بھارتی ڈرون حملوں کے بعد ملکی فضائی آپریشن محدود، 450 پروازیں متاثر
اشاعت کی تاریخ: 9th, May 2025 GMT
پاک بھارت کشیدگی کے بعد فضائی آپریشن محدود ہوگیا، لاہور، اسلام آباد اور کراچی سمیت دیگر ایئر پورٹس سے اندرون اور بیرون ممالک جانے والی 450 پروازیں متاثر ہوئیں۔
بھارت کی جانب سے ڈرون حملوں کے بعد لاہور، اسلام آباد اور کراچی سمیت دیگر ایئر پورٹس سے اندرون اور بیرون ممالک جانے والی 450 پروازیں متاثر ہوئیں۔
ایوی ایشن ذرائع کے مطابق حاجیوں کی پروازوں سمیت دبئی، دوحہ، شارجہ، کوالالمپور، مدینہ منورہ اور ریاض سمیت کراچی، اسلام آباد اور لاہور آنے اور جانے والی 150 پروازیں اب تک منسوخ ہو چکی ہیں۔
پاکستان ایئر پورٹ اتھارٹی کی طرف سے اچانک لاہور، سیالکوٹ، اسلام آباد، ملتان اور کراچی کی فضائی حدود بند کرنے اور کھولنے سے ہزاروں مسافروں کو مشکلات کا سامنا ہے جبکہ ملکی اور غیر ملکی ایئر لائنز کی درجنوں پروازیں ری شیڈول کرنا پڑی ہیں۔
علامہ اقبال انٹرنیشنل ایئرپورٹ سے روزانہ 50 سے زائد پروازوں کی آمدورفت ہوتی ہے، یہاں سے جانے اور آنے والی 80 فیصد پروازیں متاثر ہوئیں۔
پاکستان ایئر پورٹ اتھارٹی اور پی آئی اے سمیت دیگر ائیر لائنز نے مسافروں سے کہا ہے کہ ایئر پورٹ آنے سے قبل پروازوں کی معلومات لے کر آئیں۔
لاہور کی فضائی حدود کی بار بار بندش سے حاجیوں کو بھی مشکلات کا سامنا ہے۔
پاکستان میں تمام ایئرپورٹس پر فلائٹ آپریشن معمول کے مطابق جاری
پاکستان میں تمام ایئرپورٹس پر فلائٹ آپریشن معمول کے مطابق جاری ہے جبکہ کراچی اور لاہور کی فضائی حدود میں کچھ روٹس بند ہیں، روٹس آپریشنل وجوہات کی بنا پر 31 مئی تک بند ہیں۔
کراچی کے جناح انٹرنیشنل ایئرپورٹ پر فلائٹ آپریشن فوری طور پر بحال
کراچی کے جناح انٹرنیشنل ایئرپورٹ پر فلائٹ آپریشن فوری طور پر بحال کر دیا گیا جبکہ دیگر تمام بڑے ایئرپورٹس بدستور فلائٹ آپریشن کے لئے دستیاب ہیں۔
پاکستان ایئرپورٹس اتھارٹی کی جانب سے جاری اعلامیے کے مطابق کراچی کے جناح انٹرنیشنل ایئرپورٹ پر فلائٹ آپریشن فوری طور پر بحال کردیا گیا ہے۔
اعلامیے میں کہا گیا ہے کہ ملک کے دیگر تمام بڑے ایئرپورٹس بدستور فلائٹ آپریشن کے لیے دستیاب ہیں۔
اتھارٹی نے مسافروں کو ہدایت کی ہے کہ وہ اپنی فلائٹس سے متعلق ایئرلائن سے رابطہ کریں اور بروقت آگاہی حاصل کریں۔
قبل ازیں پی اے اے نے شام کے وقت کراچی ایئرپورٹ پر فلائٹ آپریشن کی معطلی کے حوالے سے نوٹم جاری کیا تھا، جس میں کہا گیا تھا کہ کراچی ایئرپورٹ رات 12 بجے تک فلائٹ آپریشن کے لیے بند رہے گا۔
دوسری جانب لاہور کی فضائی حدود میں بند کیے گئے روٹس پر بھی فضائی آپریشن بحال کر دیا گیا ہے۔
ذرائع کے مطابق پی اے اے نے جمعرات کی صبح لاہور کی فضائی حدود میں متعدد فضائی روٹس بند کر دیے تھے۔
ائیر پورٹس اتھارٹی کے ترجمان کا کہنا ہے کہ ملک کے دیگر تمام بڑے ائیرپورٹس فلائٹ آپریشن کے لیے دستیاب ہیں۔
Post Views: 2.ذریعہ: Daily Mumtaz
کلیدی لفظ: لاہور کی فضائی حدود انٹرنیشنل ایئرپورٹ ایئرپورٹ پر فلائٹ پر فلائٹ آپریشن فلائٹ آپریشن کے پروازیں متاثر اسلام آباد کے مطابق بحال کر نے والی
پڑھیں:
کراچی کا فضائی معیار انتہائی مضرِ صحت: اے کیو آئی 251 ریکارڈ
---فائل فوٹوملک بھر میں موسمِ سرما کی آمد آمد ہے۔ متعدد شہر اسموگ، شدید دھند اور فضائی آلودگی کی لپیٹ میں ہیں۔
ملک کے معاشی حب کراچی اور لاہور کا فضائی معیار آج انتہائی مضرِ صحت ہے۔
عالمی ماحولیاتی ویب سائٹ کے مطابق کراچی آج دنیا کے آلودہ ترین شہروں کی فہرست میں تیسرے، لاہور دوسرے جبکہ بھارتی دارالحکومت نئی دہلی پہلے نمبر پر ہے۔
ایئر کوالٹی انڈیکس کے مطابق کراچی کی فضا میں آلودگی کی تعداد251 پارٹیکیولیٹ میٹر ریکارڈ کی گئی ہے۔
محکمۂ موسمیات کے مطابق کراچی کا آئندہ 24 گھنٹوں کے دوران موسم خشک اور رات میں خنک جبکہ زیادہ سے زیادہ درجۂ حرارت 32 سے 34 ڈگری تک رہنے کا امکان ہے۔
محکمۂ موسمیات کا کہنا ہے کہ کراچی کا کم سے کم درجۂ حرارت 17ڈگری سینٹی گریڈ ریکارڈ کیا گیا ہے، ہوا میں نمی کا تناسب 66 فیصد ہے اور شمال مشرق سے ہوائیں چل سکتی ہیں۔
لاہور کی فضائی صورتحال
ایئر کوالٹی انڈیکس کے مطابق لاہور کی فضا میں آج پارٹیکیولیٹ میٹر کی تعداد 291 ریکارڈ کی گئی ہے۔
عالمی ماحولیاتی ویب سائٹ کے مطابق پنجاب کے شہر گوجرانوالہ میں فضائی آلودگی کی مقدار 209 جبکہ فیصل آباد میں205 پارٹیکیولیٹ میٹر ریکارڈ کی گئی ہے۔
عالمی ماحولیاتی ویب سائٹ کے مطابق لاہور کے علاقے لوئر مال کا اے کیو آئی 585، ڈی سی آفس کا 576، راوی روڈ کا 506، علامہ اقبال ٹاؤن کا 447، پنجاب یونیورسٹی کا 444 اور شادمان کی فضا میں پارٹیکیولیٹ میٹر کی تعداد 427 ریکارڈ کی گئی ہے۔
لاہور کی فضا میں آئندہ 24 گھنٹوں کے دوران آلودگی کی مقدار 180 تا 220 ریکارڈ ہونے کی پیشگوئی کی گئی ہے۔
اسموگ نگرانی سسٹم کے مطابق آلودگی میں وقتی کمی متوقع ہے جبکہ بارش کا امکان نہیں ہے، لاہور کی فضا میں بہتری کا انحصار صرف درجۂ حرارت میں اضافے پر ہوگا۔
دوسری جانب محکمۂ تحفظ ماحولیات کا کہنا ہے کہ مرکزی شاہراہوں پر محکمۂ ماحولیاتی تحفظ اور ٹریفک پولیس کے اسموگ چیکنگ آپریشنز جاری ہیں، شہریوں کو صاف ہوا فراہم کرنے کے عزم کو عملی شکل دی جا رہی ہے۔
اسرائیل کے بارے میں امریکیوں کے خیالات