متنازع یوٹیوبر رنویر الہٰ بادیہ نے چھپ کر شادی کرلی؟
اشاعت کی تاریخ: 19th, October 2025 GMT
”بیئر بائسپس“ کے نام سے معروف یوٹیوبر اور پوڈکاسٹر رنویر الہ بادیہ کی ایک ویڈیو نے سوشل میڈیا پر ان کی نجی زندگی اور شادی کے حوالے سے قیاس آرائیوں کا طوفان کھڑا کر دیا ہے۔
ممبئی میں اداکار راوی دوبے اور سرگن مہتا کی دیوالی پارٹی کے دوران بنائے گئے اس مختصر ویڈیو کلپ میں رنویر کو ایک دلچسپ مکالمے میں سنا جا سکتا ہے۔
راوی دوبے ان سے پوچھتے ہیں ،’لیکن تمہاری بیوی کہاں ہے…؟‘
جس پر رنویر مسکراتے ہوئے جواب دیتے ہیں ، ’وہ کچھ ہی دیر میں آ جائے گی۔‘ یہ سن کر سرگن مہتا ہنستے ہوئے پوچھتی ہیں، ’کتنی دیر لگے گی؟‘
یہ مختصر مگر دلچسپ مکالمہ سوشل میڈیا پر تیزی سے وائرل ہوگیا اور مداحوں نے اندازے لگانے شروع کر دیے کہ آخر رنویر جس ”شی“ کا ذکر کر رہے تھے، وہ کون ہیں؟
کچھ صارفین کا کہنا ہے کہ رنویر شاید خفیہ طور پر شادی کر چکے ہیں، جب کہ دیگر کا خیال ہے کہ وہ اپنی نئی گرل فرینڈ کے بارے میں بات کر رہے تھے۔ تاہم، رنویر کی جانب سے اب تک کسی قسم کی تصدیق یا وضاحت سامنے نہیں آئی۔
یہ پہلا موقع نہیں جب رنویر الہ بادیہ کی ذاتی زندگی خبروں میں آئی ہو۔ چند روز قبل رنویر نے اداکارہ تارا سوتاریا کے ساتھ ایک پوڈکاسٹ پر گفتگو کرتے ہوئے اپنی ذاتی زندگی، بریک اپ اور محبت کے تجربات پر کھل کر بات کی تھی۔
انہوں نے کہا تھا کہ، ’میں 32 سال کا ہوں، اپنی دنیا خود بنا رہا ہوں۔ اب میں محبت کے پیچھے نہیں بھاگ رہا۔‘
انہوں نے مزید کہا کہ اپنی 20 کی دہائی میں انہوں نے محبت کو حد سے زیادہ تلاش کیا، مگر اب وہ اس جنون کو پیچھے چھوڑ چکے ہیں۔
رنویر نے یہ بھی تسلیم کیا کہ ان کے دل میں گزشتہ تعلقات کے زخم آج بھی گہرے ہیں اور وہ نہیں چاہتے کہ کوئی عورت آ کر ان کا درد بھرے، ان کا کہنا ہے کہ ان کی زندگی میں جو خواتین ہیں ماں، بہن، بھانجی اور وہ لڑکی جو شاید مستقبل میں آئے ان سب کی زندگی سکون اور خوبصورتی کا گہوارہ ہو۔
نویر الہ بادیہ رواں سال اس وقت تنازع کا شکار ہوئے جب انہوں نے کامیڈین سمے رینا کے شو ”انڈیاز گو لیٹنٹ“ میں ایک غیر مناسب سوال پوچھا، جس پر سوشل میڈیا پر شدید ردِعمل سامنے آیا اور متعدد ایف آئی آرز بھی درج ہوئیں۔
بعدازاں انہوں نے عوامی سطح پر معافی مانگتے ہوئے کہا کہ وہ آئندہ ایسے سوالات سے گریز کریں گے۔
رنویر کا نام ماضی میں اداکارہ نکی شرما کے ساتھ بھی جوڑا جا چکا ہے۔ دونوں کی قریبی تصاویر اکثر سوشل میڈیا پر وائرل ہوتی تھیں، لیکن رنویر ہمیشہ نکی کے چہرے پر سن فلوور ایموجی لگا کر ان کی شناخت چھپاتے رہے۔ ”انڈیاز گو لیٹنٹ“ تنازع کے بعد جب رنویر نے نکی کو انسٹاگرام پر اَن فالو کیا تو مداحوں نے ان کے بریک اپ کی قیاس آرائیاں شروع کر دیں۔
اب نئی ویڈیو کے بعد مداحوں کے سوالات ایک بار پھر شروع ہو گئے ہیں کہ کیا رنویر الہ بادیہ نے واقعی خفیہ شادی کر لی ہے یا یہ سب محض ایک غلط فہمی ہے؟
.
ذریعہ
ذریعہ: Daily Mumtaz
کلیدی لفظ: سوشل میڈیا پر الہ بادیہ رنویر الہ انہوں نے
پڑھیں:
حکومت کا بڑا ریلیف، الیکٹرک بائیکس پر سبسڈی اور بلاسود قرض کا اعلان
اسلام آباد(نیوز ڈیسک)وزیراعظم کے اپنا گھر پروگرام کے تحت اپنا ذاتی گھر حاصل کرنے کے خواہشمند شہریوں کے لیے بڑی پیش رفت سامنے آئی ہے۔ حکومت نے اعلان کیا ہے کہ پروگرام کے تحت کمرشل بینک اب تک 160 ارب روپے مالیت کے ہاؤسنگ قرضے منظور کر چکے ہیں جبکہ کامیاب درخواست گزاروں کو قرضوں کی فراہمی کا عمل بھی تیزی سے جاری ہے۔
یہ بات وزیر خزانہ کے مشیر عدنان پاشا نے کراچی میں منعقدہ فرسٹ انٹرنیشنل انشورنس کانفرنس سے خطاب کرتے ہوئے بتائی۔ انہوں نے کہا کہ وزیراعظم کا اپنا گھر پروگرام ملک میں تقریباً ایک کروڑ (10 ملین) گھروں کی کمی کو پورا کرنے کی جانب ایک اہم قدم ہے اور اس کے ذریعے کم آمدنی والے خاندانوں کو رعایتی شرائط پر اپنے گھر کا مالک بننے کا موقع فراہم کیا جا رہا ہے۔
عدنان پاشا نے بتایا کہ اس اسکیم کے تحت شہریوں کو صرف 5 فیصد رعایتی مارک اپ پر ہاؤسنگ قرض فراہم کیا جا رہا ہے جبکہ وزارت خزانہ اس منصوبے میں شامل بینکوں کے ممکنہ قرض نقصان کا 10 فیصد تک بوجھ خود برداشت کر رہی ہے۔ اس کے علاوہ حکومت پہلے 10 سال تک مارک اپ سبسڈی بھی فراہم کر رہی ہے تاکہ ہاؤسنگ فنانس زیادہ سے زیادہ سستا اور عوام کی پہنچ میں رہ سکے۔
انہوں نے کہا کہ حکومت کی کوشش ہے کہ زیادہ سے زیادہ مستحق خاندان اس سہولت سے فائدہ اٹھائیں، جس سے نہ صرف رہائشی مسائل میں کمی آئے گی بلکہ تعمیراتی شعبے، سیمنٹ، اسٹیل، ٹائلز، الیکٹریکل مصنوعات اور دیگر متعلقہ صنعتوں میں بھی معاشی سرگرمیوں کو فروغ ملے گا۔
اس موقع پر عدنان پاشا نے حکومت کے الیکٹرک موٹرسائیکل پروگرام پر بھی روشنی ڈالی۔ انہوں نے بتایا کہ حکومت آئندہ برسوں میں 20 لاکھ الیکٹرک موٹرسائیکلیں متعارف کرانے کا منصوبہ رکھتی ہے۔ ان کے مطابق پاکستان میں تقریباً 30 لاکھ رجسٹرڈ موٹرسائیکلیں ہر سال قریب 8 ارب ڈالر مالیت کا درآمدی پٹرول استعمال کرتی ہیں، جس سے نہ صرف قیمتی زرمبادلہ خرچ ہوتا ہے بلکہ ماحولیاتی آلودگی میں بھی اضافہ ہوتا ہے۔
انہوں نے کہا کہ حکومت شہریوں کو الیکٹرک بائیکس کی خریداری پر سبسڈی اور بلاسود فنانسنگ فراہم کر رہی ہے تاکہ ایندھن پر انحصار کم کیا جا سکے، تاہم ملک میں الیکٹرک بائیکس کی پیداوار اور سپلائی کے مسائل اب بھی موجود ہیں، جنہیں دور کرنے کے لیے اقدامات کیے جا رہے ہیں۔
عدنان پاشا نے زرعی شعبے کے حوالے سے بتایا کہ حکومت نے حال ہی میں زرخیزی اسکیم بھی متعارف کرائی ہے جس کے تحت 21 بینکوں پاکستان بینکس ایسوسی ایشن اور سپارکو کے تعاون سے کسانوں کو ڈیجیٹل زرعی قرضے فراہم کیے جا رہے ہیں۔ انہوں نے کہا کہ اس منصوبے میں سیٹلائٹ مانیٹرنگ اور ریئل ٹائم ڈیٹا کے ذریعے قرضوں کے استعمال کی نگرانی کی جائے گی تاکہ شفافیت کو یقینی بنایا جا سکے اور زرعی پیداوار میں اضافہ ہو۔
حکومتی حکام کے مطابق اپنا گھر پروگرام اور دیگر مالیاتی اسکیموں کا مقصد کم آمدنی والے طبقات کو سہولت فراہم کرنے معیشت کو متحرک کرنے، تعمیراتی سرگرمیوں کو فروغ دینے اور ملک میں پائیدار ترقی کی راہ ہموار کرنا ہے۔
مزید پڑھیں۔سرکاری ملازمین کی تنخواہوں کے بعد پنشن میں بھی اضافہ
پاکستان نے ورلڈ کپ 2028 کیلیے براہ راست کوالیفائی کر لیا