دنیابھارت کے توسیع پسندانہ عزائم و ہندوتوا انتہاپسندی کےرحجانات سےبدظن ہورہی ہے،فیلڈمارشل
اشاعت کی تاریخ: 10th, July 2025 GMT
راولپنڈی: فیلڈ مارشل سید عاصم منیر نشان امتیاز (ملٹری) کی زیر صدارت کور کمانڈرز کانفرنس منعقدہوئی۔آئی ایس پی آرکے مطابق فورم نے بھارتی سپانسرڈ پراکسیوں کے ہاتھوں حالیہ دہشت گردانہ حملوں میں شہید ہونے والوں کے ایصالِ ثواب کے لیے فاتحہ خوانی کی اور دہشت گرد پراکسیوں کے خلاف فورسز کی حالیہ کامیابیوں کا جائزہ لیا
فورم نے عزم ظاہر کیا کہ ہمارے شہداء کا خون رائیگاں نہیں جائے گا، پاکستان کے عوام کا تحفظ اور سلامتی مسلح افواج کی اولین ترجیح ہے۔
فورم نے اس بات پر زور دیا کہ بھارتی حمایت یافتہ اور اسپانسرڈ پراکسیز کے خلاف ہر سطح پر فیصلہ کن اور جامع کارروائیاں جاری رکھنا ناگزیر ہے۔
فورم نے کہاکہ پہلگام واقعے میں واضح شکست کے بعد، بھارت اب فتنہ الخوارج اور فتنہ الہندوستان کی پراکسیز کے ذریعے اپنے مذموم ایجنڈے کو مزید آگے بڑھانے کی کوشش کر رہا ہے۔
فیلڈمارشل نے وزیر اعظم پاکستان کے ہمراہ ایران، ترکیہ ، آذربائیجان، سعودی عرب اور متحدہ عرب امارات کے حالیہ کامیاب دوروں پر پاکستان کے فعال سفارتی کردار کی تفصیلات سے فورم کو آگاہ کیا ۔
فورم کوفیلڈمارشل کے تاریخی اور منفرد دورہ امریکہ کے بارے میں بھی بریفنگ دی گئی۔ دورہ امریکہ کے دوران اعلیٰ سطحی امریکی قیادت کو پاکستان کا دو طرفہ معاملات، علاقائی اور بین الاقوامی امور پر پاکستان کا بامقصد مؤقف براہِ راست پیش کیا گیا ۔
فورم نے مشرق وسطیٰ اور ایران کی حالیہ پیش رفت کے تناظر میں، داخلی و خارجی سلامتی کے اُمور کا تفصیلی جائزہ لیا ، جس میں ‘طاقت کے استعمال کے بڑھتے ہوئے عالمی رجحان کو بحثیت ایک ترجیحی پالیسی ٹول کے طور پر استعمال کرنے پر تشویش کا اظہار کیا۔فورم نے کہاکہ یہ بدلتا رجحان پاکستان کے لئے نہ صرف خود انحصاری کی صلاحیتوں کو بڑھانے بلکہ قومی اتحاد اور عزم کی اہمیت کو ناگزیر کرتا ہے ۔
فیلڈمارشل نے کہاکہ بھارت کی طرف سے دوطرفہ فوجی کشیدگی میں کسی تیسرے فریق کو شامل کرنا بھارت کی بلاک پولیٹکس کو فروغ دینے کی بے بنیاد کوشش ہے، اس بھونڈی کوشش کا مقصد بھارت کا خطے میں نیٹ سیکورٹی پرووائڈر کے خود ساختہ کردار کو گمراہ طور پر پیش کرنا ہے، درحقیقت دنیا واضح طور پر بھارت کے توسیع پسندانہ عزائم اور ہندوتوا انتہاپسندی کے خطرناک رجحانات سے بدظن ہوتی جا رہی ہے۔
فورم کو جنگ کی بدلتی ہوئی نوعیت اور ابھرتے ہوئے خطرات کے پیش نظر پاک فوج کی حکمت عملی اور جدتوں کے بارے میں بریف کیا گیا۔
فیلڈمارشل نے ٹرائی سروسز ہم آہنگی کو مزید مضبوط کرنے میں پاک بحریہ اور پاک فضائیہ کی قیادت کو بھی سراہا۔
کانفرنس کے اختتام پر فیلڈمارشل نے ملک کو درپیش تمام خطرات کے خلاف پاک فوج کی آپریشنل تیاریوں پر مکمل اعتماد کا اظہار کیا۔
ذریعہ: Daily Mumtaz
کلیدی لفظ: فیلڈمارشل نے پاکستان کے فورم نے
پڑھیں:
ایئرعربیہ کو پاکستان میں فضائی آپریشن میں توسیع کی اجازت مل گئی
متحدہ عرب امارات کی کم لاگت فضائی کمپنی ایئرعربیہ کو پاکستان میں اپنے فضائی آپریشنز کو وسعت دینے کی باقاعدہ اجازت مل گئی ہے، پاکستان سول ایوی ایشن اتھارٹی نے تصدیق کی کہ یہ اجازت حکومتِ پاکستان کی منظوری کے بعد دی گئی ہے۔
میڈیا رپورٹس کے مطابق، ایئرعربیہ اب سیالکوٹ انٹرنیشنل ایئرپورٹ کے لیے ہفتہ وار 7 پروازیں چلائے گی، جن کا آغاز 17 جولائی 2025 سے ہوگا، اس کے علاوہ، ایئرلائن کو فیصل آباد اور ملتان کے لیے بھی ہفتہ وار مجموعی طور پر 10 پروازوں کی اجازت دی گئی ہے۔
یہ بھی پڑھیں:
یہ پیش رفت پاکستان اور متحدہ عرب امارات کے درمیان فضائی روابط کو مزید بہتر بنانے میں مدد دے گی، خصوصاً ان شہروں کے مسافروں کے لیے جہاں سے براہِ راست سفر کی سہولت محدود تھی، متحدہ عرب امارات میں مقیم بڑی پاکستانی برادری کے لیے یہ ایک خوش آئند خبر ہے، جو عام طور پر کم لاگت، باقاعدہ اور آسان پروازوں کی متلاشی رہتی ہے۔
ایئرعربیہ کا یہ فیصلہ ایسے وقت پر سامنے آیا ہے جب پاکستان اور خلیجی ممالک کے درمیان ہوائی سفر کی مانگ میں اضافہ دیکھا جا رہا ہے، خصوصاً گرمیوں کے مہینوں میں جب مسافروں کی تعداد معمول سے زیادہ ہوتی ہے۔
مزید پڑھیں:
حکام کے مطابق، تمام نئی پروازوں کا آغاز موجودہ ہوابازی کے حفاظتی اور ضابطہ جاتی اصولوں کے تحت کیا جائے گا، ماہرین کے مطابق، اس توسیع سے دوطرفہ تجارتی سرگرمیوں کو بھی فروغ ملے گا، کیونکہ سیالکوٹ، فیصل آباد اور ملتان پاکستان کے اہم صنعتی و کاروباری مراکز میں شمار ہوتے ہیں۔
ائیرعربیہ کی جانب سے اضافی پروازوں کی اجازت سے پاکستان اور متحدہ عرب امارات کے درمیان فضائی روابط مزید مستحکم ہوں گے، اس فیصلے سے نہ صرف مسافروں کو زیادہ سہولت حاصل ہوگی بلکہ ان شہروں سے بیرونِ ملک جانے والے پاکستانیوں، خاص طور پر محنت کش طبقے کو کم کرایوں اور زیادہ آپشنز کی سہولت میسر آئے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اضافی پرواز ایئر عربیہ پاکستان سیالکوٹ فضائی آپریشن فیصل آباد متحدہ عرب امارات ملتان
نواز شریف کی عمران خان سے اڈیالہ جیل میں ملاقات کی خبریں بے بنیاد، عرفان صدیقی کی تردید