بھارت کو منہ توڑ جواب کے بعد خواجہ آصف نے دلچسپ میمز شیئر کردیں
اشاعت کی تاریخ: 8th, May 2025 GMT
---فائل فوٹو
وفاقی وزیرِ دفاع خواجہ آصف سوشل میڈیا کا بھرپور فائدہ اٹھاتے ہوئے میم گیم میں اپنی نوجوان نسل کے شانہ بشانہ کھڑے ہوگئے۔
پاکستان اور بھارت کے درمیان کشیدگی کے شروع ہوتے ہی پاکستانیوں نے بھارتیوں کو میمز کے ذریعے ان کی اوقات یاد دلانا شروع کردی تھی۔
جہاں پاکستانی ’کی بورڈ واریئرز‘ یہ میم گیم جیتتے نظر آئے وہیں پاک فوج نے بھی بھارتی ہوائی حملوں کا ایسا جواب دیا کہ پڑوسی ملک کے سوشل میڈیا صارفین میمز بنانا بھول گئے۔
ایسے میں پاکستان کے وزیرِ دفاع بھی جنگی میدان کے بعد سوشل میڈیا پر بھارتیوں کو ناک چڑھاتے نظر آئے۔
خواجہ آصف نے گزشتہ روز اپنے سوشل میڈیا اکاؤنٹس پر دو میمز شیئر کیں جنہوں نے بھارتیوں کو آئینہ دکھایا اور پاکستانیوں کو خوب محظوظ کیا۔
خواجہ آصف کی جانب سے شیئر کی گئی ایک اے آئی پر مبنی میم میں بھارتی وزیر اعظم نریندر مودی کو اپنے طیاروں کا ملبہ سائیکل پر اٹھائے لے جاتے ہوئے دیکھا گیا ہے۔
دوسری میم میں فرانس کو اپنے رافیل جنگی طیارے کو بھارتی نکمی فوج کے ہاتھوں فیل ہونے پر بھارتی فوج کے ہیڈکرارٹر کے باہر جوتا لیے کھڑا دکھایا گیا ہے۔
یاد رہے کہ پاکستان کی جانب سے 3 بھارتی رافیل لڑاکا طیارے مار گرائے جانے سے بھارت کے سیکیورٹی اور دفاعی نظام کو اسٹریٹجک، نفسیاتی اور سفارتی سطح پر ایک بڑا دھچکا لگا ہے۔
وفاقی وزیرِ دفاع خواجہ آصف نے پاک بھارت کے درمیان جاری کشیدگی کے درمیان بھارت کو دو ٹوک جواب دیتے ہوئے دلچسپ ویڈیو شیئر کی ہے۔
سرکاری ذرائع کے مطابق کامیاب کارروائی پاک فضائیہ کےلیے ایک اہم سنگ میل کی حیثیت رکھتی ہے جبکہ بھارت کےلیے یہ صورتحال فضائی دفاعی تیاری اور کارروائیوں کے طریقہ کار میں سنگین خامیوں کی نشاندہی کرتی ہے۔
.
ذریعہ
ذریعہ: Jang News
کلیدی لفظ: سوشل میڈیا خواجہ ا صف بھارت کے
پڑھیں:
’مضبوط رہیں‘، ریپر طلحہ انجم کا بھارتی طلبا کے ساتھ اظہارِ یکجہتی
پاکستان کے معروف ریپر اور گلوکار طلحہ انجم نے نئی دہلی میں تعلیمی نظام کے خلاف احتجاج کرنے والے بھارتی طلبا سے اظہارِ یکجہتی کرتے ہوئے ان کے حوصلے اور ثابت قدمی کو سراہا ہے۔ انہوں نے طلبا پر ہونے والی پولیس کارروائی کے بعد ایک پیغام جاری کرتے ہوئے کہا کہ وہ ان کے غصے اور احساسات کو بخوبی سمجھتے ہیں۔
طلحہ انجم نے اپنی انسٹاگرام اسٹوری پر بھارتی طلبا کے احتجاج کی ایک ویڈیو شیئر کی، جس میں مظاہرین پر آنسو گیس اور لاٹھی چارج ہوتے دکھایا گیا۔ ویڈیو کے ساتھ انہوں نے لکھا کہ ’بھارت کے طلبا مظاہرین کے نام، مجھے آپ کی ثابت قدمی کا بے حد احترام ہے، میں آپ کی مایوسی اور غصے کو سمجھ سکتا ہوں، اور یہ بھی جانتا ہوں کہ آپ کے ساتھ کیا کیا جا رہا ہے، مضبوط رہیں۔‘
طلحہ انجم پاکستان کے سب سے زیادہ سنے جانے والے موسیقاروں میں شمار ہوتے ہیں اور اسٹریمنگ پلیٹ فارم اسپاٹیفائی پر ان کی مقبولیت کئی ریکارڈ قائم کر چکی ہے۔ بھارت میں بھی ان کے مداحوں کی بڑی تعداد موجود ہے۔ گزشتہ برس نیپال میں ایک کنسرٹ کے دوران ایک مداح کی جانب سے بھارتی پرچم پیش کیے جانے پر وہ خبروں میں آئے تھے، بعد ازاں انہوں نے پاکستان میں اس معاملے پر وضاحت بھی کی تھی۔
سماجی اور انسانی مسائل پر کھل کر مؤقف اختیار کرنے والے طلحہ انجم اس سے قبل بھی کئی معاملات پر آواز بلند کر چکے ہیں۔ اپریل میں صومالیہ کے ساحل کے قریب قزاقوں کے قبضے میں جانے والے پاکستانی ملاحوں کی رہائی کے لیے انہوں نے حکومت سے مؤثر اقدامات کا مطالبہ کیا تھا اور وزارتِ خارجہ سے متاثرہ خاندانوں کے لیے مستقل ہیلپ لائن قائم کرنے کی اپیل بھی کی تھی۔
دوسری جانب بھارت میں تعلیمی امتحانات کے مبینہ پیپر لیکس کے خلاف احتجاج کا سلسلہ گزشتہ ماہ سے جاری ہے۔ کاکروچ جنتا پارٹی (CJP) کے پلیٹ فارم سے ہونے والے اس دھرنے میں طلبہ وزیرِ تعلیم دھرمیندر پردھان کے استعفے اور تعلیمی نظام میں اصلاحات کا مطالبہ کر رہے ہیں۔ حالیہ دنوں پارلیمنٹ کی جانب مارچ کی کوشش کے دوران پولیس نے مظاہرین کو روکنے کے لیے طاقت کا استعمال کیا، جس کے نتیجے میں متعدد افراد زخمی ہوئے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی