ڈرونزپاکستان اوربھارت کے دہائیوں پرانے تنازع میں ایک نئے باب کا اضافہ
اشاعت کی تاریخ: 11th, May 2025 GMT
جنوبی ایشیا میں جوہری طاقت کے حامل دو ہمسائیہ ممالک کے درمیان دنیا کی پہلی ڈرون جنگ چھڑنے کے بعد اب سیز فائر کا اعلان ہو چکا ہے۔ دونوں ممالک نے ایک دوسرے پر حالیہ کشیدگی کے دوران ڈرون اور میزائل حملے کرنے کا الزام عائد کیا ہے۔
برطانوی نشریاتی ادارے‘‘بی بی سی‘‘کی رپورٹ کے مطابق ماہرین کا کہنا ہے کہ یہ ڈرون حملے دہائیوں پرانی دشمنی میں ایک نئے اور خطرناک موڑ کا آغاز ہیں جس میں دونوں اطراف سے روایتی گولہ باری کے ساتھ ساتھ ایک متنازع اور کشیدہ سرحد کے پار ایسے ہتھیاروں کا استعمال بھی کیا گیا جو فضا میں اڑنے کی صلاحیت رکھتے ہیں۔
خاموشی سی اور ریموٹ کنٹرول کی مدد سے چلنے والے ڈرون، جن کے استعمال کی تردید کرنا آسان ہے، انڈیا اور پاکستان کے دہائیوں پرانے تنازع میں ایک نئے باب کا اضافہ ہیں۔
جہارا مٹیسک امریکی نیول وار کالج میں پروفیسر ہیں۔ انھوں نے بی بی سی سے بات کرتے ہوئے کہا کہ ’انڈیا اور پاکستان کا تنازع ایک نئے ڈرون دور میں داخل ہو رہا ہے جس میں نظروں سے اوجھل آنکھیں اور درست اہداف کو نشانہ بنانے کی صلاحیت یہ طے کر سکتی ہیں کہ تنازع بڑھے گا یا نہیں۔ اسی لیے جنوبی ایشیا کے متنازع آسمانوں میں جو ملک ڈرون جنگ کی صلاحیت پر عبور حاصل کر لے گا وہی اس کی سمت کا تعین بھی کرے گا۔‘
پاکستانی حکام کی جانب سے ان ڈرونز، جو مبینہ طور پر اسرائیلی ساختہ ہیروپ ڈرون ہیں، کو مختلف طریقوں سے گرانے جانے کا دعوی کیا گیا۔ دوسری جانب بھارت نے دعویٰ کیا تھا ان ڈرون سٹرائیکس کے نتیجے میں پاکستان میں متعدد دفاعی ریڈار سسٹم ناکارہ بنائے گئے جن میں سے ایک لاہور میں تھا۔ تاہم پاکستان نے اس کی تردید کی تھی۔
لیزر گائیڈڈ میزائل، ڈرون اور یو اے ویز جدید دور کے میدان جنگ کا حصہ بن چکے ہیں جن کی مدد سے عسکری کارروائیوں کی افادیت اور اہداف کو نشانہ بنانے کی صلاحیت میں خاطرخواہ اضافہ ہوتا ہے۔ ان کی مدد سے فضائی حملوں کے لیے اہداف کا درست طریقے سے تعین کیا جا سکتا ہے اور اگر ان پر اسلحہ لگا ہو تو پھر ان کی مدد سے اہداف کو نشانہ بھی بنایا جا سکتا ہے۔
اس کے علاوہ ڈرونز کو دشمن کے فضائی دفاعی نظام کو دبانے کے لیے بھی استعمال کیا جا سکتا ہے، یہ دوسرے ملک کی فضا میں داخل ہو کر دشمن کے ریڈار کا پتہ چلا سکتے ہیں اور پھر اِن ریڈارز کو اینٹی ریڈی ایشن میزائل یا پھر کسی اور ڈرون کی مدد سے نشانہ بنایا جا سکتا ہے۔
پروفیسر جہارا مٹیسک کا کہنا ہے کہ ’یوکرین اور روس نے جنگ کے دوران ایسا ہی کیا ہے۔ ٹارگٹ اور ٹرگر کرنے کی دوہری صلاحیت ڈرون کو اہم بناتی ہے جو لڑاکا طیاروں کو خطرے میں ڈالے بغیر فضائی دفاعی نظام کو متاثر کر سکتا ہے۔‘
ماہرین کا کہنا ہے کہ انڈیا کے پاس موجود ڈرون کی اکثریت اسرائیلی ساختہ ہے جن میں ’آئی اے آئی سرچر‘ اور ’ہیرون‘ کے علاوہ ’ہارپی‘ اور ’ہیروپ لوئٹرنگ ایمونیشن‘ شامل ہیں جو کہ ڈرون ہونے کے ساتھ ساتھ میزائلوں کا کام بھی انجام دیتے ہیں اور خودکار نگرانی اور انتہائی درست نشانہ لگانے کی صلاحیت رکھتے ہیں۔
خاص طور پر ہاروپ کا استعمال اس بات کی نشاندہی کرتا ہے کہ انڈیا کی جنگی حکمت عملی اب مہنگے اور خاص طور پر ہدف کو نشانہ بنانے والے حملوں کی طرف بڑھ رہی ہے جو جدید جنگوں میں لوئٹرنگ میزائلز کی بڑھتی ہوئی اہمیت کو ظاہر کرتا ہے۔
ماہرین کے مطابق ہیرون ڈرون کو انڈیا امن اور جنگ دونوں کے دوران فضا کی بلندی میں موجود اپنی آنکھوں کے طور پر استعمال کرتا ہے۔ ’آئی اے آئی سرچر ایم کے ٹو‘ ڈرون، جو 18 گھنٹے تک پرواز کر سکتا ہے، 300 کلومیٹر تک فاصلہ طے کر سکتا ہے اور سات ہزار میٹر کی بلندی پر پرواز کر سکتا ہے۔
بھارت نے حال ہی میں امریکہ سے ’ایم کیو نو بی پریڈیٹر ڈرون‘ حاصل کرنے کے لیے چار ارب ڈالر کا معاہدہ کیا ہے۔ یہ ڈرون مسلسل 40 گھنٹے تک 40 ہزار فٹ کی بلندی پر پرواز کر سکتا ہے۔ اس کے حصول سے انڈیا کی ڈرون صلاحیت میں کافی اضافہ ہو گا۔
اس کے علاوہ بھارت ’اس سورام‘ صلاحیت کو حاصل کرنے کی کوشش بھی کر رہا ہے جس کے تحت ایک بہت بڑی تعداد میں چھوٹے چھوٹے ڈرون بھیج کر دشمن کے فضائی دفاعی نظام کو مفلوج کر دیا جاتا ہے جس کے بعد لڑاکا طیاروں کو دراندازی کرنے میں آسانی ہوتی ہے۔
لاہور سے دفاعی تجزیہ کار اعجاز حیدر نے بی بی سی کو بتایا کہ ’پاکستان کے پاس موجود ڈرونز کی صلاحیت بھی وسیع اور متنوع ہے جس میں غیر ملکی اور مقامی سطح پر تیار شدہ ڈرون شامل ہیں۔
ان کے مطابق پاکستان کے پاس ’تقریبا ایک ہزار ڈرون ہیں جن میں چینی سی ایچ فور اور ترکی کے بیراکتر آقنجی کے علاوہ مقامی براق اور شاہپر ڈرون شامل ہیں۔ اُن کے مطابق پاکستان نے لائٹرنگ میونیشن کی صلاحیت بھی حاصل
بھارت نے دعویٰ کیا ہے کہ پاکستان میں متعدد دفاعی ریڈار ناکارہ بنائے گئے جن میں سے ایک لاہور میں تھا۔ تاہم پاکستان نے اس کی تردید کی ۔ اعجاز حیدر کے مطابق ’پاکستانی فضائیہ تقریبا ایک دہائی سے اس صلاحیت کو اپنے نظام میں شامل کرنے پر کام کر رہی ہے۔‘ ان کے مطابق ایک اہم جزو ایسے ’ونگ مین ڈرون‘ ہیں جو لڑاکا طیاروں کے ساتھ مل کر کام کرنے کی صلاحیت رکھتے ہیں۔
پروفیسر جہارا کا ماننا ہے کہ ’اسرائیل کی تکنیکی معاونت، ہیروپ اور ہیرون ڈرون کی فراہمی، بھارت کے لیے اہم رہی جبکہ پاکستان کا ترکی اور چین پر انحصار اسلحہ کی دوڑ کو ثابت کرتا ہے۔‘
ماہرین کا کہنا ہے کہ اگرچہ ڈرونز کا استعمال پاکستان اور بھارت کے درمیان تنازع میں یہ ایک نیا موڑ ہے تاہم روس اور یوکرین کے درمیان ڈرون کی جنگ سے یہ مختلف ہے۔ ان کے مطابق روس اور یوکرین کی جنگ میں ڈرون کو عسکری کارروائیوں میں مرکزی کردار حاصل ہو چکا ہے اور جاسوسی سمیت اہداف کو نشانہ بنانے کے لیے ہزاروں ڈرون استعمال کیے گئے ہیں۔
انڈیا کے دفاعی تجزیہ کار منوج جوشی نے بی بی سی سے بات کرتے ہوئے کہا کہ ’لڑاکا طیاروں یا بھاری میزائلوں کے بجائے ڈرون کا استعمال ایک کم تر عسکری راستہ ہے۔ ان کے مطابق ڈرون کم اسلحہ لے کر جا سکتے ہیں تو یہ ایک محدود کارروائی ہوتی ہے۔ تاہم اگر یہ کسی وسیع فضائی کارروائی کا آغاز ہوں تو پھر معاملہ بدل جاتا ہے۔‘
اعجاز حیدر کا ماننا ہے کہ انڈیا کے زیرانتظام جموں میں حالیہ کارروائی پاکستان کی جانب سے بڑے پیمانے پر عسکری کارروائی نہیں تھی۔ یاد رہے کہ پاکستان نے جموں میں ڈرون حملے کی تردید کی ہے۔
ماہرین کا کہنا ہے کہ اگرچہ پاکستان اور انڈیا کے درمیان تنازع میں یہ ایک نیا موڑ ہے تاہم روس اور یوکرین کے درمیان ڈرون کی جنگ سے یہ مختلف ہے
ماہرین کا ماننا ہے کہ یوکرین اور روس میں میدان جنگ کو یکسر بدلنے والے ڈرون کا پاکستان اور انڈیا کے تنازع میں محدود اور علامتی کردار رہا ہے۔ منوج جوشی کے مطابق ’ہم جو ڈرون جنگ دیکھ رہے ہیں یہ زیادہ دیر چلنے والی نہیں ہے اور شاید یہ ایک بڑے تنازع کا آغاز ہو۔‘
اُن کا کہنا ہے کہ ’یہ تنازع کم ہونے یا بڑھنے، دونوں کا اشارہ ہو سکتے ہیں کیوںکہ دونوں کا ہی امکان موجود ہے۔ ہم ایک ایسی جگہ کھڑے ہیں جہاں سے یہ تنازع کیا رُخ اختیار کرتا ہے، واضح نہیں۔‘
اگرچہ بھارت نے سرحد پار کیے بغیر اہداف کو نشانہ بنانے کے لیے ڈرون استعمال کیے ہیں تاہم اس طریقے سے بھی چند سوال پیدا ہوتے ہیں۔
پروفیسر جہارا کے مطابق ’ڈرون جاسوسی اور سٹرائیک کے راستے فراہم کرتا ہے جس میں تنازع کو بڑھانے کا خطرہ کم ہوتا ہے لیکن ایک نئی صورتحال بھی پیدا ہوتی ہے جس میں ہر وہ ڈرون جو گرایا جائے یا ہر وہ ریڈار جو مفلوج کیا جائے، ایک ایسی ممکنہ صورت حال پیدا کر سکتا ہے جس میں تناؤ دو جوہری طاقت کے حامل ممالک کے درمیان کسی بھی وقت بڑھ سکتا ہے۔
ذریعہ: Daily Mumtaz
کلیدی لفظ: اہداف کو نشانہ بنانے ماہرین کا کہنا ہے کہ لڑاکا طیاروں پاکستان اور ان کے مطابق پاکستان نے کا استعمال استعمال کی جا سکتا ہے کر سکتا ہے کی صلاحیت کے درمیان ہے جس میں کی مدد سے بھارت نے کی تردید انڈیا کے کے علاوہ کرتا ہے ایک نئے ڈرون کی یہ ایک کے لیے ہے اور کی جنگ کیا ہے
پڑھیں:
بجلی کے شعبہ کے 1225 ارب روپے گردشی قرضہ کاحل بڑی پیش رفت ہے، حکومت مالی استحکام اور توانائی کے شعبے کی اصلاحات کے درمیان توازن قائم کرنے کی صلاحیت رکھتی ہے، وفاقی وزیرخزانہ محمداورنگزیب
اسلام آباد (اُردو پوائنٹ اخبارتازہ ترین - اے پی پی۔ 25 ستمبر2025ء) وفاقی وزیرخزانہ ومحصولات سینیٹرمحمداورنگزیب نے کہاہے کہ بجلی کے شعبہ کے 1225 ارب روپے گردشی قرضہ کاحل مالی نظم و ضبط کو یقینی بنانے اور سرمایہ کاروں کے اعتماد میں اضافہ کے ساتھ ساتھ پاکستان کے توانائی شعبے کے دیرینہ ترین مسائل میں سے ایک کے حل میں ایک بڑی پیش رفت ہے۔ جمعرات کویہاں جاری بیان میں وزارتِ خزانہ نے 1225 ارب روپے کے گردشی قرضہ کے کامیاب حل کا خیر مقدم کرتے ہوئے کہا ہے کہ وزیرِ اعظم کی ٹاسک فورس برائے پاور کی تاریخی مشترکہ کاوش کے ذریعے اور وزارتِ توانائی، سٹیٹ بینک آف پاکستان، پاکستان بینکس ایسوسی ایشن اور 18 شراکتی بینکوں کے تعاون سے اسے ممکن بنایا گیا۔ اس تاریخی ری سٹرکچرنگ سے پاکستان میں توانائی کے شعبے کے دیرینہ ترین مسائل میں سے ایک کے حل میں ایک بڑی پیش رفت کی نمائندگی وعکاسی ہورہی ہے۔(جاری ہے)
بیان میں کہاگیاہے کہ اس کامیابی سے توانائی کے شعبے کے دیرینہ مسائل کے حل کے لیے یکجا ہونے والے اداروں کے باہمی مربوط اندازمیں کام کرنے اور ٹیم ورک کی طاقت کی عکاسی بھی ہورہی ہے ۔ اس کوشش کی قیادت وفاقی وزیر توانائی سردار اویس احمد خان لغاری کی سربراہی میں وزیرِ اعظم کی ٹاسک فورس نے کی جسے وزیرِ خزانہ و محصولات سینیٹر محمد اورنگزیب، وزیرِ اعظم کے مشیر برائے نجکاری محمد علی ، نیشنل کوآرڈینیٹر لیفٹیننٹ جنرل محمد ظفر اقبال، گورنر سٹیٹ بینک جمیل احمد، سیکرٹری خزانہ امداداللہ بوسال اور ٹاسک فورس کے تمام مخلص اراکین کی بھرپور حمایت حاصل رہی جبکہ پی بی اے اور 18 بینکوں نے مضبوط ومربوط تعاون فراہم کیا۔
بیان میں کہاگیاہے کہ یہ تاریخی ری سٹرکچرنگ موثر اشتراکِ عمل کے ذریعے ممکن ہوئی جہاں ٹاسک فورس اور سرکاری اداروں نے پالیسی قیادت ورہنمائی اور عملدرآمد فراہم کیا جبکہ بینکاری کے شعبے نے پی بی اے کے ذریعے اور سٹیٹ بینک کی فعال معاونت کے ساتھ، توانائی کے شعبے کے مستقبل پر اعتماد کے تحت مالی تعاون کو منظم اور متحرک کیا۔ بیان کے مطابق بجلی پیدا کرنے والے اداروں کو واجب الادا ادائیگیاں کرنے کیلئے معاہدے میں 660 ارب روپے کے موجودہ قرضوں کی ری سٹرکچرنگ اور 565 ارب روپے کی نئی فنانسنگ شامل ہے۔ اہم بات یہ ہے کہ اس قرض کے حل سے صارفین پر کوئی نیا بوجھ نہیں ڈالا گیاکیونکہ ادائیگی پہلے سے عائد کردہ فی یونٹ 3.23 روپے سرچارج کے ذریعے کی جائے گی۔ اس ڈھانچے کے تحت 660 ارب روپے کی ساورن گارنٹی دی جائے گی جس سے زرعی شعبے، چھوٹے اور درمیانے درجے کے کاروبار، رہائش، تعلیم اور صحت کے شعبوں کی جانب کیش کو منتقل کیا جائے گا۔ وفاقی وزیر خزانہ و محصولات سینیٹر محمد اورنگزیب نے تاریخی پیش رفت پراپنے تبصرے میں کہاہے کہ یہ تاریخی حل مالی نظم و ضبط کی بحالی، سرمایہ کاروں کے اعتماد اور توانائی کے شعبے کی پائیداری کی جانب ایک فیصلہ کن قدم ہے۔ وزیرِ خزانہ نے کہا کہ یہ سنگِ میل اجتماعی قیادت اور موثر ٹیم ورک کی ایک مثال ہےجس کی بنیاد تکنیکی مہارت، ادارہ جاتی ہم آہنگی اور عوامی و نجی تعاون پر رکھی گئی ہے۔ انہوں نے مزید کہا کہ یہ کامیابی اس بات کی نظیر قائم کرتی ہے کہ پاکستان کے ڈھانچہ جاتی مسائل کو جدت، اتحاد اور عزم کے ساتھ حل کیا جا سکتا ہے۔ یہ کامیابی توانائی شعبہ کے دیرینہ رکاوٹوں کو حل کرنے کے حکومت کے غیر متزلزل عزم کی عکاسی کرتی ہے حکومت مالی استحکام اور توانائی کے شعبے کی اصلاحات کے درمیان توازن قائم کرنے کی صلاحیت رکھتی ہے۔ اہم بات یہ ہے کہ اس انتظام کے ذریعے 660 ارب روپے کے ساورن گارنٹی ترجیحی شعبوں زراعت ، رہائش، تعلیم اور صحت جیسے ترجیحی شعبوں میں انتہائی مطلوبہ لیکویڈٹی کے بہاؤ کو یقینی بنائے گی۔\932
پاکستان اورسعودی عرب کے مابین طے پانے والاتاریخی معاہدہ دونوں برادرممالک کے تاریخی تعلقات میں ایک نئے دورکا آغازہے ، شیخ آفتاب احمد