سندھ بلڈنگ ،وسطی میں غیرقانونی تعمیرات کا عفریت، عوام کی شکایات نظر انداز
اشاعت کی تاریخ: 28th, October 2025 GMT
شہری احتجاج کے باوجود بغیر نقشہ و منظوری کمرشل پورشن یونٹ کی تعمیر کا سلسلہ جاری
ڈپٹی ڈائریکٹر کشن چند کی ملی بھگت سے نارتھ ناظم میں راتوں رات عمارتیں کھڑی
کراچی کے وسط میں قائم ضلع وسطی کے مقامی باشندوں کا کہنا ہے کہ تعمیراتی مافیا رات کی تاریکی میں غیرقانونی کام تیز کر دیتی ہے ۔ ایک رہائشی، احمد خان کے مطابق، ’’ایک خالی پلاٹ پر راتوں رات تعمیراتی مواد جمع ہو جاتا ہے اور چند ہی راتوں میں عمارت کا ڈھانچہ کھڑا ہو جاتا ہے ۔ ہماری شکایات کے باوجود نہ تو سندھ بلڈنگ کنٹرول اتھارٹی کی طرف سے کوئی کارروائی ہوتی ہے اور نہ ہی پولیس کوئی قدم اٹھاتی ہے۔ ’’بنیادی سہولیات اور حفاظتی خطرات سے دوچار شہریوں کا کہنا ہے کہ ان غیرقانونی تعمیرات کے باعث نہ صرف گلیاں تنگ ہو رہی ہیں بلکہ پانی، گیس اور بجلی کی لائنیں بھی متاثر ہو رہی ہیں۔ ایک بزرگ شہری، رخسانہ بی بی نے بتایا، ’’ان نئی عمارتوں میں مزید لوگ آ بسیں گے ، جس سے پہلے ہی کمزور بنیادی ڈھانچے پر مزید دباؤ پڑے گا۔ سڑکیں پہلے ہی کھدائی اور ٹریفک سے پُر ہیں، یہ نئی تعمیرات صورتحال کو مزید بدتر بنا رہی ہیں‘‘۔علاوہ ازیں، بغیر منظور شدہ نقشے کے تعمیر ہونے والی یہ عمارتیں زلزلے یا کسی دیگر آفت کے دوران بڑے حفاظتی خطرے کا باعث بن سکتی ہیں۔ زمینی حقائق اور جرأت سروے ٹیم کو حاصل ہونے والی معلومات کے مطابق ڈپٹی ڈائریکٹر کشن چند نے بھی دیگر افسران کی طرح بغیر نقشے اور منظوری کے نارتھ ناظم آباد کے رہائشی پلاٹوں پر کمرشل پورشن یونٹ کی تعمیر کی چھوٹ دے رکھی ہے ،بلاک Fکے پلاٹ نمبر D17, D51پر جاری خلاف ضابطہ تعمیرات کشن چند کی کرپشن کے زمین پر منہ بولتے ثبوت ہیں ،مقامی افراد کا مطالبہ ہے کہ متعلقہ حکام فوری طور پر اس غیرقانونی سرگرمیوں پر پابندی عائد کریں اور بنایا گیا غیرقانونی ڈھانچہ گرایا جائے ۔ تاہم، اب تک ان کی آواز رَسا نہیں ہو سکی ہے ۔
.ذریعہ: Juraat
پڑھیں:
انسانوں پر کام کی جگہ پر نظر انداز ہونے کا جذباتی اثر
ہماری زندگی بچپن سے جوانی کی طرف بڑھنے کے ساتھ ساتھ اسکول اور گھر سے کام کی جگہ کی طرف منتقل ہو جاتی ہے لیکن یہ وہ جگہ ہے جہاں بہت سے لوگ سب کے درمیان بھی تنہا محسوس کرتے ہیں۔
یہ بھی پڑھیں: ’اور کیسے ہیں؟‘ کے علاوہ بھی کچھ سوال جو آپ کو لوگوں کے قریب لاسکتے ہیں!
ڈان میں شائع ہونے والی ایک رپورٹ میں بتایا گیا ہے کہ لوگوں کو کام پر تنہائی کیوں محسوس ہوتی ہے۔
تنہائی کا مطلب صرف اکیلے رہنا نہیں۔ آپ ایک بھرے دفتر میں بھی محسوس کر سکتے ہیں کہ کوئی آپ کو نہیں دیکھ رہا یا آپ کی اہمیت نہیں سمجھ رہا۔
مزید پڑھیے: کیا سردیاں رومانس کا موسم لے آتی ہیں، اس دوران رومانٹک موڈ کے پیچھے کیا سائنس ہے؟
یہ احساس کبھی کبھار چھوٹے چھوٹے انداز میں ظاہر ہوتا ہے کہ وہ ساتھی جو باتیں مختصر کرتا ہے، وہ ساتھی جو اکیلے کھانا کھاتا ہے یا وہ شخص جو بظاہر ٹھیک لگتا ہے لیکن اندر سے جڑا ہوا محسوس نہیں کرتا۔
تنہائی کے اثراتکام کی جگہ پر تنہائی نہ صرف آپ کی پیداواریت پر اثر ڈال سکتی ہے بلکہ آپ کی خود اعتمادی، جذباتی سکون اور جسمانی صحت پر بھی اثر ڈالتی ہے۔
یہ احساس گھر واپس بھی جا سکتا ہے جس سے خاندان کے ساتھ وقت گزارنا مشکل ہو جاتا ہے۔
اپنائیت کی کمی یا تعلق کا فقدان (بیلونگنگ گیپ)انسان قدرتی طور پر چاہتا ہے کہ اس کی اہمیت گروپ میں سمجھی جائے۔
مزید پڑھیں: ’اسنیکٹویٹی‘: بیماریوں اور قبل از وقت موت کے خطرات ٹالنے والی یہ ترکیب کیا ہے؟
جب یہ احساس کم یا غائب ہو، دماغ اسے اہم چیز کھونے کے مترادف سمجھتا ہے، جس سے فکر، شک اور الگ تھلگ ہونے کا احساس پیدا ہوتا ہے۔
گھر سے کام کرنے میں آزادی ہوتی ہے لیکن بعض اوقات لوگ خاموشی سے الگ تھلگ محسوس کرتے ہیں۔
مائیکرو کنکشنزچھوٹے لیکن معنی خیز لمحات جیسے کسی ساتھی کا صبح پوچھنا کہ ’کیسا چل رہا ہے‘ یا مختصر بات چیت یہ سب احساس تعلق بڑھاتے ہیں۔
لیڈرز اور ساتھیوں کا کردارمختصر شکریہ کہنا، ملاقات سے پہلے چھوٹی بات کرنا یا کھانے یا کافی پر شامل کرلینا۔
ریموٹ ٹیمز کے لیےاس حوالے سے کچھ تجاویز یہ ہوسکتی ہیں کہ کیمرے آن کیے جائیں، ذاتی اپڈیٹس شیئر کی جائیں یا آرام سے چیک ان کیا جائے۔
اہم باتتنہائی کوئی ذاتی ناکامی نہیں۔ یہ انسانی ردعمل ہے جو ہر کسی کے ساتھ ہو سکتا ہے۔ تعلقات کی ضرورت ایک قدرتی انسانی ضرورت ہے۔
اگر آپ محسوس کر رہے ہیں کہ آپ تنہا ہیں تو کسی قابل اعتماد ساتھی سے بات کریں، گروپ ڈسکشن میں شامل ہوں یا اپنے مینیجر سے اپنی حالت کا ذکر کریں۔
کام کی جگہ پر چھوٹے قدم اٹھانے سے ماحول زیادہ گرم اور انسانی بن سکتا ہے اور پیداواریت بھی بہتر ہو جاتی ہے۔
یہ بھی پڑھیے: خوشی، محبت و دیگر جذبات کے ہارمونز کونسے، یہ ہمارے دماغ پر کیسے حکومت کرتے ہیں؟
انسان کو اپنے اور دوسروں کے جذبات پر دھیان دینا چاہیے اور اگر وہ خود کو تنہا محسوس کر رہا ہو تو آواز بلند کرنا پھر اس کا حق ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بیلونگنگ گیپ کام کی جگہ کام کی جگہ پر نظرانداز کیا جانا مائیکرو کنکشنز ورک پلیس
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر