فوج کا کم وسائل میں بڑا معرکہ ، ہمیں پیٹ کاٹ کر دفاعی بجٹ بڑھانا ہو گا ، فیصل واوڈا
اشاعت کی تاریخ: 22nd, May 2025 GMT
سینیٹر فیصل واوڈا نے کہا کہ پاک افواج نے بھارتی فوج کے 258 لوگوں کو مارا، ہمیں اپنا پیٹ کاٹ کردفاعی بجٹ بڑھانا ہو گا۔
سینٹ اجلاس میں اظہار خیال کرتے ہوئے فیصل واوڈا کا کہنا تھا کہ اب ترقیاتی نہیں دفاعی بجٹ کی بات کرنی ہے ، فوج نے کم وسائل میں بڑا معرکہ مارا ، تمام فورسز کی تنخواہوں کو ڈبل کرنا پڑے گا۔ان کا مزید کہنا تھا کہ سیز فائر کا دفاع کرنا ہماری کمزوری نہیں ، حکومت دل بڑا کرے اور اپوزیشن کو ویلکم کرے۔سینیٹر عرفان صدیقی نے اجلاس میں اظہار کرتے ہوئے کہا کہ کوئی شک نہیں کہ دہشتگردی میں بھارت کا ہاتھ ہے ، بھارت وہ دشمن ہے جس میں دشمنی کا سلیقہ بھی نہیں ،بھارت دہشتگردوں کو وسائل فراہم کررہاہے ،دہشتگردوں کو کچلنا چاہیے ،ان کومذاکرات کی میز پر نہیں لا سکتے۔پیپلز پارٹی کی سینیٹر شیری رحمان نے کہا کہ بھارت دہشتگردوں کو تربیت اور اسلحہ فراہم کر رہا ہے ، خضدار میں دوسرا اے پی ایس واقعہ کرنے کی کوشش کی گئی،دہشتگردوں کے خلاف سخت آپریشن کی ضرورت ہے۔
.ذریعہ: Nawaiwaqt
پڑھیں:
عمران خان نے کئی بار این آر او کا پیغام بھیجا،طلال چوہدری کا دعویٰ
اسلام آباد(اُردو پوائنٹ اخبارتازہ ترین - این این آئی۔ 04 جولائی2025ء)وزیر مملکت برائے داخلہ سینیٹر طلال چوہدری نے دعویٰ کیاہے کہ بانی پی ٹی آئی نے کئی بار این آر او کا پیغام بھیجا،حکومت نے کبھی این آر او کی پیشکش نہیں کی۔(جاری ہے)
نجی ٹی وی کے پروگرام میں گفتگوکرتے ہوئے سینیٹر طلال چوہدری نے کہا کہ بانی پی ٹی آئی نے علی امین گنڈاپور اور دیگر لوگوں کے ذریعے کئی بار این آر او کا پیغام بھیجا لیکن انہیں حکومت کی جانب سے این آر او کی کوئی پیشکش نہیں ہے۔
مالی سال 25-2024ء میں ملکی معیشت نے ترقی کی رفتاربرقراررکھی