فلسطین کے عوام پاکستانی بھائیوں کا خلوص اور حمایت کبھی نہیں بھولیں گے، سفیر ڈاکٹر زوہیر
اشاعت کی تاریخ: 22nd, October 2025 GMT
پاکستان میں فلسطین کے سفیر، ڈاکٹر زوہیر محمد حمداللہ زید نے کہا ہے کہ فلسطین کے عوام پاکستانی بہن بھائیوں کی بے لوث مدد، اخوت اور جذبے کو ہمیشہ اپنے دلوں میں زندہ رکھیں گے۔ ان کا کہنا تھا کہ وہ دن اب دور نہیں جب فلسطین، جو مقدس مقامات کی سرزمین ہے، آزاد ہوگا۔
یہ بات انہوں نے وفاقی اردو یونیورسٹی اسلام آباد میں اقوامِ متحدہ کے دن کی مناسبت سے منعقدہ تقریب سے خطاب کرتے ہوئے کہی۔ تقریب میں طلبہ، اساتذہ اور سفارتی شخصیات نے بڑی تعداد میں شرکت کی۔
ڈاکٹر زوہیر نے فلسطینی عوام پر اسرائیلی مظالم کا ذکر کرتے ہوئے شدید افسوس کا اظہار کیا اور کہا کہ “نیتن یاہو معصوم بچوں اور خواتین کو قتل کرتا رہا، مگر عالمی طاقتیں اور اقوامِ متحدہ خاموش تماشائی بنی رہیں۔” انہوں نے اقوامِ متحدہ کے نظام کو تنقید کا نشانہ بناتے ہوئے کہا کہ “ویٹو پاور نے اس ادارے کو بے اثر بنا دیا ہے، جو مظلوموں کو تحفظ دینے میں بری طرح ناکام رہا ہے۔”
انہوں نے مزید کہا کہ فلسطین صرف ایک زمین کا ٹکڑا نہیں، بلکہ پوری امت مسلمہ کے روحانی جذبات کا مرکز ہے۔ “پاکستان نے ہر مشکل وقت میں ہمارے ساتھ کھڑے ہو کر جس بھائی چارے اور محبت کا مظاہرہ کیا ہے، وہ فلسطینی عوام کبھی نہیں بھولیں گے۔” اس موقع پر حاضرین نے فلسطین اور پاکستان کے تعلقات پر جذباتی انداز میں کھڑے ہو کر تالیاں بجائیں۔
تقریب سے آزاد کشمیر کے سابق صدر اور سفیر مسعود خان، اور سابق سفیر سید ابرار حسین نے بھی خطاب کیا۔ دونوں رہنماؤں نے اقوامِ متحدہ پر تنقید کرتے ہوئے کہا کہ یہ ادارہ طاقتور ملکوں کے مفادات کا محافظ بن چکا ہے اور دنیا کے اصل مسائل حل کرنے میں ناکام رہا ہے۔
شعبہ بین الاقوامی تعلقات اور ماس کمیونیکیشن کے سربراہ ڈاکٹر فیصل جاوید نے تقریب سے خطاب کرتے ہوئے کہا کہ فلسطینی سفیر اور دیگر سفارتی شخصیات کی یونیورسٹی آمد طلبہ کے لیے نہایت خوش قسمتی کی بات ہے۔ انہوں نے کہا کہ ہماری کوشش ہے کہ نوجوان صرف تعلیم ہی نہ حاصل کریں بلکہ دنیا کو بہتر انداز میں سمجھنے اور معاشرے کی فکری قیادت کے لیے بھی تیار ہوں۔
ذریعہ
ذریعہ: Daily Mumtaz
کلیدی لفظ: کرتے ہوئے انہوں نے کہا کہ
پڑھیں:
بی جے پی کو پیپر لیک سے نہیں بلکہ اس ایشو پر بات کرنے سے مسئلہ ہے، اروند کیجریوال
ایکس پر سنجے سنگھ کی پوسٹ کا اشتراک کرتے ہوئے اروند کیجریوال نے بی جے پی کو نشانہ بنایا اور الزام لگایا کہ وہ (مودی حکومت) پیپر لیک جیسے مسائل کو حل کرنے میں کم کارروائی کرتے ہیں لیکن اس پر بحث کو روکنے کیلئے سرگرم عمل ہے۔ اسلام ٹائمز۔ سوشل میڈیا پر ایک ویڈیو تیزی سے وائرل ہو رہا ہے۔ اترپردیش کے پریاگ راج کے ایک کانفرنس ہال میں عام آدمی پارٹی کے راجیہ سبھا رکن سنجے سنگھ طلبہ کے ساتھ حالیہ پیپر لیک معاملے پر تبادلہ خیال کررہے ہیں۔ اچانک وہاں یوپی پولیس اور سرکاری افسران آجاتے ہیں اور انھیں اس ایشو پر بات کرنے سے منع کرتے ہیں۔ سنجے سنگھ اور سرکاری افسران میں گرما گرم بحث ہوتی ہے۔ اس معاملے پر اب عام آدمی پارٹی کے قومی کنوینر اروند کیجریوال کا رد عمل سامنے آیا ہے۔ عام آدمی پارٹی کے قومی کنوینر اروند کیجریوال نے بی جے پی حکومت پر تنقید کی ہے۔ ایکس پر سنجے سنگھ کی پوسٹ کا اشتراک کرتے ہوئے اروند کیجریوال نے بی جے پی کو نشانہ بنایا، اور الزام لگایا کہ وہ (مودی حکومت) پیپر لیک جیسے مسائل کو حل کرنے میں کم کارروائی کرتے ہیں لیکن اس پر بحث کو روکنے کے لئے سرگرم عمل ہے۔
اروند کیجریوال نے کہا کہ بی جے پی کو پیپر لیک سے کوئی مسئلہ نہیں ہے۔ مسئلہ پیپر لیک پر ہونے والی بحث سے ہے۔ یہ پیر کے روز سنجے سنگھ کے الزام کے بعد سامنے آیا ہے کہ یوپی پولیس اور سرکاری اہلکاروں نے پریاگ راج میں پیپر لیک ہونے پر طلباء کے ساتھ ان کی بات چیت کو روکنے کی کوشش کی۔ سنجے سنگھ نے کہا کہ آمریت اپنے عروج پر پہنچ گئی ہے۔ ایکس پر ویڈیو شیئر کرتے ہوئے سنجے سنگھ نے کہا کہ پریاگ راج، یوپی میں آمریت عروج پر پہنچ گئی ہے، بند کمروں میں بھی، لاکھوں طلباء کے مستقبل پر بات کرنے کی اجازت نہیں دی گئی، انتظامیہ پیپر لیک ہونے کی بات کو بھی روکنے کے لئے پہنچ گئی ہے۔ مودی-یوگی کی ڈبل انجن والی حکومت مکمل طور پر ناکام ہو چکی ہے اور اپوزیشن کو کچلنا چاہتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ