سندھ ہائیکورٹ نے ایم کیو ایم کارکن عبید کے ٹو کی عمر قید کی سزا کالعدم قرار دی
اشاعت کی تاریخ: 22nd, October 2025 GMT
data-id="863a0a8" data-element_type="widget" data-widget_type="theme-post-content.default">
کراچی : سندھ ہائیکورٹ نے ایم کیو ایم کے کارکن عبید عرف کے ٹو کی 27 سال پرانے کیس میں عمر قید کی سزا کالعدم قرار دیتے ہوئے ان کی اپیل منظور کر لی۔
تفصیلات کے مطابق عبید کے ٹو پر الزام تھا کہ 1998 میں لیاقت آباد کے علاقے میں رینجرز اہلکاروں پر فائرنگ کر کے ایک جوان کو شہید اور دوسرے کو زخمی کیا تھا۔
پولیس کے مطابق اس وقت اہلکار رینجرز پکٹ پر موجود جوانوں کے لیے کھانا لے جا رہے تھے جب مسلح ملزمان نے ان پر حملہ کر دیا۔ فائرنگ کے نتیجے میں سپاہی دلدار حسین موقع پر شہید اور حوالدار ممتاز علی زخمی ہوئے تھے۔
کیس کا ٹرائل کئی سال جاری رہا اور عدالت نے 2024 میں عبید کے ٹو کو عمر قید کی سزا سنائی تھی، تاہم ملزم نے اس فیصلے کو چیلنج کرتے ہوئے سندھ ہائیکورٹ میں اپیل دائر کی، جس پر آج فیصلہ سنایا گیا۔
ملزم کے وکیل راج علی واحد کنور ایڈووکیٹ نے عدالت کے روبرو مؤقف اختیار کیا کہ اس کیس کا دو مرتبہ ٹرائل ہو چکا ہے، حتیٰ کہ فوجی عدالت میں بھی اس کا فیصلہ دیا جا چکا ہے۔ وکیل کے مطابق اسی مقدمے میں دیگر ملزمان جنید اور نادر شاہ سمیت کئی افراد کو بری کر دیا گیا تھا، جب کہ عبید کے ٹو اب بھی 2015 سے جیل میں قید ہیں۔
وکیلِ صفائی نے مؤقف اپنایا کہ ملزم کے خلاف شواہد کمزور ہیں اور اعترافِ جرم دباؤ میں لیا گیا۔
دوسری جانب پراسیکیوٹر نے موقف اختیار کیا کہ ملزم نے جرم تسلیم کیا تھا اور اے ٹی سی نے قانون کے مطابق سزا دی تھی، اس لیے وہ بری ہونے کا حقدار نہیں۔
بعد ازاں عدالت نے ٹرائل کورٹ کا فیصلہ کالعدم قرار دیتے ہوئے عبید کے ٹو کی اپیل منظور کر لی۔
.ذریعہ: Jasarat News
کلیدی لفظ: عبید کے ٹو کے مطابق
پڑھیں:
سندھ حکومت و ٹریفک پولیس ناکام، خونی ڈمپر اور ٹینکر موت کے پروانے بنے ہوئے ہیں،منعم ظفر خان
data-id="863a0a8" data-element_type="widget" data-widget_type="theme-post-content.default">
کراچی میں ٹینکر اور ہیوی ٹریفک کے بڑھتے ہوئے حادثات کے بعد امیر جماعت اسلامی کراچی منعم ظفر خان نے 19 سالہ نوجوان عبداللہ کے اہلِ خانہ سے ملاقات کی جو گزشتہ روز کشمیر روڈ پر ٹینکر کی ٹکر سے جاں بحق ہوگیا تھا، امیر جماعت اسلامی کراچی نے بزرٹا لائن میں مقتول کے گھر جا کر اہلِ خانہ سے تعزیت کی اور اس المناک سانحے پر گہرے افسوس کا اظہار کیا۔
منعم ظفر خان نے کہا کہ کراچی میں خونی ڈمپر اور ٹینکر شہریوں کے لیے موت کے پروانے بن چکے ہیں، شہر میں روزانہ ایسے افسوسناک واقعات سامنے آرہے ہیں جہاں تیزرفتار ہیوی ٹریفک معصوم شہریوں کی جانیں لے رہی ہے، گزشتہ روز عبداللہ کے حادثے کے علاوہ کریم آباد فلائی اوور پر بھی ٹرالر کی ٹکر سے ایک موٹر سائیکل سوار جاں بحق ہوا، جو صورتحال کی سنگینی کو واضح کرتا ہے۔
انہوں نے سندھ حکومت اور ٹریفک پولیس کی کارکردگی پر شدید تنقید کرتے ہوئے کہا کہ ہیوی ٹریفک کو قوانین و ضوابط کا پابند بنانے میں متعلقہ ادارے مکمل طور پر ناکام ہوچکے ہیں اور اس ناکامی کا خمیازہ کراچی کے عوام جان کی شکل میں بھگت رہے ہیں۔
امیر جماعت اسلامی نے مطالبہ کیا کہ شہر میں ہیوی ٹریفک کے لیے سخت ریگولیشنز نافذ کیے جائیں،قانون کی خلاف ورزی کرنے والوں کے خلاف مؤثر کارروائی ہو،جان سے جانے والے تمام متاثرین کے اہلِ خانہ کو سندھ حکومت کی جانب سے زرِ تلافی ادا کیا جائے اور مستقبل میں اس طرح کے واقعات کی روک تھام کے لیے عملی و فوری اقدامات کیے جائیں۔
محمد مرتضیٰ نور پاکستان افریقہ اکنامک کونسل اسلام آباد ریجن کے جنرل سیکرٹری تعینات