وزیر دفاع خواجہ آصف نے بھارت کے ساتھ مکمل جنگ کا خدشہ ظاہر کردیا
اشاعت کی تاریخ: 8th, May 2025 GMT
اسلام آباد(نیوز ڈیسک)امریکی نیوز آؤٹ لیٹ ’سی این این‘ کو انٹرویو میں خواجہ آصف دوٹوک پیغام دیا کہ پاکستان کشیدگی بڑھانا نہیں چاہتا، لیکن بھارت صورتحال مزید سنگین بنائے جارہا ہے، اس میں کوئی شک نہیں کہ پاکستان ایک مکمل جنگ کے لیے بھرپور طریقے سے تیار ہے۔
انہوں نے کہا کہ پاک بھارت تنازع ایک مکمل جنگ کی شکل اختیار کرسکتا ہے، بھارت نے بین الاقوامی سرحدی خلاف ورزی کرکے صورتحال مزید سنگین بنائی اور دہلی سرکار مسلسل کشیدگی بڑھارہی ہے۔
وزیر دفاع نے کہا کہ اس میں کوئی شک نہیں کہ ہم ایک مکمل جنگ کے لیے بھرپور طریقے سے تیار ہیں، ہم کشیدگی بڑھانا نہیں چاہتے لیکن بھارت مسلسل ایسے اقدامات کر رہا ہے، جن سے تنازعات میں اضافہ ہو۔
واضح رہے کہ 22 اپریل 2025 کو پہلگام میں سیاحوں کی ہلاکت کے بعد بھارت نے 6 اور 7 مئی کی درمیانی شب، اندھیرے میں پاکستان کے شہری علاقوں پر حملہ کرکے طبل جنگ بجادیا تھا۔
بھارتی حملے کے بعد پاکستان کی مسلح افواج نے بزدلانہ حملے کا منہ توڑ جواب دیتے ہوئے بھارتی فضائیہ کے 3 رافیل طیاروں سمیت 5 جنگی طیارے مارے گرائے، جب کہ ایک بریگیڈ ہیڈکوارٹر سمیت متعدد فوجی چیک پوسٹوں کو تباہ کردیا تھا، بھارتی فوج نے ایل اوسی کے چورا کمپلیکس پر سفید جھنڈ الہرا کر شکست تسلیم کرلی تھی۔
اس کے علاوہ قومی سلامتی کمیٹی نے پاک فوج کو جوابی کارروائی کے لیے اجازت اور مکمل اختیارات دے دیے ہیں، پاکستان نے بھارت کے حملے کا بھرپور جواب دینے کے عزم کا اظہار کیا ہے۔
بھارت کے ساتھ حالیہ کشیدگی کے باعث لاہور میں تعلیمی ادارے بند
.ذریعہ: Daily Ausaf
پڑھیں:
بھارت کے ساتھ تصادم ناگزیرہوگیا، وزیر دفاع خواجہ آصف
اسلام آباد(ڈیلی پاکستان آن لائن)وفاقی وزیر دفاع خواجہ آصف نے بھارت کو واضح پیغام دیتے ہوئے کہاہے کہ بھارت کے ساتھ تصادم ناگزیرہوگیا،کسی بھی وقت ہوسکتاہے، بھارت نے پاکستان کے اندر آنے کی کوشش کی تو گھر پہنچا کر آئیں گے ۔
وزیردفاع خواجہ آصف کا کہناتھا کہ بھارت نے پاکستان کے اندر آنے کی کوشش کی تو گھر پہنچا کرآئیں گے، ہماری سر زمین کے ٹکڑے پر قبضے کی حکمت عملی بھارت کو مہنگی پڑے گی، بھارتی رافیل طیارے سرحد کے بہت قریب آئے تھے لیکن ان کا سسٹم جام ہو گیا۔انہوں نے کہا کہ ہم نے بھارت کے ہر اقدام کا سدباب کیا ہوا ہے، بھارت کی تمام تیاریاں ہماری نظر میں ہیں،مسلسل نگرانی کر رہے ہیں، ہم ہاتھ پر ہاتھ رکھ کر نہیں بیٹھے،ہماری پوری تیاری ہے، بھارت نے پانی روکنے کیلئے تعمیرات کیں تو انہیں تباہ کر دیں گے، پاکستان میں کوئی جنگی ماحول اورخوف نہیں۔
ستاروں کی روشنی میں آپ کا آج ( بدھ) کا دن کیسا رہے گا ؟
مزید :
بارش کے دوران حادثات میں بچے سمیت 6 افراد جاں بحق