پاکستان اور روس کا کراچی میں نئی اسٹیل مل قائم کرنے پر اتفاق
اشاعت کی تاریخ: 14th, May 2025 GMT
— فائل فوٹو
وزیرِاعظم کے معاون خصوصی ہارون اختر خان اور روسی نمائندے ڈینس نظروف کے درمیان ایک اہم ملاقات ہوئی۔
ہارون اختر خان اور ڈینس نظروف نے اس ملاقات میں کراچی میں نئی اسٹیل مل کا قیام کے بارے میں تبادلۂ خیال کیا۔
دونوں فریقین نے منصوبے کی تکمیل کےلیے پاکستان اور روس کا ایک مشترکہ ورکنگ گروپ بنانے پر اتفاق کیا۔
ہارون اختر خان نے کہا کہ غیر ملکی سرمایہ کاروں کے لیے پاکستان میں سرمایہ کاری کرنے کےلیے یہ بہترین وقت ہے کیونکہ اب سرمایہ کاری کےلیے پاکستان ایک مضبوط اور محفوظ مقام بن چکا ہے اور یہ بات بین الاقوامی سطح پر بھی تسلیم کی جا چکی ہے۔
صدر مملکت آصف علی زرداری نے کہا ہے کہ پاک بھارت کشیدگی کے تناظرمیں روس تعمیری کردار ادا کر رہا ہے۔
اُنہوں نے کہا کہ پاکستان اور روس کے درمیان اسٹیل کے صنعت میں تعاون سے دونوں ممالک کو فائدہ ہوگا۔
وزیرِاعظم کے معاون خصوصی نے روس کو پاکستان میں سرمایہ کاری کے مزید مواقع تلاش کرنے کی دعوت بھی دی۔
یہ ملاقات پاکستان اور روس کے درمیان دو طرفہ تعلقات کو مزید مضبوط بنانے اور اسٹیل کی پیداوار جیسے اہم شعبوں میں مشترکہ منصوبوں کے لیے نئی راہیں کھولنے کےلیے بہت اہم رہی۔
.
ذریعہ
ذریعہ: Jang News
کلیدی لفظ: پاکستان اور روس
پڑھیں:
کراچی: میاں بیوی پر بہیمانہ تشدد کرنے والے 2 ملزمان مبینہ پولیس مقابلے کے بعد گرفتار
ایس ایس پی ویسٹ طارق الٰہی مستوئی نے کہا ہے کہ کراچی میں میاں بیوی پر بہیمانہ تشدد کرنے والے دو ملزمان کو اقبال مارکیٹ پولیس نے مبینہ پولیس مقابلے کے بعد گرفتار کر لیا۔
دو روز قبل ولایت علی کالونی میں گھر کے اندر میاں بیوی پر تیز دھار آلے اور پتھر سے حملہ کیا گیا تھا، جس کے نتیجے میں 45 سالہ فیروزہ زوجہ مرشد اور 50 سالہ مرشد ولد جلال خان شدید زخمی ہو گئے تھے۔
پولیس نے رات گئے کارروائی کے دوران ملزم سہیل عرف اسلم کو زخمی حالت میں جبکہ اکرم عرف لنگڑا کو بغیر زخمی کیے گرفتار کر لیا۔
پولیس کے مطابق ملزمان عادی جرائم پیشہ ہیں اور ان کے خلاف ڈکیتی، اسلحہ اور موٹرسائیکل چوری کے مقدمات پہلے سے درج ہیں، جبکہ ان کے زیر استعمال برآمد ہونے والا موبائل فون اور موٹرسائیکل بھی اسلحے کے زور پر چھینی گئی تھی۔
تفتیش کے مطابق مضروبہ نے کچھ عرصہ قبل اپنا مکان ملزم اکرم کو کرائے پر دیا تھا، تاہم کرائے اور یوٹیلیٹی بلوں کی ادائیگی پر دونوں فریقین کے درمیان تنازع چل رہا تھا، خاتون نے مکان خالی کروانے اور بقایا جات کی وصولی تک کرائے دار کا سامان گھر میں تالا لگا کر روک رکھا تھا، جس پر ملزم اکرم مشتعل ہو گیا اور اپنے بہنوئی سہیل عرف اسلم کے ساتھ مل کر میاں بیوی پر حملہ کر دیا۔
ملزمان نے تیز دھار آلے اور پتھر کے وار کرکے دونوں میاں بیوی کو تشدد کا نشانہ بنایا، جو تاحال زیر علاج ہیں، پولیس نے ملزمان کی نشاندہی پر جائے وقوعہ سے تشدد میں استعمال ہونے والا پتھر بھی برآمد کر لیا ہے۔
واقعے کا مقدمہ زخمیوں کے بیٹے محمد شکیل کی مدعیت میں تھانہ اقبال مارکیٹ میں درج ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ