’بری پل‘ ریل منصوبہ: سعودی وژن 2030 کے اہداف میں اہم سنگ میل
اشاعت کی تاریخ: 22nd, October 2025 GMT
سعودی عرب نقل وحمل کے شعبے میں ایک نئے دور میں داخل ہو رہا ہے، جہاں مملکت نے بری پل کے نام سے ایک عظیم ریلوے منصوبے کا آغاز کیا ہے، جو دارالحکومت ریاض کو ساحلی شہر جدہ سے صرف 4 گھنٹوں میں جوڑ دے گا۔
7 ارب ڈالر سے زیادہ لاگت سے تعمیر ہونے والا یہ منصوبہ مملکت کی جدید ترین انجینیئرنگ کامیابیوں میں شمار کیا جا رہا ہے اور اسے سعودی وژن 2030 کے اہداف میں ایک اہم سنگ میل قرار دیا گیا ہے۔
منصوبے کی تکمیل کے بعد ریاض سے جدہ تک کا سفر، جو اس وقت گاڑی سے قریباً 12 گھنٹے میں طے ہوتا ہے، اب تیز رفتار ریل کے ذریعے صرف 4 گھنٹوں میں ممکن ہوگا۔
مزید پڑھیں: سعودی عرب کو 12 لاکھ پاکستانیوں کی ضرورت: کن شعبوں میں نوکریوں کے مواقع موجود ہیں؟
نیا ریلوے ٹریک قریباً 9 سو کلومیٹر پر پھیلا ہوگا اور ملک کے اہم تجارتی، صنعتی اور شہری مراکز کو جوڑ دے گا، جس سے داخلی اور علاقائی سطح پر نقل وحمل کا نظام ایک نئی جہت اختیار کرے گا۔
سعودی ریلوے ادارہ اس منصوبے کے تحت جدید مسافر اور سامان بردار اسٹیشن قائم کرے گا جو کنگ عبداللہ بندرگاہ کو صنعتی شہروں مثلا ینبع سے جوڑیں گے، جبکہ 2 سو کلومیٹر فی گھنٹہ کی رفتار رکھنے والی پندرہ ٹرینیں منگوائی جا رہی ہیں تاکہ سفر زیادہ تیز، آرام دہ اور محفوظ بنایا جا سکے۔
منصوبے کا ایک نمایاں پہلو خوابِ صحرا نامی پرتعیش سیاحتی ٹرین سروس ہے جو ریاض سے القریات تک ایک ہزار 2 سو نوے کلومیٹر طویل سفر کے دوران مسافروں کو مملکت کے قدرتی مناظر اور ریگستانی حسن سے روشناس کرائے گی۔ یہ اقدام سعودی عرب کے سیاحتی وژن کے مطابق عالمی سطح کی سفری سہولتوں کے قیام کی سمت ایک اہم پیش رفت سمجھا جا رہا ہے۔
مزید پڑھیں: سعودی عرب کے خطے جازان میں روایتی لباس کی زبان کی طرح اگلی نسل کو منتقلی
اس منصوبے میں ماحولیاتی استحکام پر بھی خصوصی توجہ دی گئی ہے، اور آئندہ مرحلے میں ہائیڈروجن توانائی سے چلنے والی ماحول دوست ٹرینوں کو متعارف کرانے کا منصوبہ ہے۔ حالیہ اعداد و شمار کے مطابق صرف 2025 کی دوسری سہ ماہی میں ہی 26 لاکھ سے زیادہ مسافروں نے ٹرین کا سفر کیا، جو سعودی عوام کی ریلوے نظام پر بڑھتے اعتماد اور رجحان کا مظہر ہے۔
ماہرین کے نزدیک ’بری پل‘ نہ صرف مملکت کے اندر نقل وحمل کا نقشہ بدل دے گا بلکہ اسے علاقائی اور عالمی سطح پر ایک جدید، مربوط اور پائیدار ٹرانسپورٹ نظام کا نمونہ بنا دے گا، جس سے سعودی عرب تجارت، سیاحت اور ٹیکنالوجی کے میدان میں نئی بلندیوں کو چھو لے گا۔
ا
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بری پل‘ ریل منصوبہ سعودی عرب سعودی وژن 2030 نقل وحمل.
ذریعہ
ذریعہ: WE News
کلیدی لفظ: بری پل ریل منصوبہ سعودی وژن 2030 بری پل
پڑھیں:
سعودی عرب کی ابراہیمی معاہدے میں شمولیت تاریخی قدم ہوگا، نیتن یاہو کا ٹرمپ کی شرط پر ردعمل
نیتن یاہو - فوٹو: فائلاسرائیلی وزیراعظم بن یامین نیتن یاہو نے امریکی صدر ڈونلڈ ٹرمپ کے سعودی عرب پر سول جوہری معاہدے کےلیے ابراہیمی معاہدے میں شمولیت کی شرط سے متعلق ردِ عمل دے دیا۔
برطانوی خبر رساں ادارے رائٹرز کی رپورٹ کے مطابق ایکس (سابقہ ٹوئٹر) پر جاری ایک بیان میں اسرائیلی وزیراعظم کا کہنا تھا کہ سعودی عرب کا ’ابراہیمی معاہدے‘ میں شامل ہونا مشرقِ وسطیٰ میں امن و سلامتی کے لیے تاریخی اور عظیم پیش رفت ہوگی۔
خیال رہے کہ نیتن یاہو کی جانب سے یہ بیان امریکی صدر ڈونلڈ ٹرمپ کے اس اعلان کے بعد سامنے آیا جس میں انہوں نے امریکہ اور سعودی عرب کے درمیان ہونے والے سول جوہری معاہدے کا ذکر کیا تھا۔
اپنے بیان میں امریکی صدر کا کہنا تھا کہ امریکی محکمہ توانائی اور سعودی عرب کے درمیان سول جوہری معاہدہ منظور کرلیا جائے گا۔
صدر ٹرمپ نے واضح طور پر یہ شرط رکھی تھی کہ امریکہ اور سعودی عرب کے درمیان یہ سول جوہری معاہدہ اسی صورت ممکن ہوگا جب سعودی عرب باضابطہ طور پر ’ابراہیمی معاہدے‘ کا حصہ بنے گا۔
تاہم یہ علم میں رہے کہ اپنے بیان میں اسرائیلی وزیراعظم نے امریکہ اور سعودی عرب کے اس سول جوہری معاہدے کا براہِ راست کوئی تذکرہ نہیں کیا۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی