ریاستی رِٹ کے نام پر زبان بندی، پارٹیوں پر پابندی، اجارہ داری تسلیم نہیں، حافظ نعیم الرحمن
اشاعت کی تاریخ: 17th, October 2025 GMT
data-id="863a0a8" data-element_type="widget" data-widget_type="theme-post-content.default">
سرگودھا:۔ امیر جماعت اسلامی پاکستان حافظ نعیم الرحمن نے کہا ہے کہ سیاسی جماعتوں، جلسے جلوسوں پر پابندی اور زبان بندی کرکے ریاست اپنی رِٹ قائم کرنا چاہتی ہے۔ الیکشن میں دھاندلی ہو یا فارم 47 والے مسلط کردیے جائیں، عوام کے بولنے پر پابندی ہے۔ حکومت اور ریاست کی رِٹ کے نام پر ذاتی اجارہ داریوں کے قیام کو تسلیم نہیں کریں، جماعت اسلامی نوجوانوں سے مل کر فرسودہ نظام کو پرامن مزاحمت کے ذریعے جڑ سے اکھاڑ پھینکے گی۔
ان خیالات کا اظہار انہوں نے سرگودھا میں بنو قابل تقریب سے خطاب کرتے ہوئے کیا۔ تقریب سے امیر جماعت اسلامی پنجاب شمالی ڈاکٹر طارق سلیم، امیر ضلع اویس قاسم سیکرٹری جنرل الخدمت فاﺅنڈیشن وقاص انجم جعفری، صدر الخدمت فاﺅنڈیشن شمالی پنجاب رضوان احمد نے بھی خطاب کیا جبکہ الخدمت بنو قابل کے ڈائریکٹر عمیر ادریس بھی اس موقع پر موجود تھے۔
الخدمت پاکستان کے زیراہتمام بنوقابل پروگرام کے تحت فری آئی ٹی کورسز میں داخلہ کے لیے ہزاروں طلبا وطالبات نے امتجان دیا۔ امیر جماعت اسلامی پاکستان نے اعلان کیا کہ بنو قابل کا ابتدائی ہدف ملک بھر میں دس لاکھ بچوں کو کورسز کروانے کا تھا تاہم اب تک اس پروگرام کے لیے گیارہ لاکھ بچوں نے رجسٹریشن کروا دی، جوش و خروش اور جذبے کے پیش نظر فیصلہ کیا ہے کہ اب بنوقابل سے بیس لاکھ بچوں کو تربیت فراہم کریں گے۔ حافظ نعیم الرحمن نے امتحان میں شرکت کرنے والے بچوں کو مبارکباد دی اور کہا کہ انہیں یقین ہے کہ بنو قابل گیم چینجر (game changer) ثابت ہوگا۔
سیاسی صورتحال پر گفتگو کرتے ہوئے حافظ نعیم الرحمن نے کہا کہ ملک پر تین دہائیوں سے زائد جرنیلوں نے حکومت کی اور بقیہ عرصہ انہی کے مسلط کردہ حکمران ملک چلاتے رہے۔ جاگیردار، وڈیرے، وراثت، وصیت اور شخصی تسلط سے چلنے والی سیاسی پارٹیاں اور سول و ملٹری بیوروکریسی عوام کو مسلسل بے وقوف بنا رہے ہیں، نوجوانوں کو روزگار نہیں ملتا، وہ بیرون ملک جارہے ہیں، غریبوں پر تعلیم کے دروازے بند ہیں، صحت کی سہولیات اور امن ناپید ہوگیا، گیارہ کروڑ عوام خطِ غربت سے نیچے زندگی گزار رہے ہیں، عدالتیں انصاف فراہم نہیں کررہیں، مسلط حکمران اشرافیہ تسلیم کرے کہ یہ نالائق اور ناکام ہے، یہ ملک نہیں چلا سکتے۔
حافظ نعیم الرحمن نے کہاکہ نئی نسل انقلاب کے لیے تیار ہوجائے، پرامن مزاحمت سے اس نظام سے جان چھڑانا ہوگی۔ جماعت اسلامی کا 21، 22 اور 23 نومبر کو مینار پاکستان کے سائے تلے عظیم الشان تاریخی اجتماع عام ہوگا، سب کو شرکت کی دعوت دیتا ہوں، یقین سے کہتا ہوں کہ نومبر کا اجتماع ملک میں بڑی تبدیلی کا پیش خیمہ ثابت ہوگا۔ امیر جماعت اسلامی نے مزید کہا کہ نالائق حکمرانوں نے نوجوانوں پر تعلیم کے مواقع بند کردیے، نوجوانوں کو پاکستان میں مواقع ملیں تو یہ ملک سے باہر نہیں جائیں گے۔ مرکزی و صوبائی حکومتوں میں نورا کشتی چل رہی ہے، یہ حکومتیں جواب دیں کہ پونے تین کروڑ بچے اسکولوں سے باہر کیوں ہیں۔ جماعت اسلامی اور الخدمت اتنی بڑی تعداد کو مفت تعلیم فراہم کرسکتی ہیں تو یہ کام حکومتیں کیوں نہیں کررہیں۔
ذریعہ: Jasarat News
کلیدی لفظ: حافظ نعیم الرحمن نے امیر جماعت اسلامی
پڑھیں:
کراچی میں بدامنی عروج پر، امن قائم رکھنے میں حکومت اور پولیس ناکام ہوچکی ہے، منعم ظفر
data-id="863a0a8" data-element_type="widget" data-widget_type="theme-post-content.default">
کراچی: امیر جماعت اسلامی کراچی منعم ظفر خان نے وکیل سوسائٹی سچل گوٹھ میں گاڑی چھیننے کے دوران ڈاکوؤں کی فائرنگ سے جاں بحق ہونے والے نوجوان عدنان مگسی کے والد اکبر مگسی سے ملاقات کی اور سانحے پر گہرے دکھ اور افسوس کا اظہار کیا۔
منعم ظفر خان نے کہا کہ جماعت اسلامی عدنان مگسی کے اہلِ خانہ کے غم میں برابر کی شریک ہے، کراچی میں مسلح ڈکیتیوں کی بڑھتی ہوئی وارداتوں کی روک تھام میں سندھ حکومت اور پولیس کی ناکامی افسوسناک اور شرمناک ہے۔
انہوں نے کہاکہ دن دہاڑے نوجوان عدنان مگسی کا قتل شہر میں بڑھتی ہوئی بدامنی اور لاقانونیت کا واضح ثبوت ہے۔ انہوں نے کہا کہ حکومت شہریوں کی جان و مال کے تحفظ میں بری طرح ناکام ہوچکی ہے اور عوام کو ڈاکوؤں کے رحم و کرم پر چھوڑ دیا گیا ہے۔
امیر جماعت اسلامی نے کہا کہ روزانہ کی بنیاد پر لوٹ مار، اسٹریٹ کرائمز اور قتل کی وارداتوں میں اضافہ شہریوں میں شدید خوف و ہراس پیدا کر رہا ہے جبکہ قانون نافذ کرنے والے ادارے مجرمان کے خلاف مؤثر کارروائی کرنے میں ناکام ہیں۔
امیر جماعت اسلامی کراچی نے زور دیا کہ حکومت اور پولیس فوری طور پر کارروائی کرتے ہوئے عدنان مگسی کے قاتلوں کو گرفتار کرے اور شہر میں امن و امان کی بحالی کے لیے مؤثر حکمتِ عملی اپنائے۔
انہوں نے کہا کہ اگر پولیس اور انتظامیہ اپنی ذمہ داریاں ادا نہیں کرتیں تو عوام کا ریاستی اداروں پر اعتماد مکمل طور پر ختم ہوجائے گا، جماعت اسلامی کراچی کے شہریوں کے ساتھ کھڑی ہے، ہم ظلم برداشت نہیں کریں گے اور کسی مظلوم کو تنہا نہیں چھوڑیں گے۔
اس موقع پر ناظم علاقہ صفورہ احمد فہیم عثمانی، کوآرڈینیٹر صفورہ ٹاؤن حماد بھٹو، اپوزیشن لیڈر صفورہ ٹاؤن سکندر بلوچ، چیئرمین یوسی 2 جمشید علی، پبلک ایڈ کمیٹی علاقہ صفورہ کے صدر علی رضا گبول، نائب صدر امیر تنیو اور دیگر رہنما بھی موجود تھے۔
ویب ڈیسک
وہاج فاروقی
رانا ثنا کی سیاسی جماعتوں کو میثاق استحکام، سر جوڑ کر بیٹھنے کی دعوت