علامہ راغب نعیمی مزید 3 سال کیلئے چیئرمین اسلامی نظریاتی کونسل مقرر
اشاعت کی تاریخ: 6th, December 2025 GMT
علامہ راغب نعیمی مزید 3 سال کیلئے چیئرمین اسلامی نظریاتی کونسل مقرر WhatsAppFacebookTwitter 0 6 December, 2025 سب نیوز
اسلام آباد (آئی پی ایس )علامہ راغب نعیمی کو مزید 3 سال کے لیے چیئرمین اسلامی نظریاتی کونسل مقرر کر دیا گیا۔وزارتِ قانون و انصاف نے علامہ راغب نعیمی کی تقرری کا نوٹیفکیشن جاری کر دیا۔علامہ راغب نعیمی کی مدت مکمل ہونے پر یہ عہدہ یکم نومبر 2025 کو خالی ہو گیا تھا۔جاری کیے گئے نوٹیفکیشن کے مطابق صدرِ مملکت آصف علی زرداری نے آئین کے آرٹیکل 228 کی شق 4 کے تحت ڈاکٹر راغب نعیمی کی تقرری کی منظوری دی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرغزہ جنگ بندی اسرائیلی فوج کے انخلا اور آزاد فلسطینی ریاست تک نامکمل ہے؛ قطر غزہ جنگ بندی اسرائیلی فوج کے انخلا اور آزاد فلسطینی ریاست تک نامکمل ہے؛ قطر وفاق کا سیاسی افراتفری پھیلانے والوں کیخلاف گھیرا تنگ، متعدد رہنما ای سی ایل میں شامل سکوٹی حادثہ، جاں بحق 2 لڑکیوں کے خاندانوں نے ملزم کو معاف کردیا اقوامِ متحدہ کے ماہرین نے مقبوضہ کشمیر میں بھارتی سفاکیت کا پردہ چاک کردیا افغان ڈیموکریٹک اپوزیشن نے خطے کو درپیش خطرات سے آگاہ کر دیا ، پاکستان کا شمسی انقلاب دنیا کے لیے مثال بن چکا ہے،وزیر توانائیCopyright © 2025, All Rights Reserved
رابطہ کریں ہماری ٹیم.ذریعہ: Daily Sub News
کلیدی لفظ: علامہ راغب نعیمی
پڑھیں:
اسرائیلی فوج کے مکمل انخلا تک غزہ میں جنگ بندی مکمل نہیں ہوگی، قطری وزیراعظم
قطر کے وزیراعظم شیخ محمد بن عبدالرحمٰن آل ثانی نے واضح کیا ہے کہ غزہ میں گزشتہ دو ماہ سے جاری جنگ بندی اُس وقت تک مکمل نہیں مانی جا سکتی جب تک امریکی اور اقوامِ متحدہ کی حمایت یافتہ امن منصوبے کے مطابق اسرائیلی فورسز فلسطینی علاقے سے پوری طرح واپس نہیں چلی جاتیں۔
دوحہ میں ہونے والے سالانہ دوحہ فورم سے خطاب میں انہوں نے کہا کہ ہم ایک نہایت نازک مرحلے میں داخل ہو چکے ہیں۔ “جنگ بندی کا حقیقی مطلب اسی وقت پورا ہوگا جب غزہ میں مکمل انخلا اور امن بحال ہو جائے گا۔”
امریکا، قطر اور مصر کی مشترکہ کوششوں سے 10 اکتوبر سے غزہ میں جنگ بندی نافذ ہے، جس کے دوسرے مرحلے میں اسرائیل کو اپنی پوزیشنیں خالی کرنی ہیں، عبوری انتظامیہ نے حکومت سنبھالنی ہے اور ایک بین الاقوامی استحکام فورس (ISF) کی تعیناتی ہونی ہے۔
تاہم عرب اور مسلم ممالک اب بھی اس فورس کا حصہ بننے پر تذبذب کا شکار ہیں، کیونکہ خدشہ ہے کہ انہیں فلسطینیوں کے خلاف کارروائیوں میں استعمال کیا جا سکتا ہے۔
ترکیہ کے وزیرِ خارجہ ہکان فدان نے فورم میں گفتگو کرتے ہوئے کہا کہ اس فورس کی قیادت، ڈھانچے اور رکن ممالک جیسے اہم معاملات ابھی تک طے نہیں ہو سکے۔ ان کا کہنا تھا کہ فورس کا اولین مقصد فلسطینیوں اور اسرائیلیوں کے درمیان فاصلہ پیدا کرنا ہونا چاہیے، پھر دیگر مسائل حل کیے جا سکتے ہیں۔
امریکی صدر ڈونلڈ ٹرمپ کے پیش کردہ 20 نکاتی منصوبے میں یہ شرط بھی شامل ہے کہ حماس کو غیر مسلح ہونا ہوگا۔ وہ ارکان جو ہتھیار ڈال دیں گے انہیں غزہ چھوڑنے کی اجازت ہوگی، تاہم حماس اس تجویز کو کئی بار مسترد کر چکی ہے۔
ترکیہ نے اشارہ دیا ہے کہ وہ استحکام فورس میں شامل ہونا چاہتا ہے، مگر اسرائیل اس پر ناخوش ہے کیونکہ اس کے خیال میں انقرہ حماس کے بہت قریب ہے۔
وزیراعظم قطر نے کہا کہ قطر، ترکیہ، مصر اور امریکا مل کر اگلے مرحلے کے لیے فضا ہموار کر رہے ہیں، لیکن ان کے مطابق یہ اگلا مرحلہ بھی عارضی ہوگا۔ انہوں نے زور دیا کہ صرف گزشتہ دو سال کے واقعات کا حل کافی نہیں، دونوں قوموں کے لیے انصاف پر مبنی پائیدار حل ناگزیر ہے۔
فورم کے موقع پر مصری وزیرِ خارجہ بدر عبدالعاطی نے بھی قطری وزیراعظم سے ملاقات کی، جس میں غزہ کی زمینی صورتحال اور جنگ بندی پر عملدرآمد پر بات ہوئی۔ مصر نے اعلان کیا ہے کہ وہ غزہ کے لیے 5 ہزار پولیس اہلکاروں کو تربیت دے گا اور استحکام فورس میں اپنے دستے بھیجنے پر غور کر رہا ہے۔
چیف آف ڈیفنس فورسز کا نوٹیفکیشن جلد جاری ہوگا، وزیر دفاع کا اعلان