ہوا اور پانی سے پیٹرول بنانے والی مشین تیار
اشاعت کی تاریخ: 11th, June 2025 GMT
کیلی فورنیا(نیوز ڈیسک)کیلیفورنیا کی ایک نئی کمپنی ایرسلَا نے ایک ایسی مشین متعارف کرائی ہے جو براہِ راست ہوا سے پیٹرول بنا سکتی ہے۔
امریکہ میں یہ اپنی نوعیت کی پہلی کام کرنے والی مشین بتائی جا رہی ہے۔ سائز میں یہ مشین ایک بڑے ریفریجریٹرکے برابرہے اور اسے مئی کے آخر میں نیویارک کے ایک عمارت کی چھت پر عوامی طور پر پیش کیا گیا۔
اس مشین کا طریقہ کار تین بنیادی مراحل پر مشتمل ہے۔
سب سے پہلے کاربن ڈائی آکسائیڈ کو براہِ راست ہوا سے حاصل کیا جاتا ہے۔
پھر پانی کو بجلی کی مدد سے ہائیڈروجن میں تبدیل کیا جاتا ہے (اس عمل کو الیکٹرولیسز کہتے ہیں)۔
ہائیڈروجن اور کاربن ڈائی آکسائیڈ کو ملا کر میتھانول بنایا جاتا ہے، جو آخر میں میتهانول سے پیٹرول بنانے کے عمل سے گزارا جاتا ہے۔
یہ سارا نظام چھے کونوں والے تین الگ الگ ماڈیولز پر مشتمل ہے، جو قدرتی شہد کی مکھی کے چھتے سے متاثر ہو کر بنائے گئے ہیں۔ یہ ڈیزائن مضبوط بھی ہے اور بآسانی بڑی تعداد میں تیار کیا جا سکتا ہے۔
جہاں دیگر کمپنیاں بڑے کارخانوں میں ایندھن تیار کرنے پر زور دیتی ہیں، وہیں ایرسلَانے چھوٹے سائز کی، مقامی سطح پر چلنے والی مشینیں بنانے پر توجہ دی ہے۔
یہ مشینیں ان علاقوں میں بھی لگائی جا سکتی ہیں جہاں روایتی پیٹرول دستیاب نہیں۔ ہر یونٹ کے ساتھ عام پیٹرول نوزل ہوتا ہے، جس سے گاڑیوں کو اسی طرح ایندھن دیا جا سکتا ہے جیسے کسی پٹرول پمپ پر۔
سب سے اہم بات یہ ہے کہ اس مشین سے حاصل ہونے والا پیٹرول ”ڈراپ-ان“ ہے، یعنی یہ بغیر کسی تبدیلی کے عام گاڑیوں میں استعمال کیا جا سکتا ہے۔
اگر مشین کو قابلِ تجدید توانائی (جیسے شمسی یا ہوا سے بنی بجلی) سے چلایا جائے تو یہ پورا عمل کاربن نیوٹرل ہوتا ہے یعنی جتنا کاربن نکالا جائے، اتنا ہی جذب بھی کیا جاتا ہے۔
ایک ایرسلَا یونٹ روزانہ تقریباً ایک گیلن (4.
کمپنی کی ہیڈ آف انڈسٹریل ڈیزائن لز وائٹ نے کہا، ”ہم نے ان مشینوں کو چھوٹا، آسان اور قابلِ رسائی بنایا ہے تاکہ جہاں ایندھن کی زیادہ ضرورت ہے، وہیں فوری مدد فراہم کی جا سکے۔“
ایرسلَانے اس مشین کو نہ صرف کارآمد بلکہ سادہ اور ماحول دوست انداز میں تیار کیا ہے۔ اس کے پینل مختلف رنگوں میں ہیں جو ہوا، پانی اور سورج کی علامت ہیں۔
اس میں دوبارہ استعمال ہونے والا فلٹر اور اپنا خصوصی فیول پمپ بھی شامل ہے۔ اس کا ڈیزائن اتنا آسان ہے کہ کوئی بھی شخص، چاہے ماہر نہ ہو، اسے استعمال کر سکتا ہے۔
اس جدید ایجاد نے کئی بڑی صنعتوں کی توجہ حاصل کی ہے، جن میں دنیا کی معروف شپنگ کمپنی میرسک کا سرمایہ کاری شعبہ میرسک گروتھ بھی شامل ہے۔
سمندری صنعت کے لیے ایسی مشینیں بہت فائدہ مند ثابت ہو سکتی ہیں، کیونکہ وہ فوسل فیول کے بغیر مقامی سطح پر ایندھن پیدا کر سکیں گی۔
مزیدپڑھیں:احتیاظ کرو، ورنہ اگلا نمبر تمھارا ہوگا۔صحیفہ جبار نے ایساکیاکیاجس پرعوام آگ بگولہ ہوگئے
ذریعہ: Daily Ausaf
کلیدی لفظ: جاتا ہے سکتا ہے کیا جا
پڑھیں:
ترقی کا سفر نہ روکا جاتا تو ہم دنیا کی ساتویں بڑی معیشت ہوتے: احسن اقبال
کراچی(ڈیلی پاکستان آن لائن)وفاقی وزیر منصوبہ بندی و ترقی احسن اقبال کا کہنا ہے کہ ترقی کا سفر نہ روکا جاتا تو ہم دنیا کی ساتویں بڑی معیشت ہوتے۔
روزنامہ جنگ کے مطابق ایکسپو سینٹر کراچی میں میری ٹائم ایکسپو کی افتتاحی تقریب سے خطاب کرتے ہوئے انہوں نے کہا کہ میری ٹائم ایکسپو میں تمام مندوبین کو خوش آمدید کہتا ہوں، پاکستان نے میری ٹائم کے شعبے میں بہت ترقی کی ہے۔
احسن اقبال کا کہنا ہے کہ ہمیں سمندری حیاتیات کے تحفظ کے لیے مزید کام کرنا ہوگا، پاکستان کا محل وقوع اسے دنیا میں منفرد بناتا ہے، پاکستان وسطی ایشیا، جنوبی ایشیا اور مشرق وسطیٰ کے درمیان تجارتی حب بن سکتا ہے۔
گلے ملنے کی ویڈیو وائرل: امریکی نائب صدر اور ایریکا کرک کی شادی کی خبریں گردش کرنے لگیں
انہوں نے کہا کہ پاکستان مختلف شعبوں میں سرمایہ کاروں کیلئے پُرکشش مقام ہے۔ توانائی، آئی ٹی اور معدنیات سمیت مختلف شعبوں میں سرمایہ کاری کے بے پناہ مواقع ہیں۔
وفاقی وزیر کا کہنا تھا کہ پورٹ قاسم سمیت تمام بندرگاہوں کو جدید بنا رہے ہیں، پاکستان دنیا کے لیے سمندری ٹریڈ روٹ ثابت ہو گا۔
ڈی جی این سی سی آئی اے وقار الدین سید کو عہدے سے ہٹا دیا گیا