سسیکس: پاکستان شاہینز نے تین میچوں کی سیریز 1-2 سے جیت لی
اشاعت کی تاریخ: 28th, July 2025 GMT
کراچی:
پاکستان شاہینز نے پروفیشنل کاؤنٹی کلب سیلیکٹ الیون کے خلاف تیسرا ایک روزہ میچ پانچ وکٹوں سے جیت کر تین میچوں کی سیریز 1-2 سے اپنے نام کر لی۔
اتوار کی سہ پہر فرسٹ سینٹرل کاؤنٹی گراؤنڈ، ہوو میں کھیلے گئے میچ میں شاہینز نے 261 رنز کا ہدف 37 گیندیں قبل ہی حاصل کر لیا۔
ہدف کے تعاقب میں اوپنرز شمایل حسین اور آزاد اویس نے شاندار 101 رنز کی شراکت قائم کی۔ بائیں ہاتھ کے بیٹر شمایل 40 رنز بنا کر آؤٹ ہوئے، ان کی اننگز میں چار چوکے شامل تھے۔
آزاد اویس کے ساتھ محمد سلیمان نے دوسری وکٹ کے لیے 68 رنز جوڑے۔ سلیمان نے 40 گیندوں پر تیز رفتار 44 رنز اسکور کیے جس میں چار چوکے اور تین چھکے شامل تھے۔ ان کے آؤٹ ہونے کے بعد کپتان سعود شکیل صرف ایک رن بنا کر پویلین لوٹ گئے۔
اس نازک موقع پر آزاد اویس کا ساتھ دینے حیدر علی میدان میں آئے، جنہوں نے سیریز کے پہلے میچ میں بھی فتح گر اننگز کھیلی تھی۔ دونوں کے درمیان 33 رنز کی شراکت ہوئی، اس کے بعد آزاد اویس 88 رنز کی شاندار اننگز کھیل کر آؤٹ ہوئے۔ انہوں نے 104 گیندوں پر 12 چوکے اور ایک چھکا لگایا۔
شاہینز کی فتح میں اہم کردار حیدر علی کی دھواں دار اننگز کا بھی تھا جو 40 گیندوں پر ناقابل شکست 55 رنز بنا کر میدان سے واپس لوٹے۔ ان کی اننگز میں پانچ چوکے اور تین بلند و بالا چھکے شامل تھے۔
میزبان ٹیم کی جانب سے لیگ اسپنر ہیریسن سب سے کامیاب بولر رہے جنہوں نے 48 رنز دے کر دو وکٹیں حاصل کیں۔
اس سے قبل پروفیشنل کاؤنٹی کلب سیلیکٹ الیون نے ٹاس جیت کر پہلے بیٹنگ کا فیصلہ کیا اور پوری ٹیم 46.
عبید نے نہ صرف فارم میں موجود اوپنر ول اسمیڈ کو صرف 8 رنز پر آؤٹ کیا بلکہ حریف ٹیم کے ٹاپ اسکورر اولی سائےکس کو بھی 64 رنز پر میدان بدر کیا جس نے 56 گیندوں پر دو چوکے اور پانچ چھکے لگائے۔ ٹام لاؤس نے 49 اور وکٹ کیپر بیٹر تھامس نے 44 رنز اسکور کیے۔
موسیٰ خان نے دو وکٹیں حاصل کیں جبکہ میر حمزہ اور سعود شکیل نے ایک، ایک کھلاڑی کو آؤٹ کیا۔
پاکستان شاہینز نے سیریز کا پہلا میچ بھی پانچ وکٹوں سے جیتا تھا (ڈی ایل ایس میتھڈ کے تحت) اور اب وہ 29 جولائی سے اسی گراؤنڈ پر تین روزہ میچ کھیلیں گے۔
دوسرا تین روزہ مقابلہ 3 سے 5 اگست کو کینٹربری کے اسپٹ فائر گراؤنڈ میں ساؤتھ ایشین کرکٹ اکیڈمی اور ایم سی سی ینگ کرکٹرز کے خلاف کھیلا جائے گا۔
ذریعہ: Express News
کلیدی لفظ: آزاد اویس شاہینز نے گیندوں پر چوکے اور
پڑھیں:
انگلش بلے باز جو روٹ، سچن ٹنڈولکر کا ریکارڈ توڑنے کے قریب
انگلینڈ کے سابق ٹیسٹ کپتان جو روٹ ٹیسٹ کرکٹ کی تاریخ دوسرے سب سے زیادہ رنز (13409) بنانے والے بلے باز بن گئے۔
جو روٹ نے یہ کارنامہ مانچیسٹر میں بھارت کے خلاف جاری سیریز کے چوتھے ٹیسٹ کی پہلی اننگز میں انجام دیا۔
کھیل کے تیسرے روز جو روٹ نے 11 رنز سے اننگز کا آغاز کیا اور 30 کے انفرادی اسکور پر بھارت کے راہول ڈراوڈ کو پیچھے چھوڑا۔ اگلی ہی گینڈ پر کوور پر سنگل لے کر وہ جنوبی افریقا کے آل راؤنڈر جیک کیلس سے آگے نکل گئے۔
بعد ازاں 120 رنز پر انہوں نے سابق آسٹریلوی کپتان رکی پونٹنگ کو تیسرے نمبر پر دھکیل کر دوسرا نمبر حاصل کر لیا۔ جس وقت انہوں نے یہ کارنامہ انجام دیا اس وقت رکی پونٹنگ کمنٹری بکس میں موجود تھے اور انہوں نے آن ایئر جو روٹ کو مبارکباد دی۔
انگلینڈ کے مڈل آرڈر بلے باز کو بھارت کے لیجنڈ بلے باز سچن ٹنڈولکر کو پیچھے چھوڑنے کے لیے 2512 رنز درکار ہیں۔
چوتھے ٹیسٹ کی پہلی اننگز میں جو روٹ نے 150 رنز بنا کر واشنگٹن سندر کی گیند پر اسٹمپ ہوئے۔
190 ملین پاؤنڈ کرپشن کیس میں شہزاد اکبر کا مرکزی کردار ثابت