیے
پڑھیں:
بلوچستان میں کھیلوں کی سرگرمیوں کے فروغ کیلیے ایف سی بلوچستان کا اہم اقدام
بلوچستان میں کھیلوں کی سرگرمیوں کے فروغ کے لیے ایف سی بلوچستان (نارتھ) نے اہم اقدام اٹھالیا۔
تفصیلات کے مطابق ایف سی بلوچستان (نارتھ) کے زیرِ اہتمام ضلع کوہلو میں شاندار فٹبال ٹورنامنٹ کا انعقاد کیا گیا۔
تقریب کے مہمان خصوصی آئی جی ایف سی بلوچستان (نارتھ) تھے۔
فٹبال ٹورنامنٹ میں مختلف علاقوں کی ٹیموں نے بھرپور جوش و جذبے کے ساتھ حصہ لیا۔ ٹورنامنٹ میں نوجوان کھلاڑیوں کی کارکردگی اور جذبہ قابلِ دید تھا۔
مہمانِ خصوصی آئی جی ایف سی بلوچستان (نارتھ) نے کھلاڑیوں میں انعامات تقسیم کیے۔
مہمانِ خصوصی نے نوجوانوں کی محنت کو سراہتے ہوئے کہا کہ ایسی صحت مند سرگرمیاں نوجوانوں کی صلاحیتوں کو نکھارنے کے ساتھ مثبت راستہ بھی فراہم کرتی ہیں۔
مقامی عمائدین کا ٹورنامنٹ کو خوش آئند قرار دیتے ہوئے کہنا تھا کہ ایف سی کی سرگرمیاں عوام اور فورسز کے درمیان اعتماد اور تعاون کو مضبوط بناتی ہیں۔
انہوں نے مزید کہا کہ کھیلوں کی سرگرمیاں علاقائی ہم آہنگی کے ساتھ ساتھ نوجوانوں میں مثبت رجحان کے فروغ کا باعث ہیں۔
کراچی چڑیا گھر میں شیرنی نے تین بچوں کو جنم دیا