محرم الحرام کے دوران سیکیورٹی انتظامات : ایف سی ہیڈکوارٹرز کوئٹہ میں اہم کانفرنس
اشاعت کی تاریخ: 2nd, July 2025 GMT
فرنٹیئر کور (ایف سی) بلوچستان نارتھ کے ہیڈکوارٹرز کوئٹہ میں محرم الحرام کے حوالے سے ایک اہم سیکیورٹی کانفرنس کا انعقاد کیا گیا ہے۔ کانفرنس کی صدارت آئی جی ایف سی بلوچستان نارتھ میجر جنرل عابد مظہر نے کی، جس میں کمشنر کوئٹہ ڈویژن حمزہ شفقات، شیعہ و سنی علماء کرام، تاجر برادری اور زندگی کے مختلف شعبوں سے تعلق رکھنے والے افراد نے شرکت کی۔
یہ بھی پڑھیں: محرم الحرام میں سیکیورٹی خدشات، پنجاب میں 1421 ذاکرین و مقررین ضلع بند، 809 کی زباں بندی
اجلاس میں محرم الحرام کے دوران جلوسوں اور مجالس کے پرامن اور محفوظ انعقاد کے لیے حفاظتی اقدامات کو حتمی شکل دی گئی۔ شرکا نے اس سلسلے میں ایف سی اور ضلعی انتظامیہ کے ساتھ مکمل تعاون کی یقین دہانی کرائی۔
آئی جی ایف سی میجر جنرل عابد مظہر نے کہا کہ محرم الحرام میں بھرپور سیکیورٹی انتظامات کیے جائیں گے تاکہ عوام اپنے مذہبی فرائض امن و امان کے ساتھ ادا کر سکیں۔ انہوں نے کہا کہ تمام شرکاء کا اس سلسلے میں کردار انتہائی اہم ہے اور ان کی شراکت کے بغیر امن قائم رکھنا ممکن نہیں۔
یہ بھی پڑھیں: محرم الحرام میں سیکیورٹی ہائی الرٹ، ملک بھر میں فوج کی تعیناتی کا فیصلہ
عالم دین قاری عبید اللہ نے کہا کہ ایف سی کا کردار دشمنوں کے ناپاک عزائم کو ناکام بنانے میں کلیدی حیثیت رکھتا ہے۔ ان کا کہنا تھا کہ آج کی ملاقات میں اس بات پر اتفاق ہوا کہ محرم کے دوران سیکیورٹی انتظامات کو مکمل ہم آہنگی اور خوش اسلوبی سے پایہ تکمیل تک پہنچایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اجلاس ایف سی ہیڈکوارٹر بلوچستان سیکیورٹی محرم الحرام.ذریعہ: WE News
کلیدی لفظ: اجلاس ایف سی ہیڈکوارٹر بلوچستان سیکیورٹی محرم الحرام
پڑھیں:
ایران کے اسپیکر قومی اسمبلی کو پاکستان کے دورے کی دعوت
بین الپارلیمانی اسپیکرز کانفرنس (ISC) کا پہلا ورکنگ سیشن سینیٹ آف پاکستان کی میزبانی میں 11-12 نومبر کو اسلام آباد میں ہوگا۔ اس کانفرنس کے انقعاد کا مقصد، عالمی امن و سلامتی کے قیام، نیز مشترکہ عالمی چیلنجوں سے نمٹنے کے لیے پارلیمانی راہنماؤں کے درمیان بات چیت کو مضبوط بنانے پر توجہ مرکوز کرنا ہے۔ اسلام ٹائمز۔ پاکستانی سینیٹ کے چیرمین نے ایران کی قومی اسمبلی مجلس شورائے اسلامی کے اسپیکر محمد باقر قالیباف کو اسلام آباد کا دورے اور بین الاقوامی اسپیکرز کانفرنس کے پہلے اجلاس میں شرکت کی باضابطہ دعوت دی ہے۔ پاکستانی سینیٹ کے اسپیکر کی مشیر محترمہ مصباح گوہر اور اسلام آباد میں متعین ایران کے ڈپٹی ایمبسیڈر نبی شیرازی کے درمیان ہونے والی ملاقات کے دوران پاکستانی سینیٹ کے چیرمین سید یوسف رضا گیلانی کی جانب سے اسپیکر ڈاکٹر باقر قالیباف کو دورہ پاکستان اور آئی ایس سی کانفرنس میں شرکت کا باضابطہ دعوت نامہ پیش کیا گیا۔
اس ملاقات میں ایران کے صوبہ گیلان کے شہر رشت اور پاکستان کے شہر ملتان کو جڑواں شہر قرار دینے کے بارے میں پاکستانی سینیٹ کے چیرمین کا نقطہ نظر پیش کیا گیا جس کا مقصد دونوں دوست اور ہمسایہ ممالک کے درمیان ثقافتی، تاریخی اور اقتصادی تعلقات کو تقویت دینا ہے۔ بین الپارلیمانی اسپیکرز کانفرنس (ISC) کا پہلا ورکنگ سیشن سینیٹ آف پاکستان کی میزبانی میں 11-12 نومبر کو اسلام آباد میں ہوگا۔ اس کانفرنس کے انقعاد کا مقصد، عالمی امن و سلامتی کے قیام، نیز مشترکہ عالمی چیلنجوں سے نمٹنے کے لیے پارلیمانی راہنماؤں کے درمیان بات چیت کو مضبوط بنانے پر توجہ مرکوز کرنا ہے۔
محکمہ موسمیات کی بارش اور شدید حبس کی پیشگوئی