جدہ میں بڑی سفارتی پیش رفت، ولی عہد اور عباس عراقچی کی اہم بیٹھک
اشاعت کی تاریخ: 9th, July 2025 GMT
JEDDAH:
سعودی ولی عہد و وزیراعظم شہزادہ محمد بن سلمان نے جدہ کے السلام پیلس میں ایرانی وزیر خارجہ عباس عراقچی اور ان کے وفد سے ملاقات کی۔
یہ ملاقات سعودی عرب اور ایران کے درمیان تعلقات کو مضبوط بنانے اور خطے میں جاری کشیدگی کے دوران باہمی تعاون کو فروغ دینے کی کوششوں کا حصہ ہے۔
سعودی خبر رساں ایجنسی کے مطابق ملاقات میں دونوں رہنماؤں نے سعودی-ایرانی تعلقات کے موجودہ حالات کا جائزہ لیا اور خطے میں حالیہ پیش رفت پر تفصیلی تبادلہ خیال کیا۔
عرب میڈیا کے مطابق شہزادہ محمد بن سلمان نے ایران اور اسرائیل کے درمیان جاری جنگ بندی معاہدے کو خطے میں سلامتی اور استحکام کے لیے ایک مثبت قدم قرار دیا، اور امید ظاہر کی کہ یہ پیش رفت دیرپا امن کی راہ ہموار کرے گی۔
#WATCH: #SaudiArabia's Crown Prince Mohammed bin Salman and #Iran's FM @araghchi meet for talks with high-ranking delegations from both countries (Video: @spagov ) https://t.
انہوں نے سعودی عرب کے اس دیرینہ مؤقف کا اعادہ کیا کہ علاقائی تنازعات کے حل کے لیے سفارتی ذرائع اور مکالمے کو ترجیح دی جائے، تاکہ تنازعات کو کم کیا جا سکے اور مشترکہ ترقی کو ممکن بنایا جا سکے۔
ایرانی وزیر خارجہ عباس عراقچی نے سعودی عرب کی جانب سے اسرائیلی جارحیت کی مذمت کو سراہتے ہوئے خطے میں امن کے فروغ کے لیے ولی عہد شہزادہ محمد بن سلمان کی ذاتی کوششوں کو خراجِ تحسین پیش کیا۔
ملاقات میں سعودی وزیر دفاع شہزادہ خالد بن سلمان بن عبدالعزیز، وزیر خارجہ شہزادہ فیصل بن فرحان بن عبداللہ، اور قومی سلامتی کے مشیر مساعد بن محمد العیبان سمیت دیگر اعلیٰ سعودی حکام بھی موجود تھے۔
قبل ازیں ایرانی وزیر خارجہ کی مکہ مکرمہ میں سعودی وزیر خارجہ شہزادہ فیصل بن فرحان سے ملاقات ہوئی جس میں دونوں ممالک کے درمیان دوطرفہ تعلقات اور خطے میں تعاون کے فروغ پر تبادلہ خیال کیا گیا۔
ملاقاتوں کے دوران مشرق وسطیٰ کی بدلتی ہوئی صورتحال اور خطے میں سلامتی اور استحکام کو یقینی بنانے کے لیے مشترکہ اقدامات پر بھی بات چیت کی گئی۔
ذریعہ: Express News
کلیدی لفظ: اور خطے میں کے لیے
پڑھیں:
فیلڈ مارشل عاصم منیر سے مصری وزیر خارجہ کی ملاقات؛ دفاعی تعاون بڑھانے پر اتفاق
چیـف آف آرمی اسٹاف فیلڈ مارشل سید عاصم منیر سے مصر کے وزیر خارجہ ڈاکٹر بدر عبدالعاطی نے جنرل ہیڈکوارٹرز (جی ایچ کیو) میں ملاقات کی، جس میں پاکستان اور مصر کے برادرانہ تعلقات سمیت باہمی دلچسپی کے امور پر گفتگو کی گئی۔پاک فوک کے شعبہ تعلقات عامہ (آئی ایس پی آر) کے مطابق ملاقات میں دفاع اور سلامتی کے شعبوں میں تعاون، عسکری روابط، تربیتی اشتراک اور علاقائی امن و استحکام سے متعلق امور پر تفصیلی تبادلہ خیال کیا گیا۔دونوں ممالک کی قیادت نے دوطرفہ دفاعی شراکت داری کو مزید مضبوط بنانے کے عزم کا اظہار کیا جبکہ خطے میں امن و استحکام کے لیے قریبی رابطوں اور مشاورتی عمل کو ناگزیر قرار دیا گیا۔وزیر خارجہ نے مصر کی قیادت کی جانب سے پاکستان کے لیے نیک خواہشات بھی پہنچائیں۔ملاقات میں پاکستان اور مصر کے درمیان اسٹریٹیجک تعاون بڑھانے پر اتفاق کیا گیا اور ابھرتے ہوئے علاقائی چیلنجز سے نمٹنے کے لیے مسلسل اعلیٰ سطحی روابط کی اہمیت پر بھی زور دیا گیا.
بَلتستان کی یَخ بَستہ فضاؤں میں المیثم ٹرسٹ کی دلنشین خدمات