وزیراعظم کی دانش اتھارٹی کے قیام کے حوالے سے تجاویز پیش کرنے کی ہدایت
اشاعت کی تاریخ: 14th, May 2025 GMT
وزیراعظم شہباز شریف نے زیر تعمیر دانش اسکولوں اور دانش یونیورسٹی پر کام تیز تر کرنے، ان کی اعلیٰ معیار کی تعمیر، تھرڈ پارٹی ویلیڈیشن اور دانش اتھارٹی کے قیام کے حوالے سے تجاویز پیش کرنے کی ہدایت کی ہے۔
وزیراعظم آفس کے میڈیا ونگ سے جاری بیان کے مطابق وزیراعظم کی زیر صدارت دانش اسکولز و یونیورسٹی کی حوالے سے جائزہ اجلاس منعقد ہوا۔
اجلاس میں ملک بھر میں 15 نئے دانش سکولز کی تعمیر کی پیشرفت کا جائزہ لیا گیا۔
اجلاس کو ملک کے مختلف علاقوں میں زیر تعمیر دانش اسکولز اور دانش یونیورسٹی، اسلام آباد کے حوالے سے بریفنگ دی گئی۔
بریفنگ کے دوران بتایا گیا کہ دانش اسکول، اسلام آباد کا 41 فیصد کام مکمل کر لیا گیا ہے، اسے دسمبر 2025 میں مکمل کر لیا جائے گا۔
بریفنگ میں بتایا گیا کہ گلگت بلتستان میں دانش اسکول ، سلطان آباد، گانچھے اور استور کو 30 جون 2026 تک مکمل کر لیا جائے گا، بھمبر اور باغ کے دانش سکولز جون 2026 میں مکمل ہوں گے۔
بریفنگ میں مزید بتایا گیا شاردہ، ، سبی، موسیٰ خیل اور ژوب کے دانش سکولوں کی فزیبلٹی اور ڈیزائن مکمل ہو چکا ہے ، حب، کراچی اور چترال کے دانش اسکولوں کے حوالے سے زمین کے حصول کی حوالے سے کام کیا جا رہا ہے۔
وفاقی کابینہ کی منظوری سے دانش یونیورسٹی کے حوالے سے زمین مختص کی جا چکی ہے۔
اجلاس نے یونیورسٹی کی فزیبلٹی ، ڈیزائن کی پری کوالیفکیشن کے لئے ماہر کنسلٹنٹ کی تعیناتی کا عمل شروع کرنے کی منظوری دی۔
وزیراعظم نے زیر تعمیر دانش اسکولوں اور دانش یونیورسٹی پر کام تیز تر کرنے کی ہدایت کی۔
انہوں نے دانش سکولز اور یونیورسٹی کی اعلیٰ معیار کی تعمیر اور تھرڈ پارٹی ویلیڈیشن کی بھی ہدایت کی۔
وزیراعظم نے کہا کہ دانش اسکولز اور یونیورسٹی ملک کے مستحق لائق طلباء کو اعلیٰ معیار کی تعلیم کی فراہمی کے حوالے سے حکومت کے ترجیحی منصوبے ہیں۔
انہوں نے دانش اسکولز کے تمام کلاس رومز میں سمارٹ بورڈ کی تنصیب اور ہر دانش اسکول میں ڈیجیٹل لائبریری بنانے کی ہدایت کی۔
انہوں نے ہدایت کی کہ دانش اسکول میں اساتذہ کی تعیناتی کا عمل میرٹ پر مبنی اور انتہائی شفاف ہونا چاہئے، جس علاقے میں دانش تعمیر ہو رہا ہے وہاں کے مقامی اساتذہ کو ترجیح دی جائے۔
وزیراعظم نے دانش اتھارٹی کے قیام کے حوالے سے تجاویز پیش کرنے کی بھی ہدایت کی۔
اجلاس میں وفاقی وزیر منصوبہ بندی احسن اقبال، وفاقی وزیر تعلیم ڈاکٹر خالد مقبول صدیقی ، وفاقی وزیر اقتصادی امور احد خان چیمہ، چاروں صوبوں، گلگت بلتستان، آزاد جموں و کشمیر کے چیف سیکرٹریز، اسلام آباد کیپٹل ٹیریٹری کے چیف کمشنر اور دیگر متعلقہ اعلیٰ سرکاری افسران نے شرکت کی۔
.ذریعہ: Express News
کلیدی لفظ: دانش یونیورسٹی دانش اسکولز کے حوالے سے دانش اسکول کی ہدایت اور دانش ہدایت کی کرنے کی
پڑھیں:
وزیراعظم کے مشیر مبارک زیب کے گھر کے قریب دھماکا، گیٹ مکمل تباہ
ڈسٹرکٹ پولیس آفیسر (ڈی پی او) باجوڑ وقاص رفیق نے کہا ایم این اے کے گھر کے مین گیٹ پر آئی ای ڈی مواد نصب کیا گیا تھا جو رات گئے پھٹ گیا، انہوں نے مزید کہا کہ دھماکے کے وقت رکن قومی اسمبلی گھر پر نہیں تھے۔ اسلام ٹائمز۔ وزیراعظم شہباز شریف کے مشیر اور رکن قومی اسمبلی مبارک زیب کے گھر کے قریب دھماکا ہوا ہے۔ ذرائع کے مطابق وزیر اعظم کے مشیر مبارک زیب کے باجوڑ میں واقع گھر کے قریب دھماکا ہوا جس کے نتیجے میں رکن قومی اسمبلی کے گھر کا گیٹ مکمل طورپر تباہ ہوگیا۔ دھماکے کے فوری بعد حکام نے علاقے کو گھیرے میں لے لیا اور کارروائی کا آغاز کردیا جب کہ دھماکے کے نتیجے میں کسی جانی نقصان کی اطلاع موصول نہیں ہوئی۔ ڈسٹرکٹ پولیس آفیسر (ڈی پی او) باجوڑ وقاص رفیق نے کہا ایم این اے کے گھر کے مین گیٹ پر آئی ای ڈی مواد نصب کیا گیا تھا جو رات گئے پھٹ گیا، انہوں نے مزید کہا کہ دھماکے کے وقت رکن قومی اسمبلی گھر پر نہیں تھے۔ انہوں نے کہا کہ پولیس جائے وقوع پر موجود ہے اور دہشت گردوں کا سراغ لگانے کے لیے سرچ آپریشن جاری ہے۔
دھماکے کے بعد اپنے ایک بیان میں مبارک زیب نے کہا کہ ان کا خاندان اور پڑوسی دھماکے میں محفوظ رہے، اس طرح کے ہتھکنڈیں ان کے عزم کو متاثر نہیں کریں گے۔ انہوں نے مزید کہا کہ میں اپنے شہید بھائی ریحان زیب کے مشن کو جاری رکھوں گا۔ اسپیکر قومی اسمبلی سردار ایاز صادق نے رکن قومی اسمبلی اور وزیراعظم کے معاون خصوصی مبارک زیب کی باجوڑ میں آبائی رہائش پر آئی ای ڈی دھماکے کی مذمت کرتے ہوئے ان کے لئے نیک خواہشات کا اظہار کیا ہے۔ اپنے ایک مذمتی بیان میں انہوں نے کہا کہ اللہ تعالیٰ کا شکر ہے کہ مبارک زیب کے گھر پر دھماکےسے کوئی جانی نقصان نہیں ہوا۔ اسپیکر قومی اسمبلی نے مبارک زیب اور ان کے اہلخانہ کے لئے نیک خواہشات کا اظہار کیا اور صوبہ خیبر پختونخوا کے متعلقہ حکام کو مبارک زیب کی آبائی رہائش گاہ کے باہر دھماکے کی شفاف تحقیقات کرانے اور واقعہ میں ملوث عناصر کو قانون کے کٹہرے لا کھڑا کرنے کی ہدایت کی۔
نواز شریف کی شہباز شریف سے ملاقات، پاک بھارت کشیدہ صورتحال پر گفتگو