پنجاب حکومت کی سخت کارروائی، مذہبی جماعتوں اور غیر قانونی اسلحہ پر زیرو ٹالرنس کی پالیسی نافذ
اشاعت کی تاریخ: 23rd, October 2025 GMT
سٹی42: پنجاب کی وزیر اطلاعات عظمیٰ بخاری نے ڈی جی پی آر میں پریس کانفرنس کرتے ہوئے کہا کہ حکومت نے مذہبی جماعت کی جانب سے پرتشدد کارروائیوں کے ثبوت میڈیا کے سامنے پیش کر دیے ہیں۔ انہوں نے بتایا کہ اس جماعت نے پولیس سے چھینا گیا اسلحہ اور سامان پولیس کے خلاف استعمال کیا، جس کے نتیجے میں متعدد پولیس اہلکار شہید اور زخمی ہوئے۔ عظمیٰ بخاری نے گولیوں، زخمی اہلکاروں اور جائے وقوعہ کی ویڈیوز اور تصاویر میڈیا کے سامنے پیش کیں۔
خریداروں کیلئے بڑی خوشخبری، پاکستان میں سستے سولر پینلزتیار
ڈی جی پی آر میں پریس کانفرنس کرتے ہوئے انہوں نے کہا کہ 2021 میں بھی اسی مذہبی جماعت نے پولیس سے اسلحہ چوری کیا تھا اور اس بار بھی وہی چوری شدہ اسلحہ استعمال کیا گیا۔ جماعت کی جانب سے سوشل میڈیا پر اشتعال انگیز مواد شیئر کیا گیا جو عوامی انتشار کا باعث بنا۔ صوبائی وزیر نے کہا کہ انتہاپسند سوچ اور گروہوں کے خلاف کارروائی کی جا رہی ہے، اور یہ کسی مذہب یا عقیدے کے خلاف نہیں بلکہ شدت پسندی کے خاتمے کے لیے اقدام ہے۔
لاہور دنیاکے آلودہ ترین شہروں کی فہرست میں پہلے نمبر پر آگیا
عظمیٰ بخاری نے کہا کہ زبردستی ہڑتال کرانے، دکانیں بند کروانے یا ٹرانسپورٹ روکنے کی کسی بھی کوشش پر سخت کارروائی کی جائے گی، اور ایسے اقدامات کرنے والوں پر دہشت گردی کے مقدمات درج ہوں گے۔ انتہاپسند تنظیموں کی تشہیر، پوسٹرز، فلیکس یا دیگر اشتہارات لگانے کی اجازت نہیں دی جائے گی۔ انہوں نے کہا کہ کوئی مسجد بند نہیں کی گئی، نماز جمعہ معمول کے مطابق ادا ہوگی۔
صوبائی وزیر اطلاعات نے بتایا کہ غیر قانونی افغانیوں اور مذہبی انتہاپسندوں کے بارے میں اطلاع دینے کے لیے شہری 15 پر کال کر سکتے ہیں، اور معلومات فراہم کرنے والے کا نام صیغہ راز میں رکھا جائے گا۔ انہوں نے کہا کہ پنجاب میں تمام غیر ملکی اور غیر قانونی افراد کے کاروبار اور رہائش سے متعلق تفصیلات جمع کی جا رہی ہیں، اور ہر ضلع میں ایسے افراد کو منتقل کرنے کے لیے مراکز قائم کیے جا رہے ہیں۔ کسی بھی غیر ملکی شہری کو پراپرٹی لیز یا کرائے پر دینا قانونی جرم ہے اور اس پر کارروائی ہو گی۔
برقعہ پوش خواتین قیمتی انگوٹھیوں کا باکس چوری کر کے فرار
عظمیٰ بخاری نے والدین پر زور دیا کہ وہ اپنے بچوں کی سرگرمیوں پر نظر رکھیں تاکہ وہ کسی غلط سرگرمی میں شامل نہ ہوں۔ انہوں نے کہا کہ کچھ جماعتوں نے اسلام کا نام استعمال کر کے غیر مسلموں کے ساتھ ظلم کیا، حالانکہ اسلام محبت، رواداری اور بھائی چارے کا مذہب ہے۔
انہوں نے کہا کہ پنجاب میں غیر قانونی اسلحہ کی کوئی گنجائش نہیں، ایسے سپلائرز کے خلاف کارروائی جاری ہے۔ صوبے سے غیر قانونی اسلحہ کا خاتمہ حکومت کا ہدف ہے، کیونکہ اتنے ہتھیاروں کے ہوتے امن قائم نہیں رہ سکتا۔ عظمیٰ بخاری کے مطابق مریم نواز کی ہدایت پر ایک پروسیکیوشن سیل قائم کیا گیا ہے جو نقصان کا مکمل تخمینہ لگائے گا، زخمیوں، چوری شدہ سامان اور تباہی کی تفصیلات مرتب کرے گا۔
پنجاب حکومت کا لاؤڈ سپیکر ایکٹ کا نفاذ لازمی اور مزید سخت کرنے کا فیصلہ
صوبائی وزیر نے بتایا کہ پنجاب میں دفعہ 144 نافذ کر دی گئی ہے۔ 10 لاکھ 12 ہزار سے زائد افراد کے پاس انفرادی اسلحہ لائسنس ہیں، 28 اسلحہ ڈیلرز کے لائسنس منسوخ کر دیے گئے ہیں، 37 ہزار اسلحہ لائسنس سیکیورٹی کمپنیوں اور 42 ہزار مختلف اداروں کے نام پر جاری ہیں۔ تمام لائسنس یافتہ اسلحہ کو خدمت مراکز میں رجسٹر کرانا لازمی ہے جبکہ غیر قانونی اسلحہ کسی بھی صورت برداشت نہیں کیا جائے گا اور اسے سرنڈر کرنا ہو گا۔
امریکا نے روس کی 2 بڑی تیل کمپنیوں پر پابندیاں عائد
انہوں نے کہا کہ سوشل میڈیا پر انتشار پھیلانے والوں کے خلاف زیرو ٹالرنس پالیسی اختیار کی گئی ہے۔ افغان یا کسی بھی غیر قانونی باشندے کو جلد ملک سے واپس بھیجا جائے گا۔ والدین کو چاہیے کہ اپنے بچوں کو ایسے کاموں سے روکیں جن کا نتیجہ سنگین ہو سکتا ہے۔ عظمیٰ بخاری نے کہا کہ انتہاپسند جماعت سے متعلق حتمی فیصلہ وفاقی حکومت جلد کرے گی۔
.
ذریعہ
ذریعہ: City 42
کلیدی لفظ: سٹی42 انہوں نے کہا کہ کے خلاف کسی بھی
پڑھیں:
سعودی ایپ ’ہُدہُد‘ عمرہ زائرین کے لیے جدید رہنما بن گئی، مکہ کے مذہبی و تاریخی مقامات تک رسائی آسان
سعودی عرب میں ڈیجیٹل ٹیکنالوجی کے فروغ کے ساتھ عمرہ زائرین کی سہولت کے لیے تیار کی گئی مقامی موبائل ایپ ’ہُدہُد‘ (Hudhud) مکہ مکرمہ کے مذہبی، تاریخی اور سیاحتی مقامات تک آسان رسائی کا مؤثر ذریعہ بن گئی ہے۔
عرب نیوز کے مطابق سال بھر دنیا بھر سے آنے والے لاکھوں عمرہ زائرین مکہ کی سڑکوں، گلیوں اور ٹریفک سے ناواقف ہونے کے باعث دشواری کا سامنا کرتے ہیں۔ اس ضرورت کو مدنظر رکھتے ہوئے تیار کی گئی ’ہُدہُد‘ ایپ متعدد زبانوں میں دستیاب ہے اور جدید ڈیجیٹل نقشوں اور نیویگیشن سسٹم کی مدد سے زائرین کو مطلوبہ مقام تک مختصر اور آسان راستہ فراہم کرتی ہے۔
حج و عمرہ امور کے ماہر سعد الجودی نے کہا کہ مقامی سطح پر تیار کی گئی نقشہ سازی اور نیویگیشن ایپس اب زائرین کو فراہم کی جانے والی خدمات کا اہم حصہ بن چکی ہیں۔ ان کے مطابق ’ہُدہُد‘ صرف راستہ دکھانے تک محدود نہیں بلکہ زائرین کو ایسے مذہبی، تاریخی اور ثقافتی مقامات سے بھی متعارف کراتی ہے جن کے بارے میں بہت سے لوگ پہلے سے آگاہ نہیں ہوتے۔
Digital innovation is rapidly reshaping Saudi Arabia’s Hajj and Umrah services sector, and Saudi application Hudhud is another front-runner https://t.co/VPqPcDtolP pic.twitter.com/AAvP5Im9wJ
— Arab News (@arabnews) July 23, 2026
انہوں نے کہا کہ سعودی عرب میں جاری ڈیجیٹل تبدیلی اب حجاج اور عمرہ زائرین کی روزمرہ سرگرمیوں میں واضح طور پر نظر آتی ہے، کیونکہ زیادہ تر مسافر اب اپنے اسمارٹ فون کے ذریعے سفر کی منصوبہ بندی اور رہنمائی حاصل کرتے ہیں۔ ان کے بقول اس طرح کی ایپس وژن 2030 کے اس مقصد کو بھی تقویت دیتی ہیں جس کا ہدف زائرین کے تجربے کو بہتر بنانا اور جدید ٹیکنالوجی سے بھرپور استفادہ کرنا ہے۔
پہلی بار مکہ آنے والے زائر سمیر المغربی نے بتایا کہ ’ہُدہُد‘ ایپ کی مدد سے وہ بغیر کسی مشکل کے متعدد تاریخی اور مذہبی مقامات تک پہنچنے میں کامیاب ہوئے۔ ان کا کہنا تھا کہ پہلے انہیں مختلف مقامات تلاش کرنے کے لیے انٹرنیٹ پر بار بار سرچ کرنا پڑتی یا لوگوں سے راستہ پوچھنا پڑتا تھا، لیکن اس ایپ نے نہ صرف ان کا وقت بچایا بلکہ انہیں زیادہ اطمینان کے ساتھ عبادت اور تاریخی مقامات کی زیارت کا موقع بھی فراہم کیا۔
یہ بھی پڑھیں:سعودی عرب اور امریکا کے درمیان جوہری توانائی کے پرامن استعمال پر معاہدہ
سعودی حکام کا کہنا ہے کہ جدید ڈیجیٹل سہولیات، اسمارٹ ایپس اور جدید نیویگیشن سسٹمز کے ذریعے حجاج اور عمرہ زائرین کو بہتر، محفوظ اور سہل سفری تجربہ فراہم کرنا مملکت کی ترجیحات میں شامل ہے، تاکہ دنیا بھر سے آنے والے زائرین کو مکہ مکرمہ میں عبادات اور مقدس مقامات کی زیارت کے دوران زیادہ سے زیادہ سہولت میسر آ سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب مکہ ہدہد ایپ
پاکستان نے ورلڈ کپ 2028 کیلیے براہ راست کوالیفائی کر لیا