ورلڈ ٹیسٹ چیمپیئن شپ فائنل: جنوبی افریقہ کے خلاف دوسری اننگز میں آسٹریلیا کے 8 وکٹوں پر 144 رنز
اشاعت کی تاریخ: 12th, June 2025 GMT
آئی سی سی ٹیسٹ چیمپیئن شپ 2023-25 کے فائنل کے دوسرے روز کے اختتام پر جنوبی افریقہ کے خلاف آسٹریلیا نے اپنی پوزیشن قدرے بہتر کرلی۔ دفاعی چیمپیئن کو دوسری اننگز میں 8 وکٹوں پر 144 اسکور کرنے کے بعد 218 رنز کی لیڈ حاصل ہوگئی۔
آسٹریلیا کی پہلی اننگز کے 212 رنز کے جواب میں جنوبی افریقہ کے بلے باز جم کر نہیں کھیل سکے تھے۔ پہلی مرتبہ چیمپیئن شپ جیتنے کا خواب لیے جنوبی افریقہ کی پوری ٹیم صرف 138 رنز کر آل آؤٹ ہوگئی تھی۔
ٹیسٹ چیمپئن شپ فائنل کے دوسرے روز کھیل کے آغاز پر جنوبی افریقہ نے 4 وکٹوں کے نقصان پر جب دوبارہ بیٹنگ شروع کی تو ان کے بیٹرز پہلے روز کے مقابلے میں کافی پر اعتماد نظر آئے۔
کپتان ٹمبا باؤما اور ڈیوڈ بیڈنگھم کے درمیان 64 رنز کی مستحکم پارٹنر شپ کے بعد جنوبی افریقہ کو کچھ امید ضرور ملی تاہم 94 کے مجموعی اسکور پر جب کپتان ٹمبا باؤما 36 رنز بنا پیٹ کمنز کا شکار ہوئے تو اس کے بعد جنوبی افریقی بیٹرز کینگروز کے سامنے زیادہ دیر تک مزاحمت کرنے میں ناکام رہے اور پوری ٹیم صرف 138 رنز بنا کر پویلین واپس لوٹ گئی۔
آسٹریلیا کے کپتان پیٹ کمنز نے تباہ کن بولنگ کرتے ہوئے 28 رنز دے کر 6 وکٹیں حاصل کیں۔ مچل اسٹارک 2 اور جوش ہیزل ووڈ ایک وکٹ حاصل کرنے میں کامیاب رہے۔
بعد ازاں آسٹریلیا نے دوسرے کھیل کے اختتام تک اپنی دوسری اننگز میں 8 وکٹوں کے نقصان پر 144 رنز بنائے۔ اس طرح انہیں جنوبی افریقہ کے خلاف اب تک کل 218 رنز کی برتری حاصل ہوچکی ہے اور اس کی 2 وکٹیں ابھی باقی ہیں۔ اب دیکھنا یہ ہے کہ تیسرے روز جمعے کو آسٹریلیا کا دیا ہوا ٹارگٹ جنوبی افریقہ کے لیے سہل ثابت ہوتا ہے یا پہلی اننگز کی طرح ان کے بلے باز دفاعی چیمپیئن کے بولرز کے سامنے بے بس ہوجاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئی سی سی ورلڈ ٹیسٹ چیمپئن شپ آسٹریلیا جنوبی افریقہ.ذریعہ: WE News
کلیدی لفظ: آئی سی سی ورلڈ ٹیسٹ چیمپئن شپ ا سٹریلیا جنوبی افریقہ جنوبی افریقہ کے ا سٹریلیا
پڑھیں:
جنوبی افریقہ میں شدید برفباری، 12 افراد ہلاک
جنوبی افریقہ میں برف باری کے باعث کم از کم 12 افراد ہلاک ہونے کی اطلاع ہے جبکہ 5 لاکھ گھروں کی بجلی بھی منقطع ہے۔
یہ بھی پڑھیں: کرہ ارض کے 15 گرم ترین مقامات میں پاکستان کے کتنے شہر شامل؟
غیر ملکی میڈیا کے مطابق ریاست مشرقی کیپ میں اسکول کے بچوں کو لے کر جانے والی بس سیلابی ریلے میں بہہ گئی اور اب تک 3 بچوں کو زندہ نکالا جا چکا ہے لیکن یہ ابھی واضح نہیں کہ بس میں کتنے بچے سوار تھے۔
علاوہ ازیں صوبے کے او آر ٹمبو ضلعے میں 7 افراد سیلابی پانی میں بہہ کر ہلاک ہوگئے جن کی لاشیں مل چکی ہیں۔
جنوبی افریقہ کو حالیہ دنوں میں شدید برف باری، بارشوں اور تیز ہواؤں کا سامنا رہا ہے جن کے باعث ایک اور سڑک حادثے میں 5 افراد ہلاک ہو چکے ہیں اس طرح اب تک ہلاک ہونے والوں کی تعداد 12 ہوچکی ہے۔
5 افراد اس وقت ہلاک ہوئے جب ایک منی بس مشرقی لندن کے ساحلی شہر کے قریب الٹ گئی۔ ڈرائیور نے ایک گرے ہوئے درخت سے بچنے کی کوشش میں گاڑی پر کنٹرول کھو دیا تھا۔ اس حادثے میں دو افراد زخمی بھی ہوئے تھے۔
تقریباً 5 لاکھ گھروں کو بجلی کی فراہمی بھی منقطع ہو چکی ہے۔
مزید پڑھیے: موسمیاتی بحران: 2025 گلیشیئرز کے تحفظ کا سال قرار
مشرقی کیپ ان برفانی حالات سے سب سے زیادہ متاثر ہوا ہے اور اس کے ساتھ ساتھ کوزالو نیٹل صوبہ بھی شدید متاثر ہے۔
خراب موسم کے باعث ان دونوں صوبوں میں کچھ بڑی سڑکیں بند کر دی گئی ہیں تاکہ مزید جانی نقصان سے بچا جا سکے۔
شدید برف باری کی وجہ سے سڑکوں پر بڑی گاڑیاں پھنس گئی ہیں جس سے ٹریفک میں شدید رکاوٹ پیدا ہو گئی ہے۔ برف کی تہہ کو ہٹانے کی کوشش کی جا رہی ہے جس کی موٹائی 12 انچ سے زیادہ تک پہنچنے کا خدشہ ہے۔
سمندر میں تیز ہواؤں اور اونچی لہروں کے باعث بھی بحری جہازوں کو نقل و حرکت کو مشکل کا سامنا ہے۔
مزید پڑھیں: گلگت بلتستان کے پہاڑی علاقے بھی موسمیاتی تبدیلی کے نرغے میں
واضح رہے کہ جنوبی افریقہ میں سردیوں کا موسم ہے جس کے دوران جون، جولائی اور اگست کے مہینوں میں مسلسل برفباری کا سامنا رہتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جنوبی افریقہ جنوبی افریقہ میں برفباری جنوبی افریقہ میں ہلاکتیں
قرض ادائیگی میں ہوشربا اضافہ، 6 سال میں سود 2 ہزار سے بڑھ کر 8600 ہزار ارب ہوگیا