روسی قانون سازوں نے اینیمٹڈ کریکٹرز کے خلاف محاذ کھول دیا
اشاعت کی تاریخ: 10th, July 2025 GMT
روسی اراکینِ پارلیمان نے پیر کے روز ایک گول میز کانفرنس میں مغربی اینی میٹڈ فلموں، کھلونوں اور ویڈیو گیمز پر سخت تنقید کی، اور کہا کہ ’ Shrek‘ جیسے خیالی کردار روسی بچوں پر تباہ کن اثرات ڈال رہے ہیں۔
یہ بھی پڑھیں:چینی فلم’نیژا 2′ اینیمیٹڈ فلم باکس آفس میں پہلے نمبر پر
روس کی اسٹیٹ ڈوما کی رکن یانا لانتراتوووا نے اپنی پریزنٹیشن میں کہا، یہ کردار بظاہر برے نہیں لگتے، لیکن ان کی ظاہری شکل اور شخصیت میں واضح خامیاں ہوتی ہیں۔
انہوں نے سوویت دور کی بچوں کی فلموں اور کھلونوں کا موازنہ مغربی ذرائع سے آنے والے کرداروں سے کیا۔ اس موقع پر پیش کی جانے والی پرزنٹیشن میں ایک سلائیڈ میں لکھا تھا:
’جب سے مغربی ثقافت ہماری طرف آئی ہے، منفی صفات والے کردار مثبت کرداروں کی طرح پیش کیے جانے لگے ہیں۔ خالص مثبت کرداروں کی تصویر دھندلا گئی ہے‘۔
اس سلائیڈ پر ’ Shrek‘، ’گرنچ‘ اور 2001 کی فلم ’مونسٹرز اِنک‘ کے کرداروں کی تصاویر شامل تھیں۔
’اے جسٹ رشیا‘ پارٹی کے سربراہ سرگئی میرونوف نے مغرب پر روس کے خلاف ہائبرڈ وار (غیر روایتی جنگ) کا الزام لگایا اور خبردار کیا کہ ماسکو مخالف حکومتیں ایک پرانی کہاوت پر عمل کر رہی ہیں:
’اگر دشمن کو شکست دینی ہے، تو اس کے بچوں کی تربیت کرو‘۔
میرونوف نے کہا کہ بدقسمتی سے مغربی ممالک بہت منظم طریقے سے ہمارے بچوں کے اذہان پر اثرانداز ہو رہے ہیں۔
لانتراتوووا، جو ’اے جسٹ رشیا‘ پارٹی سے تعلق رکھتی ہیں اور پارلیمان میں شہری سماج اور مذہبی امور کی کمیٹی کی سربراہ بھی ہیں، نے کہا کہ مغربی بچوں کے مواد کو روس میں روکنے کے لیے موجودہ قوانین میں خلا ہے، جس کی وجہ سے اقدامات میں رکاوٹ آ رہی ہے۔
انہوں نے کہا کہ وہ اس نشست میں سامنے آنے والی تجاویز کو پارلیمنٹ کے اس ورکنگ گروپ کے ساتھ شیئر کریں گی جو روایتی روسی روحانی اقدار سے متعلق قوانین پر کام کر رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
’اے جسٹ رشیا‘ پارٹی ’مونسٹرز اِنک‘ Monsters Inc Shrek اینیمیٹڈ کردار روس سویت یونین گرنچ.ذریعہ: WE News
کلیدی لفظ: اے جسٹ رشیا پارٹی اینیمیٹڈ کردار سویت یونین کہا کہ
پڑھیں:
مغربی یورپ سے ہمیں چیلنج درپیش ہے، قطر اور دیگر ممالک نے اسرائیل کو تنہاء کر دیا ہے، نیتن یاہو
اسرائیلی اخبار کو انٹرویو میں صیہونی وزیراعظم کا کہنا تھا کہ بڑا چیلنج انتہاء پسند مسلم اقلیتوں کا یورپ کی اسرائیل پالیسی پر اثر و رسوخ ہے۔ اسرائیل کو نئی اقتصادی حقیقت کیلئے تیار ہونا چاہیئے، اسلحہ سازی کی صنعت کو آزادانہ اور خود مختار طور پر مضبوط کرنا ہوگا۔ اسلام ٹائمز۔ غاصب صیہونی ریاست اسرائیل کے وزیراعظم نیتن ہایو نے کہا ہے کہ قطر اور دیگر ممالک نے اسرائیل کو تنہاء کر دیا ہے، مگر امریکا اور بہت سے ممالک ہمارے ساتھ ہیں۔ اسرائیلی اخبار کو انٹرویو میں صیہونی وزیراعظم نے کہا کہ بڑا چیلنج انتہاء پسند مسلم اقلیتوں کا یورپ کی اسرائیل پالیسی پر اثر و رسوخ ہے۔ انہوں نے کہا کہ مغربی یورپ سے اسرائیل کو چیلنج درپیش ہے اور اس ناکہ بندی کو بھی توڑ دیں گے۔ نیتن یاہو کا کہنا تھا کہ اسرائیل کو نئی اقتصادی حقیقت کیلئے تیار ہونا چاہیئے، اسلحہ سازی کی صنعت کو آزادانہ اور خود مختار طور پر مضبوط کرنا ہوگا۔ واضح رہے کہ امریکی صدر ٹرمپ نے وائٹ ہاؤس میں صحافیوں سے گفتگو کرتے ہوئے کہا تھا کہ اسرائیل قطر میں دوبارہ حملہ نہیں کرے گا، قطر ہمارا اتحادی ملک ہے۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام