راولپنڈی: شہری کو برہنہ کرکے زنجیروں میں جکڑکر تشدد کےمعاملےمیں پولیس نے جائےوقوع کا نقشہ مرتب کرلیا
اشاعت کی تاریخ: 27th, October 2025 GMT
گوالمنڈی میں شہری کو برہنہ کرکے زنجیروں میں جکڑنے اور تشدد کے معاملے میں راولپنڈی پولیس کی تفتیشی ٹیم نے جائے وقوعہ کا دورہ کرکے نقشہ مرتب کرلیا۔
پولیس ذرائع نے کہا کہ تفتیشی ٹیم کی سربراہی انسپکٹر انوسٹگیشنزسٹی سرکل محمد عامر خالد کر رہے تھے، تفتیشی ٹیم نے متاثرہ شخص محمد حارث سے بھی ملاقات کی۔
پولیس ذرائع نے کہا کہ ملاقات میں تشدد کے واقعہ کے حوالے سے تفصیلات حاصل کی گئیں، متاثرہ شخص کا ڈی ایچ کیو اسپتال سے طبی معائنہ بھی کروایا گیا، طبی معائنہ کے دوران متاثرہ شخص کے جسم پر تشدد کے 19نشانات کی تصدیق ہو گئی۔
متاثرہ شخص کے ایک ہاتھ کی انگلی ٹوٹ کر دوبارہ جڑنے کی بھی تصدیق ہوگئی، پولیس ذرائع نے کہا کہ انگلی کی ہڈی درست نہ جڑنے پر سرجری کیئے جانے کا بھی امکان ہے، طبی معائنہ کے دوران متاثرہ شخص کے 28 مرتبہ ایکسرے کئے گئے۔
پولیس ذرائع کے مطابق راولپنڈی تشدد سے متاثرہ شخص کی مفصل میڈیکل رپورٹ ڈاکٹر جلد مرتب کرلیں گے۔
.ذریعہ: Express News
کلیدی لفظ: پولیس ذرائع متاثرہ شخص تشدد کے
پڑھیں:
ڈی جی ایف آئی اے، لاہور زون کا دورہ، انتظامی و تفتیشی امور کا جائزہ
لاہور(نیوز ڈیسک) ہائی پروفائل کیسز میں تاخیر، خصوصی رعایت ہرگز قبول نہیں، ڈائریکٹر جنرل ایف آئی اے رفعت مختار نے لاہور زون کا دورہ کیا اور زونل آفس میں انتظامی و تفتیشی امور کا تفصیلی جائزہ لیا۔
لاہور زون کے ڈائریکٹر کیپٹن (ر) محمد علی ضیاء نے ادارہ جاتی کارکردگی، زیر التواء معاملات اور جاری کارروائیوں سے متعلق بریفنگ دی۔
رفعت مختار نے ہدایت دی کہ زیر التواء انکوائریاں اور مقدمات جلد نمٹائے جائیں اور ہائی پروفائل کیسز میں کسی بھی قسم کی تاخیر یا خصوصی رعایت ہرگز قبول نہیں کی جائے گی۔
اس موقع پر ڈی جی ایف آئی اے نے افسران کی کارکردگی کو سراہتے ہوئے انہیں تعریفی اسناد سے بھی نوازا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر