قال اللہ تعالیٰ وقال رسول اللہ ﷺ
اشاعت کی تاریخ: 21st, January 2025 GMT
اور جنہوں نے فسق اختیار کیا ہے اْن کا ٹھکانا دوزخ ہے جب کبھی وہ اس سے نکلنا چاہیں گے اسی میں دھکیل دیے جائیں گے اور ان سے کہا جائے گا کہ چکھو اب اْسی آگ کے عذاب کا مزا جس کو تم جھٹلایا کرتے تھے۔ اْس بڑے عذاب سے پہلے ہم اِسی دنیا میں (کسی نہ کسی چھوٹے) عذاب کا مزا اِنہیں چکھاتے رہیں گے، شاید کہ یہ (اپنی باغیانہ روش سے) باز آ جائیں۔ اور اْس سے بڑا ظالم کون ہو گا جسے اس کے رب کی آیات کے ذریعہ سے نصیحت کی جائے اور پھر وہ ان سے منہ پھیر لے ایسے مجرموں سے تو ہم انتقام لے کر رہیں گے۔ (سورۃ السجدۃ:20تا22)
ابوبرزہ اسلمی راوی ہیں رسول اللہ صلی اللہ علیہ وسلم نے ارشاد فرمایا: تم مسلمانوں کی غیبت نہ کیا کرو اور نہ ان کے پوشیدہ عیبوں کے پیچھے پڑا کرو کیوںکہ جو کسی کی عزت کے پیچھے پڑ جاتا ہے تو اللہ اس کی عزت کے پیچھے پڑ جاتا ہے اور جس کی عزت کے پیچھے اللہ پڑجائے تو وہ اس کو گھر میں رسوا کر دیتا ہے۔ (ابوداؤد) ٭ سیدنا ابن عباس رضی اللہ عنہما سے بیان کیا کہ رسول اللہ صلی اللہ علیہ وسلم نے فرمایا میری امت کے ستر ہزار لوگ بے حساب جنت میں جائیں گے۔ یہ وہ لوگ ہوں گے جو جھاڑ پھونک نہیں کراتے نہ شگون لیتے ہیں اور اپنے ربّ ہی پر بھروسا رکھتے ہیں۔ (صحیح بخاری)
.ذریعہ: Jasarat News
کلیدی لفظ: کے پیچھے
پڑھیں:
سی پیک کی 14ویں جے سی سی ایک تاریخی موڑ ،نئے منصوبوں شامل کئے جائیں گے؛ احسن اقبال
سٹی 42 : وزیر منصوبہ بندی و ترقی پروفیسر احسن اقبال نے کہا ہے کہ سی پیک فیز ٹو کا مقصد پاکستان کی سب سے بڑی طاقت یعنی عوام کو بااختیار بنا کر معیشت کے “سافٹ ویئر” کو مضبوط کرنا ہے ،ے سی سی پیک کا سب سے اعلیٰ فیصلہ ساز فورم ہے۔
وزیر منصوبہ بندی و ترقی پروفیسر احسن اقبال کل بیجنگ میں 14 ویں جوائنٹ کوآپریشن کمیٹی میں پاکستان کی نمائندگی کریں گے۔ پروفیسر احسن اقبال نےکہا ہے کہ جے سی سی سی پیک کا سب سے اعلیٰ فیصلہ ساز فورم ہے ،جے سی سی میں سی پیک فیز ٹو کے منصوبوں کا جائزہ لیا جائے گا ،سی پیک کی 14ویں جے سی سی ایک تاریخی موڑ ہے،14 ویں جے سی سی میں نئے منصوبوں اور تعاون کے نئے شعبے شامل کیے جائیں گے، 14 ویں جے سی سی پیک فیز ٹو کے آغاز کا پلیٹ فارم ہے : جے سی سی میں سی پیک کے اگلے مرحلے کا باضابطہ آغاز ہوگا، جے سی سی میں سی پیک کو حقیقی معنوں میں عوامی خوشحالی کی راہداری میں بدل رہے ہیں۔
آسٹریلوی کرکٹر ایلکس کیری کے والد چل بسے
وزیر منصوبہ بندی و ترقی نےمزید کہا کہ سی پیک 2 میں نوجوان مرکزی کردار میں، عوام رہنما، برآمدات محرک قوت ہوں گے ،سی پیک فیز ٹو نوجوانوں کی صلاحیتوں، ہنر اور جدت پر مبنی ہوگا،پاکستان اور چین اپنی تاریخی شراکت داری کے اگلے مرحلے میں داخل ہو رہے ہیں،پاکستان اور چین کی شراکت داری خطے میں امید اور خوشحالی کی ضمانت ہے ،سی پیک 2.0 محض ایک انفراسٹرکچر پروگرام نہیں، یہ جامع ترقی اور عالمی مسابقت کے لیے ایک اقدام ہے۔
سعودی عرب میں مقیم پاکستانیوں کیلئے خصوصی سہولت کا اعلان
صدر ٹرمپ کے گولڈ اور پلاٹینم کارڈز کیا ہیں اور اس سے کون فائدہ اٹھا سکتا ہے؟