ہیڈ کوچ سے ہٹنے کے بعد عاقب جاوید کو کونسی نئی ذمہ داری مل گئی؟
اشاعت کی تاریخ: 13th, May 2025 GMT
پاکستان کرکٹ بورڈ (پی سی بی) محسن نقوی نے منگل کو پہلے یہ اعلان کیا کہ مائیک ہیسن کو وائٹ بال کرکٹ میں مائیک ہیسن کو ہیڈ کوچ مقرر کردیا گیا تاہم اس کے کچھ ہی دیر بعد انہوں نے یہ اعلان بھی کردیا کہ ہیڈ کوچ کی ذمہ داری سے فارغ ہونے والے عاقب جاوید کو ڈائریکٹر ہائی پرفارمنس مقرر کیا گیا۔
انہوں نے سوشل میڈیا پلیٹ فارم ایکس میں اپنے پیغام میں کہا کہ پاکستان کرکٹ کے ڈھانچے کو مزید مضبوط بنانے کے لیے سابق ٹیسٹ کرکٹر اور تجربہ کار کوچ عاقب جاوید کو ڈائریکٹر ہائی پرفارمنس مقرر کردیا گیا ہے۔ ان کی تقرری حال ہی میں وائٹ بال ہیڈ کوچ کے طور پر مائیک ہیسن کی شمولیت کے بعد عمل میں آئی ہے۔
مزید پڑھیں: مائیک ہیسن پاکستان کرکٹ ٹیم کے نئے وائٹ بال ہیڈ کوچ مقرر
محسن نقوی نے اپنے پیغام میں کہا کہ عاقب جاوید اور مائیک ہیسن اب مشترکہ طور پر پاکستان کرکٹ کی ترقی، کارکردگی اور کھلاڑیوں کی تیاری کے عمل کو جدید خطوط پر استوار کرنے میں کلیدی کردار ادا کریں گے۔ یہ دونوں تقرریاں پاکستان کرکٹ بورڈ کی جانب سے اس وژن کا حصہ ہیں جس کا مقصد قومی ٹیم کو عالمی معیار پر لانا اور نوجوان کھلاڑیوں کو مستقبل کے چیلنجز کے لیے تیار کرنا ہے۔
پاکستان کرکٹ بورڈ کو امید ہے کہ ان ماہرین کی رہنمائی میں قومی ٹیم کی کارکردگی میں نمایاں بہتری آئے گی اور پاکستان کرکٹ ایک نئی بلندی کو چھوئے گی۔
To strengthen our cricket infrastructure, Aqib Javed joins us as Director of High Performance, complementing Mike Hesson’s appointment as White-ball Head Coach.
— Mohsin Naqvi (@MohsinnaqviC42) May 13, 2025
واضح رہے کہ مائیک ہیسن 26 مئی سے باقاعدہ اپنی ذمہ داریوں کو سنبھال لیں گے۔ مائیک ہیسن اس سے قبل نیوزی لینڈ کرکٹ ٹیم کے ہیڈ کوچ رہ چکے ہیں اور انہیں محدود اوورز کی کرکٹ میں ٹیموں کی حکمت عملی سازی اور نوجوان ٹیلنٹ کی تربیت کا وسیع تجربہ حاصل ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ذریعہ: WE News
کلیدی لفظ: پاکستان کرکٹ مائیک ہیسن عاقب جاوید ہیڈ کوچ
پڑھیں:
کراچی کے حماد مرزا عمان کرکٹ ٹیم کا حصہ کیسے بنے، ان کے کوچ اور بھائی کیا کہتے ہیں؟
کرکٹ پر نظر دوڑائی جائے تو چند ممالک کے علاوہ اکثریت ان کی ہے جہاں اس کھیل کے مقابلے میں فٹبال کی مقبولیت زیادہ ہے جس کے باعث وہاں کرکٹ بہت کم ہی کھیلی جاتی ہے۔
یہ بھی پڑھیں: ایشیا کپ: بھارت نے اومان کو 21 رنز سے شکست دے دی
امریکا، بحرین، عمان، متحدہ عرب امارات سمیت کئی ایسے ممالک ہیں جن میں چند ایک کے علاوہ اکثر کھلاڑیوں کا تعلق پاکستان یا بھارت سے ہوتا ہے۔
ان ممالک کے حوالے سے آئی سی سی کی ابتدا میں پالیسی تھی کہ یہ 2 کھلاڑی کسی اور ملک سے لیے جا سکتے ہیں تا کہ کرکٹ میں بہتری لائی جا سکے لیکن بہتری نہ آنے کے باعث اس میں ترمیم کردی گئی اور ترامیم ہوتے ہوتے اب یہ طے پا گیا ہے کہ آپ کم سے کم 2 کھلاڑی اسکواڈ میں ایسے شامل کریں جن کا تعلق متعلقہ ملک سے ہو خواہ وہ 11 رکنی ٹیم میں شامل ہوں یا نہ ہوں۔
متحدہ عرب امارات میں جاری ایشیا کپ میں شامل عمان کی ٹیم کی بات کی جائے تو اس میں 14 رکنی اسکواڈ میں 10 کا تعلق پاکستان سے تھا جن میں کراچی کے حماد مرزا اور عامر کلیم بھی شامل ہیں۔
حماد مرزا کے کوچ محمد اسلم نے وی نیوز کو بتایا کہ وہ خود عمان کے لیے کوچنگ کر چکے ہیں اور پھر واپس پاکستان آکر انہوں نے مختلف کلبز میں کوچ کے فرائض انجام دینے شروع کیے۔
مزید پڑھیے: ایشیا کپ 2025: پاکستان نے عمان کو 93 رنز سے شکست دیدی
محمد اسلم کا کہنا تھا کہ بہت سے پاکستانی کھلاڑی ہیں جو باہر جا کر دیگر ممالک کے لیے کھیلتے ہیں اسی طرح حماد بھی کافی عرصے سے عمان میں ہیں۔
انہوں نے کہا کہ مجھ سمیت کئی لوگوں سے حماد نے ٹرینگ لی ہے اور وہ ایک اچھے کھلاڑی ہیں۔
حماد مرزا کے بھائی عریب مرزا کا کہنا ہے کہ آج سے 5 برس قبل عمان میں ایک نوکری آئی جس کے لیے حماد نے اپلائی کیا وہ کرکٹ سے متعلق ہی نوکری تھی۔
انہوں نے بتایا کہ وہ ملازمت حماد کو مل گئی اور تب سے وہ عمان میں ہی ہیں بس عید پر پاکستان آجاتے ہیں۔
مزید پڑھیں: ایشیا کپ 2025 پاک بھارت ٹاکرا، کس کی زنبیل میں کیا ہے؟
بھارت کے خلاف نصف سینچری کرنے پر ان کے بھائی کا کہنا تھا ہم سب گھر والوں نے بہت انجوائے کیا اور بعد میں حماد کے ساتھ فون پر بات بھی ہوئی وہ بھی بہت خوش تھے۔ دیکھیے یہ ویڈیو رپورٹ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حماد مرزا حماد مرزا کے بھائی عریب مرزا حماد مرزا کے کوچ عمان کے کرکٹر حماد مرزا کراچی کے کرکٹر حماد مرزا
وزیر اعظم شہباز شریفے آج لندن سے امریکا روانہ ہوں گے