خود کوجعلی سینیٹر ظاہر کرکے انکےدوست سے رقم ہتھیانے والا نوسرباز گرفتار
اشاعت کی تاریخ: 28th, November 2025 GMT
اسلام آباد:(نیوزڈیسک)خود کو سینیٹر نیاز احمد ظاہر کرکے اصل سینیٹر نیاز احمد کے دوست سے رقم ہتھیانے والے نوسر باز کو گرفتار کرکے پیکا ایکٹ اور فراڈ و دھوکا دہی کے جرم میں مقدمہ درج کرلیا گیا۔
این سی سی آئی اے حکام کے مطابق سینیٹر نیاز احمد کی شکایت پر این سی سی آئی اے کے سائبر کرائم رپورٹنگ سینٹر اسلام آباد نے انکوائری کی تو انکشاف ہوا کہ صوابی سے تعلق رکھنے والے ملزم عبداللہ اقرار نے خود کو سینیٹر نیاز احمد ظاہر کیا اور واٹس ایپ کے ذریعے ان کے دوست سراج الدین سے رابطہ کرکے گمراہ کن و بے بنیاد معلومات فراہم کرکے دھوکے سے 30 ہزار روپے کی رقم ایزی پیسہ اکاؤنٹ میں حاصل کی۔
انکوائری میں واٹس ایپ نمبر اور ایزی پیسہ اکاونٹ و نمبر بھی ملزم کے اپنے نام پر رجسٹرڈ نکلا۔
ملزم کے خلاف واضح شواہد سامنے آئے تو مجاز اتھارٹی نے مقدمہ درج کرنے کے احکامات جاری کیے جس پر ملزم کے خلاف پیکا ایکٹ 2016 کی دفعہ 14 سمیت فراڈ و دھوکہ دہی کی دفعات 419 اور 420 ت پ کے تحت مقدمہ درج کرکے ملزم کو گرفتار کرلیا۔
سب انسپکٹر وسیم خان تفتیشی آفیسر مقرر ہیں جنہوں نے ملزم سے تفتیش کا آغاز کردیا ہے اور مزید انکشافات کی توقع ہے۔
.ذریعہ: Daily Mumtaz
پڑھیں:
اداکاراحمد رفیق اورماڈل قرۃالعین آزاد نے نکاح کرلیا
کراچی (نیوزڈیسک) ابھرتے اداکار احمد رفیق اور ابھرتی ہوئی ماڈل قرۃالعین آزاد نے خاموشی سے نکاح کرکے سب کو حیران کردیا۔
احمد رفیق کے ڈرامے ’میری بہوئیں‘ کے کردار کو کافی پسند کیا جا رہا ہے جب کہ اس سے قبل ’نقاب‘ میں بھی ان کے کردار کو سراہا گیا تھا۔
علاوہ ازیں احمد رفیق کے دوسرے کرداروں کو بھی پسند کیا گیا جب کہ ان سے نکاح کے بندھن میں بندھنے والی قرت العین آزاد بھی متعدد منصوبوں میں کام کر چکی ہیں۔
قرۃالعین آزاد گلوکار حسن رحیم کے گانے کی ویڈیو سمیت مختلف فیشن شوز میں بھی جلوہ گر ہو چکی ہیں۔
دونوں نے نکاح سے قبل کبھی ایک دوسرے سے تعلقات کا اشارہ نہیں دیا تھا لیکن دونوں کے نکاح کی تصاویر سامنے آنے پر جہاں ان کے مداح حیران دکھائی دیے، وہیں سب نے خوشی کا اظہار بھی کیا۔
اداکار احمد رفیق نے نکاح کی تصاویر شیئر کرتے ہوئے مختصر کیپشن میں بتایا کہ انہوں نے نکاح کرلیا۔
اداکار نے بعد ازاں شریک حیات کے ساتھ دوسری رومانوی تصاویر بھی شیئر کیں، جن پر شوبز شخصیات سمیت مداحوں نے کمنٹس کرتے ہوئے انہیں نکاح کرنے کی مبارک باد پیش کی۔
احمد رفیق اور قرۃالعین آزاد کو نکاح پر معروف اداکاروں نے بھی مبارک باد پیش کی اور ان کے لیے نیک خواہشات کا اظہار کیا۔
ماڈل قرۃالعین آزاد نے اگرچہ نکاح کی تصاویر فوری طور پر انسٹاگرام پر شیئر نہیں کیں، تاہم انہوں نے انسٹاگرام اسٹوریز میں اپنے نکاح کی وائرل ہونے والی تصایر کے دوسرے اکاؤنٹس کے لنکس شیئر کیے۔
احمد رفیق نے اگرچہ واضح کیا کہ انہوں نے نکاح کرکے نئی زندگی کا آغاز کردیا، تاہم انہوں نے یہ نہیں بتایا کہ وہ دلہن کو بیاہ کر لائیں ہیں یا ابھی رخصتی نہیں ہوئی؟
ترکیہ میں 1.48 تک کم شرح پیدائش خطرے کی گھنٹی ہے‘ اِردوان