کے آئی یو اور واہ یونیورسٹی کے مابین اکیڈمک شراکت داری کے معاہدے پر دستخط
اشاعت کی تاریخ: 28th, October 2025 GMT
معاہدے پر کے آئی یو کے وائس چانسلر پروفیسر ڈاکٹر عطاء اللہ شاہ اوریونیورسٹی آف واہ کے وائس چانسلر پروفیسر ڈاکٹر جمیل النبی نے دستخط کیے۔ اسلام ٹائمز۔ قراقرم انٹرنیشنل یونیورسٹی (کے آئی یو) اور یونیورسٹی آف واہ نے اکیڈمک شراکت داری کے لیے باہمی تعاون کے سمجھوتے پر دستخط کر دئے ہیں۔ شعبہ تعلقات عامہ کے آئی یو کے مطابق معاہدے پر کے آئی یو کے وائس چانسلر پروفیسر ڈاکٹر عطاء اللہ شاہ اوریونیورسٹی آف واہ کے وائس چانسلر پروفیسر ڈاکٹر جمیل النبی نے دستخط کیے۔ باہمی تعاون کے سمجھوتے پر دستخط کے حوالے سے منعقدہ تقریب میں وائس چانسلر کے آئی یو نے کہا کہ ہم یونیورسٹی آف واہ کی ٹیم کی مہمان نوازی اور تعاون کی قدر کرتے ہیں۔ انہوں نے کہا کہ کے آئی یو فیکلٹی اور طلبہ کے تبادلے جیسے شعبوں میں تعاون کی راہوں کو تلاش کرنے کے لیے بے تاب ہے جو تعلیمی تجربات کو بڑھائے گا اور ایک دوسرے کے کلچر کو سیکھنے کے مواقع فراہم کرے گا۔ تقریب میں یونیورسٹی آف واہ کے آفس آف ریسرچ، انوویشن اینڈ کمرشلائزیشن (اوریک) کے ڈائریکٹر نے یونیورسٹی کا تفصیلی تعارف پیش کیا اور ممکنہ شعبوں جیسے تحقیقاتی شراکت داری، نصابی ترقی اور وسائل کی اشتراک پر روشنی ڈالی۔
.
ذریعہ
ذریعہ: Islam Times
کلیدی لفظ: کے وائس چانسلر پروفیسر ڈاکٹر یونیورسٹی آف واہ کے آئی یو
پڑھیں:
گورنرخیبرپختونخوا فیصل کریم کنڈی کی وفاقی وزیر صحت مصطفیٰ کمال سے ملاقات، دینار ہسپتال ڈی آئی خان کیلئے ریڈیالوجی مشینری اور طبی آلات کی فراہمی پر تبادلہ خیال
اسلام آباد (اُردو پوائنٹ اخبارتازہ ترین - اے پی پی۔ 02 جون2026ء) گورنر خیبرپختونخوا فیصل کریم کنڈی نے وفاقی وزیر صحت مصطفیٰ کمال سے اسلام آباد میں ملاقات کی۔ منگل کو گورنر آفس سے جاری بیان کے مطابق ملاقات میں ڈی آئی خان کے دینار ہسپتال کے لیے ریڈیالوجی مشینری اور طبی آلات کی فراہمی پر تبادلہ خیال کیا گیا۔(جاری ہے)
اس موقع پر گورنر نے کہا کہ جنوبی اضلاع کے کینسر کے مریضوں کو شدید مشکلات کاسامنا ہے، وفاق طبی آلات کی فراہمی میں تعاون کرے جس پر وفاقی وزیر صحت مصطفیٰ کمال نے دینار ہسپتال کے لیے ضروری مشینری اور طبی آلات کی فراہمی کی یقین دہانی کرائی۔
گورنر نے کہا کہ وفاق صحت کے شعبے میں خیبرپختونخوا کے پسماندہ اور متاثرہ علاقوں پر خصوصی توجہ دے، دینار ہسپتال میں جدید طبی سہولیات کی فراہمی سے جنوبی اضلاع کے مریضوں کو ریلیف ملے گا۔ وفاقی وزیر مصطفیٰ کمال نے کہا کہ خیبر پختونخوا میں صحت کی سہولیات کی بہتری کے لیے ہرممکن تعاون کریں گے۔ ملاقات میں وفاق اور خیبرپختونخوا کے درمیان صحت کے شعبے میں تعاون مزید بڑھانے پر بھی اتفاق ہوا۔ خیبرپختونخوا اسمبلی میں پاکستان پیپلز پارٹی کے پارلیمانی لیڈر احمد کریم کنڈی بھی اس موقع پر موجود تھے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ