سپریم کورٹ بار انتخابات، کے پی میں پی ٹی آئی حمایت یافتہ امیدواروں کی شکست پر خواجہ آصف کا طنزیہ ردِعمل
اشاعت کی تاریخ: 23rd, October 2025 GMT
پاکستان کے وزیر دفاع اور مسلم لیگ (ن) کے مرکزی رہنما خواجہ محمد آصف نے سپریم کورٹ بار ایسوسی ایشن کے حالیہ انتخابات میں خیبر پختونخوا کے تمام پولنگ اسٹیشنوں پر پاکستان تحریکِ انصاف (پی ٹی آئی) کے حمایت یافتہ امیدواروں کی شکست پر طنزیہ تبصرہ کیا ہے۔
سماجی رابطے کے پلیٹ فارم ایکس (X) پر جاری اپنے بیان میں خواجہ آصف نے کہا کہ
’یہ اس پارٹی کا حال ہے جس کی خیبر پختونخوا میں 13 سال سے حکومت ہے، اور جس کی قیادت وکلاء کے ہاتھ میں ہے۔‘
انہوں نے مزید لکھا کہ
’کالے کوٹ پارٹی پر چھا گئے ہیں۔ صوبائی حکومت کے مالک سیاستدان اور پارٹی کے مالک وکلاء، دونوں کے لیے یہ نتیجہ باعثِ ندامت اور شرم ہے۔‘
سپریم کورٹ بار کے الیکشن میں KP کے سارے پولنگ سٹیشنوں پہ PTI کے حمایت یافتہ الیکشن امیدواروں کوشکست ۔ یہ اس پارٹی کا حال ھے جسکی KPمیں 13سال سے حکومت ھے اور ساری قیادت وکلاء کے ھاتھ میں ھے۔ کالے کوٹ پارٹی پہ چھاۓ ھیں۔ صوبائ حکومت کے مالک سیاستدان اور پارٹی کے مالک وکلاء دونوں کے… pic.
— Khawaja M. Asif (@KhawajaMAsif) October 23, 2025
’یہ سب مل کر بانی کو … بنا رہے ہیں‘، خواجہ آصف کا اشارہخواجہ آصف نے اپنی پوسٹ میں ایک قومی اخبار میں شائع ہونے والی خبر کا عکس (اسکرین شاٹ) بھی شیئر کیا، جس میں خیبر پختونخوا کے مختلف پولنگ اسٹیشنوں پر پی ٹی آئی کی حمایت یافتہ وکلاء کی ناکامی کی تفصیلات دی گئی تھیں۔
اپنے پیغام کے اختتام پر وزیر دفاع نے طنزیہ انداز میں لکھا کہ
’یہ سب مل کر بانی کو … بنا رہے ہیں۔‘
جس سے انہوں نے پی ٹی آئی قیادت کی سیاسی گرتی ہوئی ساکھ کی طرف اشارہ کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ
ذریعہ: WE News
کلیدی لفظ: حمایت یافتہ خواجہ آصف پی ٹی آئی کے مالک
پڑھیں:
دوسرا ون ڈے: آسٹریلیا نے پاکستان کو 41 رنز سے شکست دے دی
لاہور(نیوز ڈیسک)تین ایک روزہ میچوں کی سیریز کے دوسرے میچ میں آسٹریلیا نے پاکستان کو 42 رنز سے شکست دے کر سیریز 1-1 سے برابر کردی۔
لاہور کے قذافی اسٹیڈیم میں کھیلے گئے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔
مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔
آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔
پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔
232 رنز کے ہدف کے تعاقب میں پاکستان کی پوری ٹیم 44 اوور میں 190 رنز بنا کر آؤٹ ہوگئی۔
پاکستان کی جانب سے شاداب خان نے ناٹ آؤٹ 71 رنز کی اننگ کھیلی۔ ان کے علاوہ غازی غوری نے 37 اور عرفات منہاس نے 33 رنز بنائے۔
آسٹریلیا کی جانب سے ناتھن ایلس نے 4 اور میتھیو شارٹ نے 3 کھلاڑیوں کو آؤٹ کیا۔
خیال رہےکہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
مزید پڑھیں۔سونے کی قیمت میں پھر ہوشربا اضافہ
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ