کنگ سلمان ریلیف سینٹر کی طرف سے مستحق خاندانوں کو معاشی بااختیار بنانے کے لیے مویشیوں کی فراہمی کا آغاز
اشاعت کی تاریخ: 21st, October 2025 GMT
کنگ سلمان ہیومینیٹیرین ایڈ اینڈ ریلیف سینٹر نے محکمہ ریلیف، بحالی و آبادکاری خیبر پختونخوا، صوبائی ڈیزاسٹر مینجمنٹ اتھارٹی اور اپنے نفاذی شراکت دار ادارے پیس اینڈ ڈیویلپمنٹ آرگنائزیشن کے اشتراک سے پاکستان میں مستحق خاندانوں کے معاشی بااختیار بنانے کے لیے مویشیوں کی فراہمی کے منصوبے کا باضابطہ آغاز کر دیا۔
تقریب کے مہمانِ خصوصی نورالامین، ایڈیشنل سیکریٹری، محکمہ ریلیف، بحالی و آبادکاری تھے، جبکہ معزز مہمانِ عبداللہ البقمی ڈائریکٹر، کنگ سلمان ہیومینیٹیرین ایڈ اینڈ ریلیف سینٹر پاکستان نے خصوصی شرکت کی۔ اس موقع پر سرکاری اداروں، اقوام متحدہ کی ایجنسیوں، شراکت دار تنظیموں اور میڈیا کے نمائندگان نے شرکت کی۔
مزید پڑھیں:دیرینہ دوستی کا مظہر، کنگ سلمان ریلیف کی جانب سے سیلاب زدگان کے لیے ریلیف پیکجز کی تقسیم
یہ منصوبہ مستحق خاندانوں کے روزگار کو مضبوط بنانے، غذائی تحفظ میں بہتری لانے، اور خود انحصاری کے فروغ کے لیے شروع کیا گیا ہے۔ اس کے تحت مستفید ہونے والے خاندانوں کو مویشی، پولٹری، اور عملی تربیت فراہم کی جائے گی تاکہ وہ اپنی آمدنی میں اضافہ کر سکیں۔
منصوبے کی تفصیلات:لوئر چترال، اپر چترال، لوئر دیر اور اپر دیر کے 1000 خاندانوں کو 2 مادہ بکریاں، چارہ (سیلیج) اور مویشیوں کی دیکھ بھال کی تربیت دی جائے گی، جو محکمہ لائیو اسٹاک کے تعاون سے فراہم کی جائے گی۔
سوات، صوابی، ہری پور اور مانسہرہ کے 1000 خاندانوں کو 25 مرغیاں، مکمل پولٹری کٹ، اور پولٹری کی دیکھ بھال اور آمدنی پیدا کرنے کی تربیت دی جائے گی، جو محکمہ لائیو اسٹاک کے ذریعے دی جائے گی۔
چارسدہ، مردان اور نوشہرہ کے 500 خاندانوں کو گائے ، چارہ (سیلیج)کے ساتھ عملی تربیت حاصل کریں گے جس میں جانوروں کی دیکھ بھال اور دودھ کی پیداوار شامل ہے۔
کنگ سلمان ریلیف سینٹر کا بڑا اقدام! معاشی خود کفالت کی جانب بڑھتا قدم!
کنگ سلمان ریلیف سینٹر کی جانب سے خیبر پختونخوا کے1000 سے زائد خاندانوں کو بکریاں، مرغیاں اور گائے فراہم کی جائیں گی، ساتھ ہی عملی تربیت بھی دی جائے گی تاکہ وہ روزگار پیدا کر سکیں۔ یہ منصوبہ سعودی عرب اور… pic.
— WE News (@WENewsPk) October 21, 2025
مزید پڑھیں: ’کنگ سلمان ریلیف سینٹر‘ کی جانب سے افغانستان میں خوراک کی فراہمی
تقریب سے خطاب کرتے ہوئےعزت مآب عبداللہ البقمی ڈائریکٹر کنگ سلمان ریلیف سینٹر پاکستان نے کہا کہ یہ منصوبہ مملکتِ سعودی عرب اور پاکستان کے درمیان مضبوط برادرانہ تعلقات کا مظہر ہے، اور کنگ سلمان ہیومینیٹیرین ایڈ اینڈ ریلیف سینٹر کے اس عزم کی عکاسی کرتا ہے جو کمزور طبقات کو بااختیار بنانے اور پائیدار روزگار کے مواقع فراہم کرنے کے لیے جاری ہے۔
مہمانِ خصوصی محترم نورالامین نے مملکتِ سعودی عرب اور کنگ سلمان ہیومینیٹیرین ایڈ اینڈ ریلیف سینٹرکے تعاون کو سراہا اور پیس اینڈ ڈویلپمنٹ آرگنائزیشن اور محکمہ لائیو اسٹاک کے کردار کو سراہتے ہوئے کہا کہ ان کی شراکت سے یہ منصوبہ نہایت مؤثر اور نتیجہ خیز ثابت ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
صوبائی ڈیزاسٹر مینجمنٹ اتھارٹی کنگ سلمان ہیومینیٹیرین ایڈ اینڈ ریلیف سینٹرذریعہ: WE News
کلیدی لفظ: صوبائی ڈیزاسٹر مینجمنٹ اتھارٹی کنگ سلمان ریلیف سینٹر خاندانوں کو دی جائے گی یہ منصوبہ کی جانب کے لیے
پڑھیں:
دھی رانی پروگرام: بہاولپور میں 174 مستحق جوڑوں کی اجتماعی شادی، سلامی بھی دی گئی
بہاولپور میں حکومتِ پنجاب کے ’دھی رانی پروگرام‘ کے تحت 174 مستحق جوڑوں کی اجتماعی شادی کی شاندار تقریب منعقد ہوئی۔
اس تقریب میں 166 مسلم، 5 عیسائی، 3 ہندو اور 2 خصوصی افراد کے جوڑے شامل تھے۔ پروگرام کے تحت ہر جوڑے کو 2 لاکھ روپے کی مالی معاونت فراہم کی گئی۔
بہاولپور میں دھی رانی پروگرام کے تحت 174 جوڑوں کی اجتماعی شادی کی تقریب منعقد ہوئی۔ وزیراعلی مریم نواز غریب خاندانوں کی دعائیں لے رہی ہیں۔۔۔ pic.twitter.com/Thz6rbAUKs
— Hina Parvez Butt (@hinaparvezbutt) October 18, 2025
یہ بھی پڑھیں: ’پنجاب دھی رانی پروگرام‘ کے تحت درخواستوں کی وصولی شروع
تقریب کے مہمانِ خصوصی صوبائی وزیر برائے سماجی بہبود و بیت المال سہیل شوکت بٹ تھے۔
اس موقع پر دلہا دلہنیں اور ان کے والدین کے چہروں پر خوشی اور اطمینان کے آثار نمایاں تھے۔
واضح رہے کہ یہ پروگرام وزیراعلیٰ پنجاب مریم نواز کی جانب سے شروع کیا گیا ہے، جس کے تحت اس سے قبل بھی شادیاں کرائی جا چکی ہیں۔
9 اکتوبر 2024 کو وزیراعلیٰ پنجاب مریم نواز کی زیر صدارت کابینہ اجلاس میں اجتماعی شادیوں کے سب سے بڑے تاریخی پروگرام کی منظوری دی گئی تھی۔
یہ بھی پڑھیں: دِھی رانی پروگرام کیا ہے، درخواست کے لیے کن شرائط کو پورا کرنا ضروری ہوگا؟
پروگرام کی منظوری دیتے ہوئے صوبائی کابینہ نے مذکورہ پروگرام میں 3 ہزار غریب خاندان کی بچیوں کی اجتماعی شادی منعقد کرنے کا فیصلہ کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews حکومت پنجاب دھی رانی پروگرام مستحق جوڑوں کی شادی وی نیوز
وفاقی حکومت کا گندم پالیسی کا نیا ڈرافٹ، چاروں صوبوں سے رائے طلب