پاکستان اسٹاک مارکیٹ بہت جلد بڑا سنگ میل عبور کرے گی، وجوہات کیا ہیں؟
اشاعت کی تاریخ: 13th, August 2025 GMT
پاکستان اسٹاک مارکیٹ نہ صرف مقامی بلکہ بین الاقوامی سطح پر بھی اپنی کارکردگی سے متاثر کر رہی ہے۔
یہ بھی پڑھیں:اسٹاک ایکسچینج میں تیزی کا رجحان برقرار، انڈیکس 147000 پوائنٹس سے تجاوز کرگیا
ماہرین کے مطابق اس وقت کارکردگی کے اعتبار سے یہ دنیا کی تیسری بڑی ایکسچینج بن چکی ہے، جو چند روز میں ڈیڑھ لاکھ پوائنٹس کا ریکارڈ بنانے جا رہی ہے۔
تنویر ملک: کارپوریٹ ارننگ سیزن اہم وجہسینیئر صحافی تنویر ملک کا کہنا ہے کہ اسٹاک مارکیٹ کے بڑھنے کی سب سے بڑی وجہ کارپوریٹ ارننگ سیزن ہے۔
اس کا مطلب ہے کہ لسٹڈ کمپنیاں اپنے مالیاتی نتائج کا اعلان کر رہی ہیں، جن میں منافع نظر آ رہا ہے اور اسٹیک ہولڈرز کو ڈیویڈنڈ دیا جا رہا ہے۔
ان کا کہنا ہے کہ ایک روز قبل پاکستان آئل کی جانب سے اچھا منافع ظاہر کیا گیا اور اپنے شیئر ہولڈرز کو فائدہ پہنچایا۔ اس وقت کارپوریٹ ارننگ سیزن عروج پر ہے۔
پاک-امریکا تجارتی معاہدہ اور معاشی اشاریےتنویر ملک کے مطابق پاکستان اور امریکہ کے مابین تجارتی معاہدہ حتمی مراحل میں داخل ہو گیا ہے۔
اس کے ساتھ پاکستان میں جاری کچھ لوکل سرویز میں کاروبار پر اعتماد بڑھنے کی نشاندہی ہوئی ہے، جس کا اسٹاک مارکیٹ پر مثبت اثر پڑا ہے۔ معاشی اشاریوں میں بھی بہتری آ رہی ہے۔
مزید کہا کہ اسٹاک مارکیٹ کا یہ مومنٹم فی الحال جاری رہے گا، کیونکہ نہ کوئی منفی پہلو نظر آ رہا ہے اور نہ ہی موجودہ نظام کو کوئی خطرہ درپیش ہے۔ کچھ عرصہ قبل رپورٹس آئی تھیں کہ پاکستان اسٹاک مارکیٹ ایشیا کی بہترین مارکیٹ قرار پائی تھی۔
حمزہ گیلانی: بیرونی سرمایہ کاری کا رجحانسینیئر صحافی حمزہ گیلانی کا کہنا ہے کہ پاکستان اسٹاک ایکسچینج تیزی سے ترقی کی جانب گامزن ہے اور مسلسل ریکارڈ ٹوٹ رہے ہیں۔ اس کی ایک بڑی وجہ آرمی چیف جنرل عاصم منیر کا امریکہ کا دوسرا کامیاب دورہ اور وفاقی وزیر خزانہ محمد اورنگ زیب کا یہ بیان ہے کہ بہت جلد امریکہ سے پاکستان میں سرمایہ کاری آنے والی ہے۔
یہ بھی پڑھیں:پاکستان اسٹاک ایکسچینج میں تیزی، 100 انڈیکس 147 ہزار پوائنٹس کے قریب پہنچ گیا
ان کا مزید کہنا ہے کہ لسٹڈ کمپنیوں کے منافعوں کا اعلان ہو رہا ہے اور بہترین ڈیویڈنڈ سامنے آ رہے ہیں۔ ملکی اور غیر ملکی سرمایہ کار اس وقت بھرپور سرمایہ کاری کر رہے ہیں، جس کی وجہ سے اسٹاک مارکیٹ کا حجم بڑھ رہا ہے۔
ڈیڑھ لاکھ پوائنٹس کی منزل قریب100 انڈیکس 1 لاکھ 47 ہزار کی حد عبور کر چکا ہے، اور 1 لاکھ 47 ہزار 900 کا ریکارڈ قائم ہو چکا ہے۔ امکان ہے کہ یہ جلد ڈیڑھ لاکھ پوائنٹس کا لیول عبور کر لے گا۔
صرف موجودہ کاروباری ہفتے میں پاکستان اسٹاک مارکیٹ میں 6,500 پوائنٹس کا اضافہ ہو چکا ہے۔ بین الاقوامی جریدوں کے مطابق پاکستان اسٹاک مارکیٹ اس وقت دنیا کی تیسری بہترین کارکردگی دکھانے والی ایکسچینج ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آرمی چیف اسٹاک ایکسچینج اورنگزیب تنویر ملک جنرل عاصم منیر حمزہ گیلانی وزیرخزانہ.
ذریعہ
ذریعہ: WE News
کلیدی لفظ: ا رمی چیف اسٹاک ایکسچینج اورنگزیب تنویر ملک حمزہ گیلانی پاکستان اسٹاک مارکیٹ اسٹاک ایکسچینج کہنا ہے کہ تنویر ملک ہے اور رہا ہے
پڑھیں:
فراری کی پہلی الیکٹرک کار متعارف، رونمائی کے فوراً بعد تنقید کا طوفان
پُرتعیش گاڑیاں بنانے والی عالمی شہرت یافتہ کمپنی فراری کی پہلی مکمل الیکٹرک گاڑی منظرِ عام پر آتے ہی شدید تنقید کی زد میں آ گئی، جس کے اثرات کمپنی کی مارکیٹ پوزیشن پر بھی نمایاں طور پر دیکھے جا رہے ہیں۔
’لُوچے‘نامی اس نئی الیکٹرک گاڑی کو معروف ڈیزائنر سر جونی آئیو کے تخلیقی وژن کے تحت تیار کیا گیا ہے۔ اطالوی زبان میں ’لُوچے‘ کا مطلب ’روشنی‘ ہے۔ تاہم، گاڑی کا ڈیزائن اور مجموعی تصور صارفین اور ناقدین کی توقعات پر پورا نہ اتر سکا۔
فراری کی تاریخ میں پہلی بار متعارف کرائی گئی پانچ نشستوں والی اس الیکٹرک گاڑی کو غیرمعمولی کارکردگی کے ساتھ پیش کیا گیا ہے۔
کمپنی کے مطابق یہ گاڑی محض ڈھائی سیکنڈ میں صفر سے 96 کلومیٹر فی گھنٹہ کی رفتار حاصل کر سکتی ہے۔ اس کی قیمت 6 لاکھ 40 ہزار ڈالر، یعنی پاکستانی کرنسی میں تقریباً 18 کروڑ روپے رکھی گئی ہے۔
گاڑی کی تقریبِ رُونمائی میں اٹلی کی اہم شخصیات سمیت ملک کے صدر اور عیسائی برادری کے روحانی پیشوا پوپ لیو کو بھی مدعو کیا گیا تھا۔ تاہم، شاندار تقریب کے باوجود مارکیٹ کا ردِعمل فراری کے لیے حوصلہ افزا ثابت نہ ہو سکا۔
رونمائی کے صرف ایک دن بعد ہی کمپنی کے شیئرز کی قیمت میں آٹھ فی صد تک کمی ریکارڈ کی گئی، جسے سرمایہ کاروں کی مایوسی اور مارکیٹ کے منفی ردِعمل کی علامت قرار دیا جا رہا ہے۔
دوسری جانب ناقدین، سرمایہ کاروں اور بعض سیاسی شخصیات نے بھی گاڑی کے ڈیزائن اور تصور پر سوالات اٹھائے ہیں، جبکہ سوشل میڈیا پر اس کے منفرد انداز کو لے کر ملا جلا ردِعمل سامنے آ رہا ہے۔
ماہرین کا کہنا ہے کہ الیکٹرک گاڑیوں کی بڑھتی ہوئی عالمی مارکیٹ میں فراری کا یہ قدم تاریخی ضرور ہے، مگر کمپنی کو روایتی اسپورٹس کار کے شوقین صارفین کو قائل کرنے کے لیے مزید محنت کرنا پڑ سکتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ