ڈیموکریٹک فریڈم پارٹی کا شبیر احمد شاہ کی درخواست ضمانت ملتوی کرنے پر اظہار تشویش
اشاعت کی تاریخ: 15th, December 2025 GMT
انہوں نے کہا کہ اس طرح کی تاخیر کشمیری نظربندوں سے متعلق مقدمات میں بھارتی عدالتوں کے متعصبانہ اور امتیازی رویے کی عکاسی کرتی ہے۔ اسلام ٹائمز۔ غیرقانونی طور پر بھارت کے زیر قبضہ جموں و کشمیر میں ڈیموکریٹک فریڈم پارٹی نے دہلی ہائی کورٹ کی طرف سے اپنے نظربند چیئرمین شبیر احمد شاہ کی درخواست ضمانت ملتوی کئے جانے پر شدید تشویش کا اظہار کرتے ہوئے اسے کیس کو طول دینے کی دانستہ کوشش قرار دیا ہے۔ ذرائع کے مطابق ڈی ایف پی کے ترجمان ایڈوکیٹ ارشد اقبال نے سرینگر سے جاری ایک بیان میں کہا کہ شبیر شاہ کی درخواست ضمانت پر بار بار التوا ایک پرانہ ہتھکنڈا ہے جس کا مقصد کشمیری سیاسی رہنمائوں کو بروقت عدالتی ریلیف کے بغیر سلاخوں کے پیچھے رکھنا ہے۔ انہوں نے کہا کہ اس طرح کی تاخیر کشمیری نظربندوں سے متعلق مقدمات میں بھارتی عدالتوں کے متعصبانہ اور امتیازی رویے کی عکاسی کرتی ہے۔ ترجمان نے کہا کہ منصفانہ اور فوری فیصلے کے بغیر طویل نظربندی کشمیری رہنمائوں کو ان کے سیاسی نظریے کی سزا دینے کا ایک ہتھکنڈا بن گیا ہے، جبکہ انہیں ملکی اور بین الاقوامی قوانین کے تحت حاصل بنیادی قانونی حقوق سے محروم رکھا جا رہا ہے۔ انہوں نے کہا کہ بھارتی عدالتیں غیر جانبدارانہ طور پر انصاف فراہم کرنے کے بجائے سرکاری بیانیے کی ترجمان بنی ہوئی ہیں اور وہ قانونی عمل کو سیاسی جبر کے آلات میں تبدیل کر رہی ہیں۔
ارشد اقبال نے کہا کہ مقبوضہ جموں و کشمیر میں مجموعی صورتحال بدستور ابتر ہے، ہزاروں سیاسی کارکن اور نوجوان جیلوں میں بند ہیں جن میں بہت سے کالے قوانین کے تحت جموں و کشمیر سے باہر بھارت کی جیلوں میں بند ہیں۔ انہوں نے کہا کہ کشمیری نظربندوں کو غیر انسانی سلوک اور طبی امداد سمیت بنیادی سہولیات سے محرومی کا سامنا ہے جس کا مقصد ان کے حوصلے پست کرنا ہے۔ انہوں نے کہا کہ مشکلات کا سامنا صرف نظربندوں تک ہی محدود نہیں بلکہ ان کے اہلخانہ باالخصوص عمر رسیدہ والدین، خواتین اور بچے محدود رسائی، مہنگے سفری اخراجات اور اپنے پیاروں کی خیریت کے حوالے سے مسلسل غیر یقینیت کی وجہ سے شدید جذباتی، مالی اور نفسیاتی صدمے برداشت کرنے پر مجبور ہیں۔
ڈی ایف پی کے ترجمان نے اقوام متحدہ سمیت انسانی حقوق کی بین الاقوامی تنظیموں سے اپیل کی کہ وہ مقبوضہ جموں و کشمیر میں انسانی حقوق کی سنگین خلاف ورزیوں کا سنجیدہ نوٹس لیں اور بھارت پر متنازعہ علاقے میں جبری نظربندیاں ختم کرنے، کشمیری سیاسی قیدیوں کے منصفانہ اور بروقت ٹرائل کو یقینی بنانے اور بین الاقوامی قوانین کی پاسداری کے لیے دبائو ڈالیں۔
ذریعہ
ذریعہ: Islam Times
کلیدی لفظ: انہوں نے کہا کہ
پڑھیں:
پنجاب میں پہلی مرتبہ سیلاب کی پیشگی اطلاع کیلئے ڈرون مانیٹرنگ کا آغاز
پنجاب میں پہلی مرتبہ سیلاب کی پیشگی اطلاع کےلیے ڈرون مانیٹرنگ شروع کردی گئی ہے۔ ترجمان پنجاب حکومت کا کہنا ہے ڈرون مانیٹرنگ سے سیلابی ریلے کی آمد کی نشاندہی ممکن ہوگی۔
ترجمان پنجاب حکومت کے مطابق وزیراعلیٰ مریم نواز کی ہدایت پر تمام بیراجوں، دریاؤں اور ہیڈ ورکس کی ڈرون سرویلنس شروع کردی گئی ہے۔
انہوں نے بتایا کہ تریموں بیراج میں ڈرون سرویلنس کے دوران واٹر لیول نارمل پایا گیا، پاکپتن میں دریائے راوی اور ستلج میں بھی واٹر لیول کی ڈرون مانیٹرنگ کی گئی۔
ان کا کہنا تھا کہ سرگودھا میں دریائے چناب کے طالب والا پل پر ڈرون مانیٹرنگ میں پانی کا بہاؤ نارمل پایا گیا۔ ہیڈسدھنائی پر ڈرون مانیٹرنگ سے پانی کے بہاؤ کا جائزہ لیا گیا۔
ترجمان پنجاب حکومت کے مطابق ہیڈ مرالہ میں ڈرون سرویلنس کے دوران پانی کا بہاؤ ایک لاکھ 74 ہزار کیوسک ریکارڈ کیا گیا۔ منڈی بہاؤالدین کے رسول بیراج پر بھی پانی کا مانیٹر کیا گیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار