سعودی عرب میں میڈیا سیکٹر سرمایہ کاری کا نیا مرکز بن گیا
اشاعت کی تاریخ: 28th, July 2025 GMT
سعودی عرب کا میڈیا سیکٹر تیزی سے ایک پائیدار اور منافع بخش سرمایہ کاری کے میدان میں تبدیل ہو رہا ہے، جہاں مقامی اور بین الاقوامی سرمایہ کاروں کے لیے بے شمار مواقع موجود ہیں۔
سعودی وزارتِ اطلاعات کے جاری کردہ تازہ اعداد وشمار کے مطابق سعودی شہری روزانہ اوسطاً 5.1 گھنٹے ٹیلی ویژن دیکھتے ہیں، جو دنیا بھر میں سب سے زیادہ شمار کیا جاتا ہے، جبکہ 67 فیصد سعودی باشندے روزانہ کی بنیاد پر پوڈکاسٹ سنتے ہیں۔
یہ بھی پڑھیں: سعودی عرب میں غیرملکیوں کو ملکیتی جائیداد حاصل کرنے کی مشروط اجازت
ڈیجیٹل مواد کے میدان میں بھی سعودی عرب میں بڑی پیشرفت دیکھی گئی ہے، جہاں 52 ملین صارفین ایسے مواد سے جڑے ہیں جو مقامی طور پر مختلف ڈیجیٹل پلیٹ فارمز پر تیار کیا جاتا ہے۔
وزارت نے اعلان کیاکہ 100 ملین امریکی ڈالرز کی سرمایہ کاری انفراسٹرکچر اور مواد کی تیاری کے منصوبوں میں کی جائے گی، جو ملک میں میڈیا صنعت کی پائیداری کو مزید مستحکم بنائے گی۔
توقع کی جا رہی ہے کہ 2027 تک میڈیا کے مختلف ذیلی شعبوں میں قابلِ ذکر مالی ترقی ہوگی، جن میں 15 ارب ریال ویژول میڈیا میں، 10.
رپورٹ میں یہ بھی بتایا گیا ہے کہ 2030 تک 5G ٹیکنالوجی کی بدولت میڈیا کے شعبے سے 68 ارب ریال مقامی معیشت میں شامل کیے جا سکتے ہیں۔
وزیرِ اطلاعات سلمان الدوسری نے کہاکہ ہم ایک ایسی مضبوط اور متوازن ریگولیٹری فریم ورک فراہم کرنے کے لیے پُرعزم ہیں جو مقامی و بین الاقوامی کمپنیوں اور سرمایہ کاروں کو سعودی عرب میں موجود مواقع سے بھرپور فائدہ اٹھانے کے قابل بنائے۔
یہ بھی پڑھیں: سعودی عرب کی اے پلس کریڈٹ ریٹنگ برقرار، فِچ نے مستحکم مستقبل کی پیش گوئی کردی
یہ رپورٹ اس بات کا ثبوت ہے کہ سعودی عرب کا میڈیا سیکٹر صرف معلومات کی ترسیل کا ذریعہ نہیں، بلکہ قومی معیشت کا ایک فعال جزو بنتا جا رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews سرمایہ کاری سعودی عرب سعودی وزارت اطلاعات منافع بخش کاروبار مواقع موجود میڈیا سیکٹر وی نیوزذریعہ: WE News
کلیدی لفظ: سرمایہ کاری سعودی وزارت اطلاعات منافع بخش کاروبار مواقع موجود میڈیا سیکٹر وی نیوز میڈیا سیکٹر سرمایہ کاری ارب ریال
پڑھیں:
پاکستان کینیڈا تعلقات میں پیش رفت، تجارت و سرمایہ کاری بڑھانے پر اتفاق
پاکستان اور کینیڈا کے وزرائے خارجہ کے مابین رابطہ ہوا ہے، دونوں عہدیداران نے تجارت اور سرمایہ کاری بڑھانے پر اتفاق کیا گیا ہے۔
نائب وزیرِ اعظم و وزیرِ خارجہ اسحاق ڈار کو گزشتہ شب کینیڈا کی وزیرِ خارجہ انیتا آنند کی جانب سے ٹیلی فون کال موصول ہوئی۔
دونوں رہنماؤں نے دو طرفہ تجارت اور سرمایہ کاری کو فروغ دینے پر گفتگو کی، خاص طور پر زراعت، معدنیات اور کان کنی کے شعبوں میں تعاون بڑھانے پر اتفاق کیا۔
یہ بھی پڑھیے کینیڈا کیجانب سے امریکا کے حوالے کیا جانے والا پاکستانی شہری کون ہے؟
فریقین نے غیر ملکی سرمایہ کاری کے فروغ اور تحفظ کے معاہدے (FIPPA) کے تحت باہمی تعاون کو مزید وسعت دینے کی ضرورت پر زور دیا۔
کینیڈین وزیرِ خارجہ انیتا آنند نے پاکستانی حکومت کا شکریہ ادا کیا کہ اس نے کینیڈین کینولا کی برآمدات کے لیے پاکستانی مارکیٹ تک رسائی کو ممکن بنایا۔
دونوں وزرائے خارجہ نے حالیہ تعمیری روابط پر اطمینان کا اظہار کیا، باہمی اقتصادی تعاون کو مزید مستحکم بنانے کے عزم کا اعادہ کیا، اور اس بات پر اتفاق کیا کہ وہ مستقبل میں بھی قریبی رابطہ برقرار رکھیں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار کینیڈین وزیر خارجہ انیتا انند
شاہ رخ خان ’بورنگ ایکٹر‘ ہیں، نصیر الدین شاہ