اٹلی: 'صدی کی شادی' کی تقریب کے خلاف احتجاج کیوں ہو رہا ہے؟
اشاعت کی تاریخ: 25th, June 2025 GMT
اسلام آباد (اُردو پوائنٹ ۔ DW اردو۔ 25 جون 2025ء) معروف ارب پتی اور ایمیزون کے بانی جیف بیزوس نے اطالوی شہر وینس میں اختتام ہفتہ ہونے والے پروگرام کے خلاف مظاہروں کے سبب ٹی وی کی سابق میزبان اور پروگرام پیش کرنے والی خاتون لارین سانچیز کے ساتھ اپنی شادی کی تقریب کا مقام تبدیل کر دیا ہے۔
شادی کی تقریب کے بارے میں یہ خبریں تھیں کہ ہفتے کے روز وینس کے ایک مشہور اور مرکزی نائٹ لائف کے علاقے، کیناریگیو کے سکولا گرانڈ دی سانتا ماریا ڈیلا میسریکورڈیا، میں منعقد کی جائے گی، تاہم اب حفاظتی وجوہات کی بناء پر اس تقریب کو لگون شہر کے ایک الگ تھلگ، کم قابل رسائی والے حصے میں منتقل کر دیا گیا ہے۔
سیاحوں کا پسندیدہ شہر وینس، لیکن نہروں میں کوڑا اتنا زیادہ
اس متوقع تقریب کے کافی تذکرے ہیں، جسے "صدی کی شادی" کا نام دیا گیا ہے۔
(جاری ہے)
امریکی صدر ڈونلڈ ٹرمپ کی بیٹی ایوانکا اور ان کے شوہر جیراڈ کشنر سمیت مشہور شخصیات اس میں شرکت کرنے والی ہیں اور اطلاعات ہیں کہ یہ دونوں پہلے ہی وینس پہنچ چکے ہیں۔
مارکو پولو: قدیم یورپ کو چونکا دینے والا سفر نامہ نگار
استقبالیہ کا مقام تبدیلجیف بیزوس کی شادی کی تقریب میں تقریباً 250 اہم مہمانوں کے شامل ہونے کی توقع ہے اور اب یہ شہر کے آرسنیل میں منعقد کی جائے گی۔
یہ جگہ وینس بینالے آرٹ میلے کے نمائش کا مقام ہے۔ یہ مقام شہر کے مرکزی علاقے سے دور واقع ہے، جو اصل میں 15ویں صدی میں اپنے عروج کے دور میں وینیشین ریپبلک کی سمندری سروس کا ایک شپ یارڈ تھا۔اس مقام کو قرون وسطیٰ کے اس سابق مذہبی اسکول سے زیادہ محفوظ سمجھا جاتا ہے جہاں ابتدائی طور پر شادی کی پارٹی کا انعقاد ہونا تھا۔ یہ علاقہ پانی سے گھرا ہوا ہے جس کی وجہ سے جب پل بنائے جاتے ہیں تو زمینی راستے سے اس تک رسائی ناممکن ہو جاتی ہے۔
اسرائیلی اور ایرانی فلم سازوں کی مشترکہ پیشکش ’تاتامی‘ وینس فلم فیسٹیول میں
شہر کو امیروں کے لیے نجی پارک میں تبدیل کرنے کے خلاف احتجاجمقامی رہائشیوں اور دباؤ بنانے والے گروپوں سمیت مظاہرہ کرنے والے افراد اس شادی کی تقریب کے خلاف ہفتوں سے احتجاجی ریلیاں نکال رہے تھے۔ ان کی دلیل تھی کہ یہ تقریب شہر کو امیروں کے لیے ایک نجی تفریحی پارک میں تبدیل کر دے گی۔
بڑھتی سیاحتی سرگرمیوں سےنمٹنے کے لیے اٹلی کے اقدامات
مظاہرین شہر کے حکام سے مطالبہ کر رہے ہیں کہ وہ سیاحوں کی ضروریات پر مقامی ضروریات کو ترجیح دیں۔ اطلاعات ہیں کہ ہفتے کے روز وینس کی نہروں، پلوں اور تنگ گلیوں میں اس طرح کے مزید مظاہرے کیے جائیں گے تاکہ اس مجوزہ پروگرام کو ایمیزون کے بانی اور ان کے مہمانوں کے لیے "ڈراؤنے خواب" میں تبدیل کیا جا سکے۔
وینس: دوسری عالمی جنگ کے زمانے کا بم ملنے کے بعد شہر بند
خبر رساں ادارے روئٹرز نے شادی کی تقریب کے خلاف مہم چلانے والے ایک کارکن توماسو کیزرائی کا بیان نقل کیا ہے، جن کا کہنا تھا: "میسریکورڈیا سے بیزوس کے بھاگنے کی خبر ہمارے لیے ایک عظیم فتح ہے۔"
بیزوس سانچیز کی شادی کی جگہ خفیہ ہےصدی کی اس شادی کی صحیح تاریخ اور مقام کو سکیورٹی وجوہات کی بنا پر اب تک خفیہ رکھا گیا ہے۔
شہر کے صدر لوکا زیا کے مطابق شادی اور اس موقع پر منعقد ہونے والی پارٹیوں پر 55 ملین ڈالر کی لاگت متوقع ہے۔
اطالوی میڈیا رپورٹس کے مطابق اس شادی کی تقریب کے موقع پر ہی بیزوس بڑے پیمانے پر خیراتی عطیات بھی دیں گے، جس میں ایک ملین یورو کی وہ رقم بھی شامل ہے، جو وہ وینس کے لیگون ماحولیاتی نظام کا مطالعہ کرنے والے ایک تعلیمی ادارے کو دیں گے۔
صدر لوکا زیا نے اس شادی کی تقریب کا دفاع کیا اور مظاہرین پر تنقید کرتے ہوئے کہا کہ تقریبات سے مقامی کاروباروں کو 55 ملین ڈالر تک کی آمدن ہو گی، جس میں مہمانوں کو قریبی ہوائی اڈوں تک لے جانے کے لیے 90 نجی جیٹ طیاروں کی خدمات بھی شامل ہیں۔
ادارت: جاوید اختر
.
ذریعہ
ذریعہ: UrduPoint
کلیدی لفظ: تلاش کیجئے شادی کی تقریب کے اس شادی کی کی شادی کے خلاف شہر کے کے لیے
پڑھیں:
پاکستان اور اٹلی کے درمیان سفارتی پاسپورٹ پر ویزے کی شرط ختم
روم: پاکستان اور اٹلی کے درمیان سفارتی پاسپورٹ پر ویزے کی شرط ختم کر دی گئی۔پاکستان کے سفیر علی جاوید اور اٹلی کی وزارتِ خارجہ کے سیکرٹری جنرل، عزت مآب سفیر ریکارڈو گوارِیلیا نے حال ہی میں ایک ایسے معاہدے پر دستخط کئے ہیں. جس کے تحت سفارتی پاسپورٹ رکھنے والے افراد کیلئے ویزا کی شرط ختم کر دی گئی ہے. معاہدے پر دستخط کی پُروقار تقریب اٹلی کی وزارتِ خارجہ میں روم میں منعقد ہوئی۔تقریب سے قبل دونوں اعلیٰ حکام کے درمیان ون آن ون ملاقات ہوئی. دونوں فریقوں نے پاکستان اور اٹلی کے درمیان تزویراتی تعاون کی مضبوطی، وسعت اور مسلسل ترقی پر اطمینان کا اظہار کیا۔اس موقع پر دونوں ممالک کے درمیان روایتی طور پر دوستانہ اور تعمیری دوطرفہ تعلقات کا جامع جائزہ لیا گیا، جبکہ اقوامِ متحدہ اور یورپی یونین سمیت مختلف بین الاقوامی فورمز پر جاری تعاون پر بھی تبادلۂ خیال کیا گیا۔دونوں جانب سے اس معاہدے کو باہمی اعتماد اور دوستی کی عکاسی قرار دیا گیا اور اسے موجودہ دوطرفہ تعاون کے نظام میں ایک اہم اضافہ قرار دیا گیا. معاہدے سے سفارتی وفود کے تبادلوں میں آسانی پیدا ہوگی اور دونوں ممالک کے درمیان روابط مزید مستحکم ہوں گے۔پاکستان اور اٹلی کے درمیان اس وقت متعدد نئے معاہدوں پر غور جاری ہے. اس کے علاوہ دونوں ممالک کی جامعات اور تحقیقی اداروں کے درمیان 21 مفاہمتی یادداشتیں (MoUs) موجود ہیں، جبکہ سیاحت، ثقافت، سائنس و ٹیکنالوجی، کھیل، اعلیٰ دفاعی مطالعات اور منشیات کی سمگلنگ کے خلاف تعاون سمیت مختلف شعبوں میں دونوں حکومتوں کے درمیان 15 معاہدے طے پا چکے ہیں۔دفاعی تعاون کا معاہدہ 2009 میں طے پایا، جبکہ 2013 میں دونوں ممالک کے وزرائے خارجہ کے درمیان سٹریٹجک انگیجمنٹ پلان قائم کیا گیا، اسی طرح مشترکہ اقتصادی کمیشن 2005 میں تشکیل دیا گیا، سرمایہ کاری کے تحفظ کا معاہدہ 1997 میں طے پایا، دوہری شہریت کا معاہدہ 1983 میں جبکہ حوالگیِ ملزمان (Extradition) کا معاہدہ 1972 میں دستخط کیا گیا تھا۔اس سے قبل 7 مئی 2025 کو اسلام آباد میں پاکستان اور اٹلی کے درمیان ’’لیبر موبیلٹی اینڈ مائیگریشن‘‘ کے موضوع پر ایک مفاہمتی یادداشت پر دستخط ہوئے تھے، جو کسی یورپی ملک کے ساتھ پاکستان کا پہلا باقاعدہ لیبر معاہدہ ہے، اس معاہدے کے تحت پاکستانی افرادی قوت کو اٹلی میں پاکستانی شہریوں کیلئے مختص 10,500 ملازمتوں کے کوٹے سے فائدہ اٹھانے کا موقع حاصل ہوگا۔پاکستانی سفیر نے سیکرٹری خارجہ کی جانب سے سیکرٹری جنرل کو ساتویں دورِ دوطرفہ سیاسی مشاورت میں شرکت کیلئے پاکستان کے دورے کی دعوت بھی دی، انہوں نے 2026 کی آخری سہ ماہی میں اس اجلاس کے انعقاد کیلئے پاکستان کی آمادگی سے آگاہ کیا اور اسلام آباد میں اٹلی کے نئے سفارت خانے کے افتتاح کی خواہش کا اظہار کیا، جو اٹلی کا بیرونِ ملک سب سے بڑا سفارتی مشن ہوگا. اس موقع پر دونوں ممالک کے درمیان تعلقات کی اہمیت کو بھی اجاگر کیا گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ