ٹی ایل پی کے 36 سو فنانسرز کی نشاندہی کر لی: عظمیٰ بخاری
اشاعت کی تاریخ: 21st, October 2025 GMT
پنجاب کی وزیرِ اطلاعات عظمیٰ بخاری—فائل فوٹو
پنجاب کی وزیرِ اطلاعات عظمیٰ بخاری کا کہنا ہے کہ ٹی ایل پی کے 36 سو فنانسرز کی نشاندہی کر لی ہے، مالی مدد کرنے والوں کے خلاف دہشت گردی کے مقدمے ہوں گے، قبر کا استعمال کر کے چندہ اکٹھا کرنے اور اشتعال انگیزی کی اجازت نہیں دیں گے۔
لاہور میں میڈیا سے گفتگو کرتے ہوئے عظمیٰ بخاری نے کہا کہ ٹی ایل پی کی 130 مساجد حکومتی تحویل میں لی جا چکی ہیں، جبکہ اس کے 223 مدارس کی جیو ٹیگنگ کر لی گئی ہے، وفاقی حکومت کو اس جماعت کو بین کرنے کی سفارش کر دی گئی ہے، امید ہے کہ اس شر پسند جماعت کو جلد بین کر دیا جائے گا۔
لاہور میں میڈیا سے گفتگو کرتے ہوئے انہوں نے کہا کہ کوئی مسجد کسی طور پر مسمار نہیں کی جا رہی، شیطانی و خرافاتی آئیڈیاز مذکورہ جماعت کے ذہن میں آتے ہیں، مساجد و مدارس کا نظم و نسق محکمۂ اوقاف کے زیرِ انتظام کیا جا رہا ہے۔
عظمیٰ بخاری نے کہا کہ کسی فرقے، جماعت یا گروہ کے خلاف ایکشن نہیں، دہشت گرد سوچ کے خلاف ایکشن ہے، والدین بچوں کو اس جماعت کی سرگرمیوں سے بچائیں، ورنہ ان پر دہشت گردی کے مقدمے ہوں گے، جو بچہ ایسی سرگرمی میں ملوث ہو گا اسے کہیں داخلہ ملے گا نہ ویزا، نہ ہی ملک میں کوئی سہولت ملے گی۔
ان کا کہنا ہے کہ ٹی ایل پی کے 6 مدارس حکومتی زمین پر بنائے گئے جن کا کوئی ریکارڈ نہیں ہے، قانون ہاتھ میں لینے والوں کے خلاف دہشت گردی کے مقدمے ہوں گے، جماعت کے سربراہ اور ان کے بھائی کو ٹریس کیا جا رہا ہے، بہت جلد قانون کی گرفت میں ہوں گے، خود بھاگے ہوئے ہیں، لوگوں سے کہتے ہیں کہ باہر نکل آئیں اور آگ لگائیں۔
پنجاب کی وزیرِاطلاعات، عظمیٰ بخاری نے کہا ہے کہ جو قبر جہاں ہے وہیں رہے گی لیکن قبر پر چندہ اکٹھا کرنے کی اجازت نہیں دیں گے، قبروں کا احترام کرتے ہیں، کسی کی قبر کہیں منتقل نہیں کی جا رہی۔
عظمیٰ بخاری کا کہنا ہے کہ ہم نہیں چاہتے کہ ملک میں پریشر گروپ بنیں، تمام حملوں کی باقاعدہ فوٹیجز موجود ہیں، شاہدرہ میں بھی پولیس اہلکار پر تشدد کی ویڈیو موجود ہے، سیاستدانوں اور صحافیوں کو دھمکی دینے کے لیے آرگنائزڈ سیل بنایا گیا۔
انہوں نے کہا کہ قبر کا استعمال کر کے چندہ اکٹھا کرنے اور اشتعال انگیزی کی اجازت نہیں دیں گے، حکومت نے 330 مساجد کا انتظام سنبھال لیا ہے، تمام مساجد کھلی ہیں اور نماز کے لیے استعمال ہو رہی ہیں، ٹی ایل پی کے مدرسے بھی جلد کھول دیے جائیں گے، اہلسنت و الجماعت کے علماء کو ان مدارس کا کنٹرول دیا جائے گا، حکومت اس جماعت کے خلاف عدالتی کارروائی کو یقینی بنائے گی۔
پنجاب کی وزیرِ اطلاعات نے کہا کہ دہشت گردی کے 33 مقدمات میں نامزد افراد کو گرفتار کیا جائے گا، دونوں بھائیوں کو گرفتار کرنے کے لیے چھاپے مارے جا رہے ہیں، ٹی ایل پی کے سربراہ کے 95 بینک اکاؤنٹس ہیں، مسروقہ و غیر مسروقہ جائیداد سیل کر دی گئی، ان کے گھر سے قیمتی سامان بھی برآمد ہوا، ان کے گھر سے ایک کلو 920 گرام سونا برآمد ہوا، 898 گرام چاندی، 68 نایاب گھڑیاں اور قیمتی چیزیں برآمد ہوئیں، انہوں نے بے نامی جائیدادیں خریدیں، علاقہ نو گو ایریا بنایا، ان کے ہیڈ کوارٹر کے آس پاس انہوں نے بے نامی جائیدادیں خرید رکھی تھیں، اس مذہبی جماعت کی لیڈر شپ کے خلاف کریک ڈاؤن چل رہا ہے۔
ان کا کہنا ہے کہ بابا جی کی قبر کہیں بھی ٹرانسفر نہیں کی جا رہی، یہ بھی ہماری پالیسی نہیں ہے، قبر کا استعمال کر کے چندہ اکٹھا کرنا یا اشتعال انگیزی کی اجازت نہیں ہو گی، دہشت گرد جماعتوں کو چندہ دینے والے 38 فنانسرز کی نشاندہی ہو چکی ہے، تمام اکاؤنٹس منجمد کر دیے گئے ہیں، مالی مدد کرنے والوں کے خلاف دہشت گردی کے مقدمے ہوں گے۔
وزیرِ اطلاعات پنجاب عظمیٰ بخاری نے کہا کہ والدین اپنے بچوں پر نظر رکھیں، انہیں کسی کا ایندھن بننے کی اجازت مت دیں، مریدکے کے مقدمات کے لیے اسپیشل پراسیکیوشن سیل قائم کر دیا گیا ہے، مریدکے میں 3 راہ گیر شہید ہوئے، 48 شہری زخمی ہوئے، واقعے میں 110 پولیس اہلکار زخمی ہوئے، 18 اہلکار گولیاں لگنے سے زخمی ہوئے، واقعے میں 8 پولیس وینز کو آگ لگائی گئی،اسلحے سمیت پولیس وینز پر قبضہ کیا گیا۔
انہوں نے کہا کہ مذکورہ مذہبی جماعت پر ریاست اور حکومت نے جو فیصلہ لیا اس پر عملدرآمد ہو رہا ہے، سارے فساد کو فلسطین اور غزہ کا مقدمہ کہا گیا، اینٹوں سے بھری ٹرالیاں ان کے ساتھ چل رہی تھیں، ان کا پروپیگنڈا سیل بیٹھ کر جھوٹ بول رہا ہے، ان کے ورکرز ریسکیو 1122 کے لوگوں کو مار پیٹ کر آگے بڑھتے نظر آئے، ٹی ایل پی کے ذمے داران نے پولیس کو پکڑا اور پھر مارا، مذہبی جماعت کے سربراہ کہتے رہے کہ پولیس والوں کو جانے نہ دینا، جدید آلات سے لیس دفتر سے صحافیوں کو دھمکیاں دی جاتیں، آرگنائزڈ سیل موجود ہے جس میں کچھ نوجوان کام کر رہے ہیں۔
.ذریعہ: Jang News
کلیدی لفظ: دہشت گردی کے مقدمے ہوں گے نہیں کی جا رہی پنجاب کی وزیر کی اجازت نہیں کا کہنا ہے کہ بخاری نے کہا ٹی ایل پی کے چندہ اکٹھا نے کہا کہ جماعت کے انہوں نے کے خلاف رہا ہے کے لیے
پڑھیں:
پریم یونین رہنمائوں کی امیر جماعت اسلامی سے ملاقات
data-id="863a0a8" data-element_type="widget" data-widget_type="theme-post-content.default">
پریم یونین کے چیف آرگنائزر خالد محمود چوہدری اور سرپرست فیصل آباد پریم یونین میاں طاہر ایوب نے امیر جماعت اسلامی حافظ نعیم الرحمن کی سے ملاقات کی۔ اس موقع پرصوبائی امیر جاوید قصوری، ضلعی امیر محبوب الزماں بٹ، میاں شاہد ایوب، میاں زاہد ایوب،رائے ندیم الرحمن، محمد ناصر بھی موجود تھے۔ خالد محمود چوہدری اور میاں طاہر ایوب نے حافظ نعیم الرحمان کو پاکستان بھر کے مزدوروں خصوصاً ریلوے کی موجودہ صورتحال، ریلوے ملازمین کے مسائل اور ریلوے سے منسلک سالانہ15کروڑ پاکستانیوں کی مشکلات سے آگاہ کیا – حافظ نعیم الرحمن نے پریم یونین کی رہنمائی کرتے ہوئے کہا کہ پریم یونین ریلوے اور ریلوے ملازمین کے مسائل سمیت ریلوے سے منسلک 15 کروڑ پاکستانیوں کی آواز بن کر اپنا لائحہ عمل بنا کر میدان عمل میں آئے۔ جماعت اسلامی ان کی بھر پور سرپرستی کرے گی اور میں خود شانہ بشانہ پریم یونین کی اس جدو جہد میں ساتھ ہوں گا۔پاکستان کے 7 کروڑ سے زائد سرکاری اور پرائیوٹ مزدوروں کے حقوق کی جدو جہد کے لیے عنقریب ٹرین اور روڈ مارچز کئے جائیںگے۔ انہوں نے کہا ایک طرف حکومت میٹرو بس ، اورنج ٹرین، الیکٹرک بسوں اور موٹر وے کو سالانہ کھربوں روپے کے وسائل اور سبسڈی دے کر پاکستانی شہریوں کو سستی اور معیاری سفری سہولت فراہم کرنے کا اعلان کر رہی ہے اور اربوں روپیہ تشہیری مہم پر خرچ کر رہی ہے دوسری طرف 25 کروڑ پاکستانیوں کی سفری ضرورت پاکستان ریلوے سے سوتیلی ماں کا سلوک کر رہی ہے۔ پاکستان کا سب سے بڑا رفاہی،فلاحی اور عوام کو سہولت فراہم کرنے والا ادارہ ریلوے حکومت کی عدم توجہ کی وجہ سے تنزلی کا شکار ہے جس کی ذمہ دار موجودہ اور سابقہ حکومتیں ہیں۔ موجودہ بجٹ میں BISP کی مد میں7کھرب سے زائد کا بجٹ مقرر کیا گیا ہے جو کہ کرپشن کی نذر ہو رہا ہے اور NHA کو ڈھائی کھرب کا بجٹ دیا گیا ہے جبکہ پاکستان کے سب سے بڑے رفارہی، فلاحی معاشی ادارے کے بجٹ میں 20 ارب کی کٹوتی کرکے صرف 27 ارب رکھے گئے ہیں۔ پریم یونین کے رہنمائوں نے فیصل آباد سرگو دھا ڈویژن بشمول حافظ آباد، سانگلاہل کے دو کروڑ سے زائد شہریوں کی آواز بنتے ہوئے وزیر اعظم اور وزیر ریلوے سے مطالبہ کیا کہ ان دو کروڑ شہریوں کا کراچی سے 3 ستمبرسے رابطہ منقطع ہے۔ شور کوٹ۔ عبدالحکیم سیکشن پر بوجہ سیلاب متاثرہ ریلوے ٹریک کی جلد از جلد مرمت کرکے ریلوے آپریشن بحال کرنے کا مطالبہ کیا۔انہوں نے عرصہ دراز سے اپنی معیاد مکمل کر کے چلنے والی 50فیصد کوچز کو تبدیل کر کے نئی کوچز تیار کرنے اور ریلوے کے 150 سال پرانے ریلوے ٹریک کو تبدیل کر کے نئے ٹریک بنانے کے لیے وزیر اعظم سے ہنگامی بنیادوں پر فیصلہ کرنے اور وسائل فراہم کرنے کا مطالبہ کیا۔انہوں نے ریلوے کے تین سال سے زائد ریٹائر ملازمین اور بیواؤں کے واجبات اور 7 سال سے زائد عرصہ سے ٹی اے کے واجبات کی عدم ادائیگی پر انتہائی افسوس کا اظہار کرتے ہوئے کہا کہ وزیر ریلوے محمد حنیف عباسی نے قومی اسمبلی کے فلور پر اپنی بے بسی کا اظہار کرتے ہوئے کہا کہ ان واجبات کی ادائیگی کے لیے میں فنانس ڈویژن سے فنڈزلینے میں ناکام ہو گیا ہوں۔انہوں نے کہا کہ ایک وزیر اپنی اسمبلی کے فلور پر اپنی بے بسی کا اظہار کر رہا ہے اور حکومت معاشی ترقی کے شادیانے بجا رہی ہے جو باعث افسوس ہے۔ انہوں نے ان واجبات کی ادائیگی اور دیگر ضروری اقدامات کے لیے وزیرا عظم شہباز شریف سے فوری طور پر ریلوے کو 25 ارب روپے دینے کا مطالبہ کیا۔ انہوں نے ریلوے کی ٹرینوں کی آؤٹ سورس کو ختم کرنے کے اعلان پر وزیر ریلوے محمد حنیف عباسی کو خراج تحسین پیش کرتے ہوئے پریم یونین کے صدر شیخ محمد انور کی قیادت میں پریم یونین کی جدوجہد کو خراج تحسین پیش کرتے ہوئے اپنی بھر پور سر پرستی اور تعاون کا یقین دلایا۔انہوں نے پاکستان بھر کے مزدوروں سے کہا کہ اپنے اور اپنے بچوں کے مستقبل کو محفوظ بنانے کے لیے جماعت اسلامی کے پلیٹ فارم پر اپنے آپ کو منظم متحد اور متحرک کر کے جب تک ایماندار،دیانت دار اور اہل افراد کو منتخب کر کے اسمبلیوں میں نہیں بھیجیں گے اس وقت تک آپ کے مسائل حل نہیں ہوں گے۔
نوبل انعام ۲۰۲۵، ٹرمپ کا ادھورا ڈراؤنا خواب