کشمیری عوام ہر صورت آزادی حاصل کرکے رہیں گے، صدر آزاد کشمیر
اشاعت کی تاریخ: 23rd, October 2025 GMT
صدر آزاد جموں و کشمیر بیرسٹر سلطان محمود چوہدری نے ریاست کے یومِ تاسیس کے موقع پر قوم کے نام پیغام میں کہا ہے کہ کشمیری عوام کی جدوجہدِ آزادی ہر حال میں جاری رہے گی۔
یہ بھی پڑھیں: آزاد کشمیر کے 77ویں یوم تاسیس پر مظفرآباد میں 21 توپوں کی سلامی
صدر نے کہا کہ تحریکِ آزادی کو لاکھوں کشمیریوں نے اپنے خون سے سینچا ہے، بھارت نے ظلم و جبر کے ہر حربے آزمائے مگر کشمیریوں کے عزم کو توڑ نہیں سکا۔ انہوں نے کہا کہ کشمیری عوام کا جذبۂ حریت پہلے سے زیادہ مضبوط ہوا ہے اور وہ ہر صورت میں آزادی حاصل کر کے رہیں گے۔
صدر آزاد کشمیر نے کہا کہ ہم الحاقِ پاکستان کی منزل ضرور حاصل کریں گے اور شہداء کے مشن کو پایۂ تکمیل تک پہنچایا جائے گا۔ انہوں نے اقوامِ متحدہ کی قراردادوں کے مطابق مسئلہ کشمیر کے حل پر زور دیتے ہوئے عالمی برادری سے بھارتی مظالم کا نوٹس لینے کا مطالبہ کیا۔
یہ بھی پڑھیں: کشمیر بھارت جون 2025
بیرسٹر سلطان محمود چوہدری نے آپریشن بنیان المرصوص میں کامیابی پر پاک افواج کو خراجِ تحسین پیش کیا اور کہا کہ پاک افواج نے بھارت کے غرور کو خاک میں ملا دیا۔ انہوں نے اس عزم کا اظہار کیا کہ وہ دن دور نہیں جب کشمیر آزاد فضاؤں میں سانس لے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news بیرسٹر سلطان صدر آزاد کشمیر کشمیر یوم تاسیس.
ذریعہ
ذریعہ: WE News
پڑھیں:
دکانیں، بازار، شاپنگ مالز رات 9، ریسٹورنٹ 11 بجے تک کھلیں گے
اسلام آباد (نوائے وقت رپورٹ) نائب وزیراعظم اسحاق ڈار کی زیر صدارت کفایت شعاری کمیٹی کا اجلاس ہوا۔ بازار اور دکانیں بند کرنے کے اوقات کار تبدیل کر دیئے گئے۔ دکانوں اور کاروباری مراکز کے بند ہونے کے اوقات میں توسیع کافیصلہ کیا گیا ہے۔ دکانیں، بازار اور شاپنگ مالز رات 9بجے تک کھلے رہیں گے۔ ریسٹورنٹس رات 11 بجے تک کھلے رہیں گے۔ ٹیک اوے اور ڈلیوری سروسز ان اوقات کار سے مستثنیٰ ہوں گے۔ شادی ہالز رات 10بجے تک کھلے رہیں گے۔ فارمیسی‘ ہسپتال‘ پٹرول پمپس اوقات کار سے مستثنیٰ ہوں گے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ