بھارتی جارحیت میں زخمی پاک فوج کے 2 مزید جوان شہید ہوگئے، فوج کے شہدا کی تعداد 13 ہوگئی
اشاعت کی تاریخ: 14th, May 2025 GMT
گزشتہ دنوں بھارتی جارحیت کے نتیجے میں زخمی ہونے والے پاک فوج کے 2 مزید نوجوان شہید ہوگئے ہں جس کے بعد افواج پاکستان کے شہدا کی تعداد 13 ہوگئی ہے جبکہ زخمیوں کی کل تعداد 78 ہے۔
پاک فوج کے شعبہ تعلقات عامہ (آئی ایس پی آر) کے مطابق بھارتی حملوں میں زخمی ہونے والے پاک آمری کے حوالدار محمد نوید اور پاک فضائیہ کے سینیئر ٹیکنیشن محمد ایاز زخموں کی تاب نہ لاکر شہید ہوگئے، یہ شہادتیں پاک فوج کے جوانوں کے حوصلے، حب الوطنی اور احساس ذمہ داری کا ثبوت ہے۔
یہ بھی پڑھیے: بھارتی حملوں میں 8 پاکستانی شہید ہوئے، دشمن کو منہ توڑ جواب دے رہے ہیں، ڈی جی آئی ایس پی آر
آئی ایس پی آر نے کہا ہے کہ پاک فوج قوم کے ساتھ مل کر شہدا ان بہادر شہدا کو خراج تحسین پیش کرتی ہے اور ان کے لواحقین سے تعزیت کرتی ہے۔
پاک فوج کے مطابق شہدا کی قربانی قوم کی اجتماعی یادداشت امر ہوگئی ہے اور آنے والی نسلوں کو متاثر کرتی رہے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آپریشن بنیان المرصوص آئی ایس پی آر پاک فوج زخمی شہدا.ذریعہ: WE News
کلیدی لفظ: آپریشن بنیان المرصوص ا ئی ایس پی ا ر پاک فوج پاک فوج کے ایس پی
پڑھیں:
بھارتی حملوں میں 40 شہری اور 11 فوجی جوان شہید ہوئے، معرکہ حق کی تفصیلات جاری
پاک فوج کے شعبہ تعلقات عامہ (آئی ایس پی آر) کی طرف سے انڈیا کی جارحیت کے دوران معرکہ حق کے شہدا اور زخمیوں کی تفصیلات جاری کردی گئی ہیں۔
پاک فوج کے مطابق 6 اور 7 مئی کی درمیانی شب بھارت نے پاکستان کے خلاف بلا اشتعال حملے کیے جس میں بچوں، بزرگوں اور خواتین سمیت شہریوں کو نشانہ بنایا گیا۔
آئی ایس پی آر کے بیان کے مطابق ان حملوں میں 40 شہری شہید ہوئے جن میں 7 خواتین اور 15 بچے شامل ہیں۔ بھارتی حملوں کے نتیجے میں 10 خواتین اور 27 بچوں سمیت 121 شہری زخمی ہوئے۔
یہ بھی پڑھیے: وزیر اعظم کا ہرسال 10 مئی کو یوم معرکہ حق منانے، شہدا و زخمیوں کے لیے پیکج کا اعلان
بیان کے مطابق ان حملوں کا جواب افواجِ پاکستان نے معرکہ حق کے نام سے زبردست جوابی کارروائی کی صورت میں دیا جس میں آپریشن بنیان مرصوص کے تحت کارروائیاں کی گئیں۔
آئی ایس پی آر کا کہنا ہے کہ مادر وطن کی حفاظت کرتے ہوئے افواج پاکستان کے 11 جوان شہید جبکہ 78 زخمی ہوئے۔
شہدا میں آرمی کے نائیک عبدالرحمان، لانس نائیک دلاور خان، لانس نائیک اکرام اللہ، نائیک وقار خالد، سپاہی محمد عدیل اکبر اور سپاہی نثار شامل ہیں۔
یہ بھی پڑھیے: آپریشن بُنْيَانٌ مَّرْصُوْص: بھارت کی سرسہ ائیر فیلڈ تباہ کر دی گئی
پاک فضائیہ کے شہدا میں اسکواڈرن لیڈر عثمان یوسف، چیف ٹیکنیشن اورنگزیب، سینیئر ٹیکنیشن نجیب، کارپورل ٹیکنیشن فاروق اور سینیئر ٹیکنیشن مبشر شامل ہیں۔
آئی ایس پی آر نے کہا ہے کہ پاک فوج قوم کے ساتھ مل کر شہدا کی قربانیوں کو خراج تحسین پیش کرتی ہے جبکہ زخمیوں کی صحت یابی کے لیے دعا گو ہے۔
پاک فوج نے ملک کی سالمیت اور بقا کے خلاف کسی بھی جارحیت کا بھرپور انداز میں جوب دینے کے عزم کا اعادہ کیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
CASUALITY INDIA ATTACK PAKISTAN 2025
کراچی: خواجہ سراؤں کا بھارت مخالف احتجاج، مودی مردہ باد کے نعرے