ملک بھر میں 17 جولائی تک شدید بارشوں کی پیشگوئی، پی ڈی ایم اے نے الرٹ جاری کر دیا
اشاعت کی تاریخ: 11th, July 2025 GMT
محکمہ موسمیات نے ملک کے مختلف حصوں میں 11 سے 17 جولائی تک مون سون بارشوں کی پیشگوئی کرتے ہوئے شہریوں کو احتیاطی تدابیر اختیار کرنے کی ہدایت کی ہے۔ پی ڈی ایم اے پنجاب نے مون سون کے تیسرے اسپیل کے حوالے سے الرٹ جاری کرتے ہوئے بتایا ہے کہ صوبے کے بیشتر اضلاع میں بارشوں اور آندھی کا سلسلہ متوقع ہے ترجمان پی ڈی ایم اے کے مطابق اسلام آباد، راولپنڈی، مری، اٹک، چکوال، جہلم، منڈی بہاؤالدین، گوجرانوالہ، حافظ آباد اور وزیرآباد میں بارشوں کا امکان ہے۔ اسی طرح لاہور، شیخوپورہ، سیالکوٹ، نارووال، ساہیوال اور جھنگ میں بھی موسلا دھار بارش متوقع ہے اس کے علاوہ ٹوبہ ٹیک سنگھ، ننکانہ، چنیوٹ، فیصل آباد، اوکاڑہ، قصور، خوشاب، سرگودھا، بھکر اور میانوالی میں بھی شدید بارشیں متوقع ہیں۔ پی ڈی ایم اے نے شہریوں کو الرٹ رہنے اور نالوں و نشیبی علاقوں میں خصوصی احتیاط برتنے کی ہدایت کی ہے ترجمان کے مطابق 13 سے 17 جولائی کے دوران جنوبی پنجاب کے اضلاع بہاولپور، بہاولنگر، ڈی جی خان، ملتان، مظفرگڑھ، خانیوال، لودھراں، راجن پور، رحیم یار خان اور لیہ میں گرج چمک کے ساتھ بارشیں ہوں گی دوسری جانب کشمیر اور گلگت بلتستان میں بھی بارشوں کی پیشگوئی کی گئی ہے جبکہ مری اور گلیات کے علاقوں میں لینڈ سلائیڈنگ کا خدشہ ظاہر کیا گیا ہے، جس کے باعث مقامی انتظامیہ کو ہائی الرٹ پر رہنے کی ہدایت دی گئی ہے خیبر پختونخوا کے مختلف اضلاع میں بھی 13 سے 17 جولائی کے دوران تیز آندھی اور بارشوں کا امکان ہے۔ اس کے ساتھ ساتھ شدید بارشوں کے باعث ملک بھر میں فضائی آپریشن بھی متاثر ہوا ہے، متعدد پروازیں منسوخ اور درجنوں تاخیر کا شکار ہو چکی ہیں پی ڈی ایم اے نے عوام سے اپیل کی ہے کہ غیر ضروری سفر سے گریز کریں اور کسی بھی ایمرجنسی کی صورت میں متعلقہ اداروں سے فوری رابطہ کریں تاکہ جانی و مالی نقصان سے بچا جا سکے
.ذریعہ: Nawaiwaqt
کلیدی لفظ: پی ڈی ایم اے میں بھی
پڑھیں:
اگلے 12 گھنٹوں کے دوران بارش، آندھی اور طوفان کا الرٹ جاری
اسلام آباد(نیوز ڈیسک)نیشنل ڈیزاسٹر منیجمنٹ اتھارٹی (این ڈی ایم اے) نے اگلے 12 گھنٹوں کے دوران ملک کے بیشتر علاقوں میں بارش آندھی اور طوفان کا الرٹ جاری کیا ہے۔
نجی ٹی وی کے مطابق پاکستان کے بیشتر علاقے اس وقت مون سون کی لپیٹ میں ہیں اور شدید بارشوں سے سیلابی صورتحال بھی پیدا ہو گئی ہے۔
اب این ڈی ایم اے نے ایک الرٹ جاری کیا ہے جس میں اگلے 12 گھنٹوں کے دوران ملک بیشتر علاقوں میں بارش، آندھی اور طوفان آنے اور شمالی علاقوں میں گلیشیئر پھٹنے کا خطرہ ظاہر کیا ہے۔
این ڈی ایم اے کے مطابق اگلے 12 گھنٹوں کے دوران اسلام آباد، میانوالی، فیصل آباد، اوکاڑہ، ساہیوال میں تیز ہواؤں کے ساتھ موسلا دھار بارش متوقع ہے، جب کہ بلوچستان کے ضلع لورالائی، بارکھان، زیارت، کوئٹہ، سبی اور چمن میں بھی موسلا دھار بارش کا امکان ظاہر کیا ہے۔
الرٹ میں شدید بارشوں اور طوفان کے باعث شہری علاقوں میں اربن فلڈنگ اور پہاڑی علاقوں میں لینڈ سلائیڈنگ کا خدشہ بھی ظاہرکیا گیا ہے۔
این ڈی ایم اے نے شمالی علاقہ جات میں درجہ حرارت میں اضافے اور بارشوں سے گلیشیئر پھٹنے کا خطرہ ظاہر کرتے ہوئے ہنزہ، شگر، گانجھے اور چترال کے دریاؤں کے قریب رہائشی افراد کو محتاط رہنے اور اس کے ساتھ ہی کے پی اور گلگت بلتستان کے ڈیزاسٹر منیجمنٹ کو حساس علاقوں کی نگرانی کی ہدایات جاری کی ہیں۔
ترجمان این ڈی ایم اے کا کہنا ہے کہ ندی نالوں میں پانی کے بہاؤ میں اضافہ ہوگا۔ اس لیے مذکورہ علاقوں کے رہائشی محتاط رہیں۔ شہری تیز بارش اور طوفان کے دوران کمزور تعمیرات، کچی دیواروں، بجلی کےکھمبوں اور بل بورڈز سے بھی دور رہیں۔
واضح رہے کہ اس وقت بھی پنجاب، کے پی، بلوچستان اور شمالی علاقہ جات کے کئی علاقوں میں موسلا دھار بارشوں کا سلسلہ جاری ہے۔ لاہور میں آج 8 گھنٹوں میں بارش کا ریکارڈ ٹوٹ گیا۔
دوسری جانب این ڈی ایم اے کے جاری اعداد وشمار کے مطابق 26 جولائی سے اب تک ملک بھر میں بارش اور سیلابی ریلوں کے باعث 87 افراد کی جانیں جا چکی ہیں۔
مزیدپڑھیں:دنیا کی مہنگی ترین کمپنی
پاکستان میں مائیکروسافٹ کا دفتر بند: کیا ملکی ڈیجیٹل معیشت کو نقصان ہو سکتا ہے؟