اسحاق ڈار اور سعودی وزیرِ خارجہ کی ٹیلیفونک گفتگو، علاقائی صورتحال پر تبادلہ خیال
اشاعت کی تاریخ: 16th, October 2025 GMT
نائب وزیراعظم و وزیرِ خارجہ سینیٹر محمد اسحاق ڈار نے آج سعودی عرب کے وزیرِ خارجہ شہزادہ فیصل بن فرحان سے ٹیلیفون پر گفتگو کی، جس میں علاقائی صورتحال اور حالیہ پیش رفت پر تبادلہ خیال کیا گیا۔
Deputy Prime Minister/Foreign Minister Senator Mohammad Ishaq Dar @MIshaqDar50 received a telephone call today from H.
H.H. Prince Faisal… pic.twitter.com/gepL0fMETM
— Ministry of Foreign Affairs – Pakistan (@ForeignOfficePk) October 16, 2025
سعودی وزیرِ خارجہ شہزادہ فیصل بن فرحان نے خطے میں امن و سلامتی کے فروغ کے لیے پاکستان کے عزم کو سراہا اور علاقائی استحکام کے لیے مشترکہ اور اجتماعی کوششوں کی ضرورت پر زور دیا۔
یہ بھی پڑھیں: کور کمانڈرز کانفرنس میں پاکستان سعودی عرب اسٹریٹجک باہمی دفاعی معاہدے کاخیر مقدم
نائب وزیراعظم و وزیرِ خارجہ اسحاق ڈار نے مملکتِ سعودی عرب کی مسلسل حمایت پر شکریہ ادا کرتے ہوئے اس عزم کا اعادہ کیا کہ پاکستان، سعودی عرب کے ساتھ قریبی اشتراکِ عمل جاری رکھتے ہوئے علاقائی و بین الاقوامی معاملات پر تعاون کو مزید فروغ دے گا۔
پاکستان اور سعودی عرب کے درمیان تعلقات طویل عرصے سے مذہبی، اقتصادی اور سفارتی بنیادوں پر استوار ہیں۔ حالیہ عرصے میں دونوں ممالک نے توانائی، سرمایہ کاری، اور دفاعی شعبوں میں تعاون کو وسعت دینے کے لیے متعدد اقدامات کیے ہیں۔
مزید پڑھیں:پاکستان سعودی عرب کا ہر فورم پر بھرپور ساتھ دے گا: وزیراعظم شہباز شریف کی سعودی ولی عہد کو یقین دہانی
خطے میں جاری کشیدگی اور مشرقِ وسطیٰ کی بدلتی ہوئی صورتحال کے تناظر میں اسلام آباد اور ریاض کے مابین اعلیٰ سطحی رابطے خطے میں امن و استحکام کے لیے باہمی مشاورت اور تعاون کو مضبوط بنانے کی ایک اہم کڑی تصور کیے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار پاکستان سعودی عرب وزیر خارجہذریعہ: WE News
کلیدی لفظ: اسحاق ڈار پاکستان اسحاق ڈار کے لیے
پڑھیں:
صدر آصف علی زرداری سے فیلڈ مارشل عاصم منیر کی ملاقات، داخلی و خارجی سلامتی کی صورتحال پر تبادلہ خیال
چیف آف آرمی اسٹاف، فیلڈ مارشل سید عاصم منیر نے آج ایوان صدر میں صدر آصف علی زرداری سے ملاقات کی آئینی سربراہ کو ملک کی مجموعی داخلی اور خارجی سلامتی کی صورتحال سے آگاہ کیا۔
یہ بھی پڑھیں: ٹرمپ کی ایک بار پھر وزیراعظم اور فیلڈ مارشل کی تعریف، شہباز شریف کو خود خطاب کی دعوت دی
ملاقات کے دوران فیلڈ مارشل نے نے افغان طالبان کے جارحانہ اور اشتعال انگیز اقدامات کی وجہ سے پیدا ہونے والی حالیہ سلامتی صورتحال اور پاک فوج کی جانب سے مناسب اور موزوں ردعمل کے بارے میں بھی بریف کیا۔
صدر زرداری نے پاکستان کی مسلح افواج کی طاقت، بہادری، صلاحیت اور تیاری پر مکمل اعتماد کا اظہار کیا۔
انہوں نے سرحدوں کی حفاظت اور افغان سرحد پر بارڈر پار حملوں کو فوری طور پر پسپا کرنے میں ان کی چوکس اور پیشہ ورانہ کارکردگی کی تعریف کی۔
مزید پڑھیے: پاک فوج کا اسپن بولدک اور چمن سیکٹر میں بھرپور جواب، افغان طالبان نے جنگ بندی کی درخواست کر دی
صدر نے اس عزم کا اعادہ کیا کہ پاکستان اپنی قومی خودمختاری اور علاقائی سالمیت کا ہر صورت دفاع کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان کی داخلی و خارجی صورتحال چیف آف آرمی اسٹاف فیلڈ مارشل سید عاصم منیر صدر مملکت آصف علی زرداری
ٹی ایل پی کو محدود رکھنے کی کوششوں کے باعث لاہور میں کشیدگی، جڑواں شہروں میں موبائل انٹرنیٹ سروس معطل