جنوبی افریقی ٹیم کو دھچکا، کپتان ڈیوڈ ملر اور جیرالڈ کوئیٹزی پاکستان کے خلاف سیریز سے باہر
اشاعت کی تاریخ: 23rd, October 2025 GMT
پاکستان کے خلاف وائٹ بال سیریز سے قبل جنوبی افریقی ٹیم کو بڑا دھچکا لگا ہے، ٹیم کے کپتان ڈیوڈ ملر اور فاسٹ بولر جیرالڈ کوئیٹزی انجری کے باعث سیریز سے دستبردار ہوگئے ہیں۔
یہ بھی پڑھیں: پاکستان اور جنوبی افریقہ کے مابین ٹی20 اور ون ڈے سیریز کے لیے ٹکٹس کا اعلان
جنوبی افریقا کرکٹ بورڈ کے مطابق ڈیوڈ ملر کو ہیمسٹرنگ انجری جبکہ جیرالڈ کوئیٹزی کو مسل انجری لاحق ہوئی ہے، جس کے باعث دونوں کھلاڑی پاکستان کے خلاف ٹی ٹوئنٹی اور ون ڈے میچز میں شرکت نہیں کریں گے۔
بیان میں کہا گیا کہ ٹی ٹوئنٹی اسکواڈ میں دونوں کی جگہ میتھیو بریٹزکی اور ٹونی ڈی زورزی کو شامل کیا گیا ہے، جب کہ ٹی ٹوئنٹی سیریز میں ڈیوڈ ملر کی جگہ ڈونوون فریرا جنوبی افریقی ٹیم کی قیادت کریں گے۔
یہ بھی پڑھیں: جنوبی افریقہ نے پاکستان کو دوسرے میچ میں 7 وکٹوں سے شکست دے کر ٹی20 سیریز جیت لی
ون ڈے اسکواڈ میں اوٹنیل بارٹمین کو جیرالڈ کوئیٹزی کے متبادل کے طور پر شامل کیا گیا ہے۔
واضح رہے کہ پاکستان اور جنوبی افریقا کے درمیان 3 ٹی 20 میچز کی سیریز کا آغاز 28 اکتوبر کو راولپنڈی اسٹیڈیم میں ہوگا، جب کہ 3 ون ڈے میچز پر مشتمل سیریز 4 نومبر سے شروع ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان جنوبی افریقہ جیرالڈ کوئیٹزی کپتان ڈیوڈ ملر کرکٹ وائٹ بال ون ڈے سیریز.ذریعہ: WE News
کلیدی لفظ: پاکستان جنوبی افریقہ کپتان ڈیوڈ ملر کرکٹ وائٹ بال ون ڈے سیریز ڈیوڈ ملر
پڑھیں:
ٹی20 ورلڈ کپ سے قبل کپتان سمیت متعدد تبدیلیوں کا فیصلہ ہوگیا؟ سلمان علی آغا نے تصدیق کردی
پاکستان کے ٹی20 انٹرنینشل کپتان سلمان علی آغا نے اشارہ دیا ہے کہ آئندہ آئی سی سی ٹی20 ورلڈ کپ 2026 سے قبل قومی اسکواڈ میں بڑے تبدیلیوں کا امکان نہیں ہے۔
پاکستان کرکٹ بورڈ کے پوڈکاسٹ میں گفتگو کرتے ہوئے سلمان علی آغا نے کہا کہ وہ میگا ایونٹ سے قبل کسی بڑی تبدیلی کی توقع نہیں رکھتے۔
’مجھے نہیں لگتا کہ ورلڈ کپ سے پہلے کوئی بڑی تبدیلی ہوگی۔ یہ وہی کمبی نیشن ہے جس کے ساتھ ہم آگے بڑھیں گے۔‘
ٹی20 ٹیم کے کپتان نے بتایا کہ تمام کھلاڑیوں کو ان کے کردار سونپ دیے گئے ہیں اور ٹیم اسی ڈھانچے کے ساتھ آگے بڑھے گی۔
آئی سی سی ٹی20 ورلڈ کپ 2026، جو بھارت اور سری لنکا کی مشترکہ میزبانی میں ہوگا، 7 فروری سے 8 مارچ تک شیڈول ہے۔
پاکستان گروپ اے میں بھارت، امریکا، نمیبیا اور نیدرلینڈز کے ساتھ شامل ہے۔
سلمان علی آغا نے کپتانی میں ممکنہ تبدیلی کی خبروں کو بھی مسترد کردیا۔ ’ابھی پاکستان ٹیم میری قیادت میں ٹی20 ورلڈ کپ میں حصہ لے گی۔‘
انہوں نے مزید کہا کہ ورلڈ کپ سے پہلے پاکستان کے 6 ٹی20 میچز باقی ہیں اور ان میچز میں مسلسل کارکردگی کلیدی ہوگی۔
’ہم ان 6 میچز میں بڑی تبدیلیاں نہیں کرسکتے، ہم نے اس گروپ کے ساتھ 6 ماہ کرکٹ کھیلی اور نتائج آنا شروع ہو گئے ہیں۔‘
سلمان علی آغا نے کہا کہ میگا ایونٹ سے قبل سری لنکا کے خلاف ٹی20 آئی سیریز سینیئر اور نوجوان کھلاڑیوں دونوں کےلیے فائدہ مند ہوگی۔
’سینیئر کھلاڑی سری لنکا کے حالات کو سمجھتے ہیں اور نئے کھلاڑی بھی قیمتی تجربہ حاصل کریں گے، یہ سیریز ہمارے لیے اہم ہے اور ہم اسے سنجیدگی سے لیں گے۔‘
سری لنکا کے دورے کے بعد پاکستان کی توقع ہے کہ وہ آسٹریلیا کی میزبانی میں ٹی20 سیریز کھیلے گا، جو 20 اوورز کے ورلڈ کپ سے کچھ دن پہلے اختتام پذیر ہوگی۔
ٹی20 کرکٹ ٹیم کے کپتان نے پاکستان کی کارکردگی پر اعتماد کا اظہار کرتے ہوئے کہا کہ بہتری کی گنجائش ابھی باقی ہے۔
’ٹیم صحیح راستے پر ہے، لیکن ابھی بہتری کی گنجائش موجود ہے۔ ہم چاہتے ہیں کہ پاکستان اس سطح تک پہنچے جہاں سب اسے دیکھنے کے خواہاں ہیں۔‘
سلمان علی آغا نے پاکستان کرکٹ کے لیے اپنی خواہشات کا بھی اظہار کیا اور کہا کہ وہ ٹی20 ورلڈ کپ 2026 جیتنا چاہتے ہیں اور پھر 2027 میں ون ڈے ورلڈ کپ بھی جیتنا چاہتے ہیں۔
’ٹی20 اور ون ڈے ورلڈ کپ جیتنا میرے خواب ہیں اور اگر یہ حقیقت بن جائیں تو میں بہت خوش ہوں گا۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سلمان علی آغا کرکٹ
بدقسمتی سے عددی اکثریت پر جو لوگ بیٹھے ہیں ان کو شہر کی فکر نہیں، علی خورشیدی